ياحسن في خاطري هم(ن)وضيق

30-04-2009, 04:08 PM

:-"

ياحسن في خاطري هم(ن)وضيق=
علة(ن)بـي ماعرفـت اسبابهـا =
مثل تايه درب مـادل الطريـق=
في صحاريهـا وبيـن اشعابهـا =
اومثل سباح ماسك بـه غريـق=
والتماسيـح اقبلـت باانيابـهـا =
ياحسن لوشبـت الدنيـا حريـق=
والتهـم غاباتهـا واعشابـهـا =
مايساوي واهج(ن) يبرق بريـق=
فـي حشـاي النـار ياشبابهـا =
لي حبيب(ن) مورده ما بل ريق=
لوطلبـتـه شربة(ن)ماجابـهـا =
كنت اقول انه على حالي شفيـق=
القبايـل تحتـفـظ باانسابـهـا =
ياصديق الصدق ياالاصل العريق=
صاحبي خلـى الشيـم وادابهـا =
عشت انا وياه في نفس الفريـق=
وانكرايـام الهـوى واعجابهـا =
قلت له ياناعم العـود الرشيـق=
الحبايـب ماتبـيـع احبابـهـا =
والليالـي تكشـف الامرالحقيـق=
ترجـع الكذبـه علـى كذابهـا =
قال بطلت الهوى خبرك عتيـق=
والسوالـف ذيـك سكربابـهـا =
خل قلبك من هواجيسـه يشيـق=
افطـر بكـذبـه ولااتغدابـهـا =