لعشاق القصائد

من يقول الزين ما يكمل حلاه؟…كل شي في حبيبي اكتمل

الله اللي كمّله والله عطاه…….مبقى للزين في خلّي محل

العيون أحلى من عيون المها….شابها قلبي وصفّق واحتفل

نظرته من فتنته شعلة حياة….والجفون من الحياة فيها كسل

ساه من رمشه على الخد وسناه….كن لمعة وجنته وردٍ وطل

والشفايا كنها جمر الغضى….تحرس الريق المحلاّ بالعسل

والشعر ليلٍ نقل حمرة مساه….أجعدٍ حوّل على صدره هَمَل

مايجٍ من فوق مثنى مطوي….لون شلاله مع المغرب نزل

وانطلق جيده يماري في بهاه….فوق ميّاسٍ تعزّل واعتدل

فالرشاقة فيه من ظبي الفلاة….لي مشى كنه على الريح انتقل

ريحه من كل زهرٍ منتقاة….والزيادة للخزامى والنّفَل

صافي مثل المطر فوق الصفاه….باسمٍ مثل البشاير بالأمل

جامعٍ من كل زين منتهاه….مستحيل الوصف في خلّي سهل

كايدٍ ماهو يلين لمن بغاه….يرتفع عن كل سقطات الزلل.

يا شباب ابغي منكم تعليق ياااااااااناااااااس تكفون {لا قلت تكفى .. فز لي الف رجال ذيب و ربعي كل ابوهم ذيابه }