{[[ مجلس سمر ]]}

بو صالح مافي شي يزعل ..
وافا والله ماتتاسف من حد .. انته الكبير ونحن نتأسف لك ياخويه


بس كلامك جدا متناقض ..
ماتبغينا نمزح في موضوع محطوط في قسم الضحك !!!
كيف جذيه ؟؟


انا اشوف ان في تناقض في الكلام ..
ع العموم ماصار الا الخير ..
وإن شاء الله الموضوع مابشارك فيه قد ماقدر ....
واسمحلي اذا خربت موضوعك بردوودي ..و آسفه


تقبل تحياتي ...
اختك اماراتيه

اختي القديره

وضعت الموضوع هنا وهدفي منه ان يكون مختلف قليلا عن باقي مواضيع القسم

/
/
/
عموما انا افهم ان الكثير يفهم ان هذه الاقسام فقط للمزح والضحك

لذلك فنادرا مانجد من مواضيعها اي فائدة ..

ولهذا السبب تعمدت طرح الموضوع هنا وفي هذا القسم
كي يخدم الفكره والهدف

: )

وصلت الفكره

جحربه up من البيت : لا تزعل يا بوصالح، معاد انا داخل هالموضوع من الليله...يوم سمرتنا ماهي راقية كفايه بالنسبه لمستواك، يالله تصبح على خير

لا لا لا اخوي اصلا ً انا ما يحلالي السهر الا وانت معي وبدون اي قصور في اخواني البقيه
بعدين ابو صالح والله يعزك وما يقصد هو فعلا ً حط الموضوع للنقاش ونحنا قلبنا السالفه شات وما شات .
عطني ابو صالح

نعم المزح شي مطلوب ولكن ان يطغى على كل شي فهذا هو العجب
خفوا شوي على المجلس تكرما وفضلا ليس امرا
اليوم 03:45 AM

ابو صالح يا خوي ماهي اول مره نسوي كذا وانا خوك يا ما ويا ما وبعدين جحربه اب واماراتيه والله ما سووا اي شي يعني لو كان في موضوع للنقاش او اي شي ثاني ابصم لك بالعشره انهم راح يتفاعلون مع الموضوع .
وبعدين الديوانيه صاير لها كم يوم ما نزلت فيها اي مواضيع يعني اعذرهم يمكن كلمه على كلمه بينهم تخلق لهم موضوع .
خلاصة كلامي
انا راح انقطع عنكم الاسبوع هذا وكله من الكليه الله يعيننا عليها اهم شي انا ما ابي اجي الاربعاء الجاي الا وجحربه اب وابو صالح وإماراتيه هم اللي ماسكين اركان المجلس وضحكتهم شايله المكان
اوكيه
يالله جمعتكم مباركه ..

انا ما اخطيت في حقك ولكن الكـلام عتـاب ..اعاتب واحسب بهرجي الا مني حكيت حساب
واذا انت من العتب تزعل علينا وابتصك الباب ...ولا ودى على الفرقا وقلبي داخلـي مرتـاب
واشوف ان الهوى فرقا مواليف وعناد احباب ...وقلبي لو عشق يخلص ولو طالت عليه رقاب
عشقنا والهوى حسرة،مشينا ولاأمـل كـذاب ...عرفت الحب من عمري صغير بالغرام وشاب
صحيح انى نويت ابعد ولكن الهـوى غـلاب ...تحريتك شروق الشمس وشفتك للشروق غياب
بقى لي بالهوى نظرة وتغريبة ودمـع اهـداب ...واناجي باقي حروفي وبألف للفـراق كتـاب
واذا مرتني الذكرى وجرحي بالحشا ما طـاب ...وانا عيب علي اشكي من الدنيا بدون اسبـاب



يسعد مساكم جميع ...

تسجيل حضور العصر .

السلام عليكم ورحمة الله وبركاته<----ادري محد في المجلس بس اسلم على بعيد عنا@@

بعد التحيه ياكرام


شورايكم اليوم اجهزلكم موضوع للسمره
وهو قصصكم مع الجان او من قصص اهلكم او الاولين .^_^.

خلوا قلوبكم قوية وبسم الله واتعوذوا من ابليس واقروا ية الكرسي ويالله نبى تفاعل
والسبب اللي خلاني اختار هالنقاش الله يسامحه اخونا الطاهري معول وقصته عن الجن كنت اشوفها واقول مابقراها
واللقافه اليوم دخلتني اقراها وفي خضم الاندماج اسمع باب انفتح واتسكر...وأسأل اهل البيت حد فتح قالوا لا واحلفهم ..مساكين مايدروا ان عقلي في عالم واخبار الجن طار واستخف:(

حصل خير يا جماعه..
يا بو صالح وربي اني مانا زعلان لكن لحظة غضب وغير ان اسلوبك بصراحه ما عجبني بالمره
يعني اماراتيه اول مره تجي ذا الموضوع و قدنا كل يوم انا وحضرميه ونياف وشموخ نمزح ونسولف فيه، ولا شفنا شكاوي منك... يعني انا والله بس قهرني انك مسكتها في وقت نحنا كنا فيه في المجلس، لو اليوم الثاني الصبح قلت هالكلام كان ما حطيت فبالي انه موجه لنا ولا زعلت، المهم انا بصراحه اقدرك، وبس اباك تعرف انه ماهو كل الاعضاء عندهم الافكار الي عندك وشخصيات الناس تختلف تراها ، وانا بطبعي وقد قلتلك من قبل ماعرف افتح مواضيع للنقاش لكن اذا في شي قده مطروح تشوفني من اول المشاركين واطرح رايي واتفاعل معاكم، مثل ما قال شموخ، انته اطرح موضوع للنقاش ونحنا وقدك داري ردة فعلنا بنتفاعل وياكم...

8-|

يوم قلت بشارك معاكم بالمجلس في موضوع ونقاش طفشتوا

ههههههههه
خليها لبكرة اختي عقد اللؤلؤ

اليوم شكلهم تعبانيين من بعد عطلة الاسبوع

اخوي جحربه

اولا يااخي يشهد الله انني لا اوجه كلامي لأحد بعينه وبشخصه
بقدر مااوجه الكلام للأفعال .. قد يكون توقيتي خطأ .. ولك الأسف ولغيرك

ولكن ااني اقصد احد بعينه فلا ابدا

اما كلامي الذي قلته فهو لحرصي ان بقى لهذا المجلس
جماله وروعته ...

/
/
/

لك العذر ولغيرك ايضا ... المهم ماكان ذلك الا وجهة نظر اقولها فقط
وليس على احد الالتزام بها أبدا
وانت والجميع اخوان ولكم المكانه العليا من التقدير

/
/
/

المهم

الليله كما قال اخوي المهاجر تعبانين
والأيام قادمه إن شاء الله

السلام عليكم
قويتوا يا رجال
وشب الدنيا هابيه