خــــبــر وفــــــــاتـــــك..؟؟؟‏

حاسب الوقت لا تحاسبني انا***حاسب الوقت الي فرق بيننا


اقرأ الرسالة بتمعن وكأنك انت المقصود


خبر عاجل


في يوم _ صفر 1430 توفي فلان ابن فلان تغمده الله بواسع رحمته اثر سكته مفاجئه انا لله وانا اليه راجعون..

كان رحمه الله عضو في منتدى وكانت له مواضيع كثيرة وردود اكثر وله اصدقاء وله حبيبة وله والدين على قيد الحياة..

رحمة الله عليه..


تخيل ان هذا هو انت..

وتوفاك الله في هذه الايام وفي هذا العام 1430 ...

طبعا يوم توفيت ودوك للمستشفى وخلوك في الثلاجة عشان اجراءات شهادة الوفاة..

تركت غرفتك وجهازك وجوالك واصحابك..

واهلك وامك وابوك والدنيا كلها تبكي على فرقاك

يجي اخوك يقول لامك يمه اخوي فلان توفى .. وامك تصرخ وتبكي ماتبيك تروح عنها ابد..

يتبادولون الرسايل وفلان ابن فلان او فلانة بنت فلان توفى وبيصلون عليه في المسجد الفلاني بكرة الظهر..

جاء بكرة واخوانك واهلك واصحابك ماناموا يبكوووووون عليك بجد..

جاء بكرة الساعة 10 الصبح وجابوك للمغسلة والكل جاك وسلم عليك وقبل جبينك.. وانت مغطى بكفنك ..الابيض ..وريحة السدر تفوح في كل مكان..

شالوك وودوك للمسجد وضعوك قدام الامام وابوك واخوانك واصحابك..تجمعوا كلهم في بيت الله.. في البيت اللي يناديك خمس مرات في اليوم وانت ولا هنا..


صااااااااح المؤذن وقال

الصلآآآآآآآآآآة على الميت يرحمكم الله..

وكبر الامام الله اكبر

والكل قرأ الفاتحة

الله اكبر

والكل دعا لك وتوسل لك عند اللي انت كنت مقصرمعه...وكبر وكبر وكبر وسلم..

السلام عليكم ورحمة الله

والتفتوا لبعضهم وتوافدوا لابوك واخوانك (احسن الله عزاكم الله يغفر له ويرحمه)
شالوك على كتوفهم وودووووك المقبرة..

وكانوا فيه ناس هناك مجهزين قبرك والتراب


جابوك وحطوك في الحفرة ورصوك بكومة من الاحجار واللبن وكبوا التراب ودعوا لك ومشوا..

وانت

تسمع قرع نعالهم اقفوا وخلوووووووووووووووك..

وعزاك 3 ايام وينسووووونك..

وانت

ماعندك ولاااااااااشي.. جيت ضيف عند اللي يناديك خمس مرات ياعبدي تعال ابيك ..ياعبدي حي على الصلاة ياااعبدي الصلاة خير من النووووم...

جيت ضيف عند اللي رزقك وعزك عن الحاجة والسؤال..

جيت ضيف عند اللي خلاك في امان ..واغناك..

جيت ضيف عند اللي غلطت على عباده واذيتهم..

ياترى تتوقع ان فيه احد انت ظلمته يوم سمع بوفاتك قال ( الله لايحلله ولا يبيحه مات اللي اذاني)؟؟؟؟

ياترى تتوقع احد بيجيب خبرك مع اللي تسولف معهم في النت.. والله محد داري عنك..

ياترى حبيبتك اللي انت فرحان فيها ولا حتى تلعب عليهاااا ..وش بتسوي .. اتحداك انهاتصيح عند اهلها وش تقول ؟؟؟ خويي مات..

بتسكت وبيعزونها صديقاتهاااا وبتمر الايام وبتتزوج وتسحب على الذكريات...

غرفتك بتقول ياااارب انا غرفة فلان كان يسوي فيها ويسوي فيهااااا

سيارتك بتحكي

جوالك بينطق

اي ارض مشيت عليها بتقول يااارب فلان اللي مات سوى كذا وسوى كذاااا

وانت

ماعندك حتى كلمة قلتها من قلبك تحاج فيها ربك..

مت .. وناس زعلانه عليك.. مت اهلك ماذاقوا برك.. مت وانت لاهي مع اللي والله والله يجلسون معك بالساعات واذا قاموا نسووووووووووك..

مت .. واللي عزك وعلاك وكبرك.. الحنان المنان الرب الرحمن.. ماااااااااااااااااجلست معه جلسة تقول فيهااااا الله اكبر وتبدى بالحديث معه وتقول الحمدلله رب العالمين وتركع له وتسجد له خمس دقايق بس..

انا ماقلت هالكلام الا والله اخشى واخاف اني ما الحق على رمضان1430 ويقدر ربي سبحانه ان 1430 اخر سنة اتنفس فيهاااا..


ارجوك حاسب نفسك

ولاتعتذر للي ظلمته ولكن كف اذاءك عنه

وصل فرضك

رحمة من ربي تغفرلك ذنوبك


القراااان لاتنساه وتهجره اقراه اواستمع له بإنصات

انا والله ماخفت الا من هذاااااااااااا الله ينجينااا منه يااااااااااااارب

8

8

8









اللهم بلغت اللهم فاشهد

اللهم بلغت اللهم فاشهد

اللهم بلغت اللهم فاشهد

جزاك الله خير يا اخي الكريم على هالموضوع اللي كثيرين منا غافلين عنه وكثر الله من
امثالك

موضوع في الصميم اخوي
نسال الله العلي القدير ان يتوفاانا وهو راضي عنا

جزاك الله خير وإن شاء الله
في ميزان حسناتك

جزاك الله كل خير

جزاك الله خير يا اخي الكريم على هالموضوع اللي كثيرين منا غافلين عنه وكثر الله من
امثالك
وتقبل مروري

جز ا ك ا لله خير

جزاكم الله خير وبارك الله فيكم
ومشكووورين على المرور المستمر على
كل موضوع اكتبه او انقلبه ا