في كفها تبصر شرائين الدماء = والشمس تكسف يوم تنظر للسماء

السلام عليكم ورحمة الله وبركاته

يامحمد حين زرت المملكه = شفت الذي قد جن عقلي وربكه
بنت الرياض اللي لقلبي تملكه = يا ما حلاها يوم في اليد الخضاب
من خدها روحي بجسمي اتكهربت = والنفس من راحت شكت وتعذبت
رمش العيون اللي بها لي صوبت =والقلب من رمشه شكى جرحه مصاب
يا ويل حالي منها لا وين اروح = مصطاب من عينه وقلبي به جروح
لا طب ينفع لي ولا تبتاع روح = هذي البدايه كيف ان زال النقاب
تمشي كما الفكسار ذي فيها جهاز = كنها على ريموت بُرمج بامتياز
تمشي وتتبختر بكل معنى اعتزاز = تفتن عقول الناس ذي شيبه وشاب
ان جات يمك قلت مركب بايطير = وان راح عنك قلت ذا يمكن امير
وان شفتها ياخوي يوم انها تسير = ما ظن تلمس يوم تمشي للتراب
في كفها تبصر شرائين الدماء = والشمس تكسف يوم تنظر للسماء
ويشوفها ذي اصطاب نونه بالعمى = ويبيّض ريشه لو يناظرها الغراب
كن العسل مصنوع داخل فمها = وكن الورد يزهر بريحة شمها
وكن الارض تزعل اذا حد ذمها = وكنها اذا تمشي يسايرها السحاب

دمتم بووود

اخوكم

بن فلاح المصعبي