حيص بيص

اولها قبل ا ي شي إيجاد منتدى باإسم القبيله نعمه كبيره وعمل لصاحبه الف تحيه لكن هذا ما يعني نرتكي على ذى الشي وخلاص
الجزء الثاني مفروض الإداره يشوفو كم عضو كسبوا في ذه الفتره وكم اخ غادر المنتدى والأسباب نفسها لجميع المغادرين

وتبى الصدق قدني شارك وانا فازع ذه الأيام قد صاب الإداره حقنا والمشرفين مرض الرئيس حقنا والتخوين يعني لو قلت لك رأي على طول قصفوك بمدافع الخيانه وقالوا إنك ضد وحدة أبناء القبيله وإن شاء الله إن شي هناك وحده كان رضينا بالتهمه بس البلاء وبوه يوم يعلقوك من ارجيلك ويعزروك على شي في النفس ما يعلم به إلا الله إلا لاقد شي معهم علم بما تخفي النفوس الله اعلم

المراقبين بشر لهم اخطاء ومثلهم الإعضاء بشر لهم إخطاء بس ما يشوفو ذى العذر إلا لهم بس العضو لو غلط تتداعو عليه القوم يا ويله اللي ينفغص بين يداتهم الله يخارجه


وهنا نبداء الشوط الثاني مفروض في كل قسم يحددو عدد المشاركات اليوميه لكل عضو لأن اللي يحدث يجيب الإحباط وجمبه شوية زكمه واحد يتعب ويكتب موضوع متعوب عليه ويالله يجمع أفكار في زمن تشتت الإحساس وتبلده ولاهو من اليمني خسر له مدري كم في حق القات لأجل يكتب ذى الموضوع وخلص ومبسوط ونزله وما يخذ شي ساعه ويدخل إلا وقده في الصفحه الثانيه إذا هو محظوظ ماهو في اخر الصفحات والبركه في أصحاب المواضيع السفري يروح يلفلف له كم موضوع سفري وجاء وسدحهم مره واحد للزبائن وراحت مواضيع الأعضاء الشخصيه

وقسم الحوارات احيان تتفاجأ بالمواضيع اللي منزلنه للنقاش الصدق تلاقي نفسك مظطر تحول من المنتدى لقناة اليمن الفضائيه بقدر ماهي تعيسه عادها أرحم

احس إني طولت وهو زمن السرعه والصدق بس شفت إسمك قلت والله عيب ما نشارك لعل وعسى ينصلح الوضع ويتوحد الشعب :2:

........................
ودمتم بود أخوكم فتى الأدغال