هل قيمة المهر دليل حب ويقيم الفتاة..اسئلة لازم تجاوبون عليها

المهر عمره ما كان يحدد قيمة البنت أو مكانتها
طبعاً المهر يكون حسب حالة الشخص و أبداً ماهو عيب المهر القليل دام هذي هي قدرات المعرس و بالعكس البنت يوم تقبل بالقليل يدل على نضجها و بعد نظرها

لكن اللي يجيبون أمثله قديمه ترا الدنيا تغيرت و الحياه الحين متطلباتها غير

أنا مش معرس فما أقدر أتكلم من تجربة بس أنا أشوف الشباب حوالي، و في منهم مصعبيين، لا بغى يشتري سياره ما ياخذ الا آخر موديل و أغلى سياره و يتدين و يطلعله فلوس من تحت الارض بس عشان هالشي، بس لو جا يتزوج يتشكى و يتونون و أنا ماشي معي
الفكره كلها انه الشباب يشوفون انه في أشياء تستاهل و أشياء ما تستاهل و للأسف أشوف بعضهم السيارات عندهم تجي في المرتبه الاولى

أنا مادري بالضبط كم بعطي مهر لا تزوجت لكن ممكن أسأل من بنات الأهل كم كانت مهورهم و كم نقص عليهم منها عشان ما أنحرج عند أهل الزوجه
بعدين يعني زوجتي ان شالله ما بتشل المهر و تشرد به، يعني آخرتها المره بترجع لي