بني هاجر

جواب لعبد الهــــادي بن صالح الحرقي العبيــــــــــدي
القحطاني
من الدليهي بن عبدالله الهاجــــــري


بذكر الله معبودي بدنيا الاه والكون رب العــــــــــالمينا
عزيز الشان خلاق البرايا
خلق الانسان من روح وطينــــــــــا
وزين صورته واطلق لسانه
بحرف مايعوق الناطقينــــــــــا
وعلمه الكتابه القراءه
وقال افهم بها دنيا ودنيــــــــــا
ولي العرش غفار الخطايا
رحوم له عباده ساجدينــــــــــا
تسير السحب والافلاك بأمره
وبأمره ينزل الغيث الغشينــــــــــا
بعد ذكره بعد القاف وابداع
من الدار المصفا والثمينا
حسينات المعاني والمثايل
تحير أبها عقول الفاكرينــــــــــا
ابنضمها كما نظم الجواهر
نظمهن صايغن بحصن مكينا
لهن عقود بجياد تشادي
عنوق للضبا الصيد الحسينا
منقيهن من المنقود وادرى
عليهن من خبثات عابثينا
بعد هذا يانديبي انحملك الرساله يالمينا
لمن هو بالفخر والعز يرفل
وقرم من رجال نادرينا
عريب من عريبات المناسب
جدوده بالمفاخر دارعينا
عبيدي له التاريخ يشهد
من الحارث ملاذ الخايفينا
ان صالح عزيز الجد هادي
من الحرقان سقم الطامعينا
ابو فيصل إليا منك وصلته
تسلمه الرساله باليمينا
وقله ياعريب الجد حنا
نجاوب بالوفا للسائلينا
مادام أنك نشدت اليوم فأسمع جواب لايهون السامعينا كنوز من قديمات الليالي وذخر ينذخر للمقبلينا
مواريث توارثها الخلايق وتحفظها الروات الفاهمينا
حد يقرى من التاريخ سابق
ويلقي ماكتب بالغابرينا
تواريخ تسجلها العوارف
واحداث كتبها الكاتبينا
وحده جده يعده على صدوره يعده وراثه من رجال سابقينا
كما عد الخرز في خيط سبحه
تسلسلها الثقاب الواثقينا
وحد لو تنشده من ساس راسه اخير له السكوت من الرطينا
وعلم الغيب عند الله وحده
عليم بالحقيقة واليقينا
ولكن ماعرفنا لك نعده
ولاحنا بخير الحافظينا
نبين ماحفظنا واكتنزنا
بلاد زود ولا حنا ناقصينا
انا ابن كليب ابن راشده وجده علي بن محمد الحصن الحصينا ابن علي المجرب بالمواقف ابن منصور ابن ضيغم ابينا
ابوه منيف اللي ينوف النايفينا
ابن جابر ابن علي وتنشد تلقالك رجال باخصينا وعبدالرب ابوعلي وجده ربيع وخل منك المغرضينا
نسل سلطان سلطان العبيدي
عزيز من رجال مجربينا
ابن عبدالرحمن وروح جده
وحنا من خلفهم ناسلينا وسمينا الهواجر من طنانا
هجر منصور ربعه الاقدمينا
نسل منصور مافيهم مغالط
خوان اربعه ومذربينا
طريف وعلي وعبدالله على أمه يجي شهوان الضغينا
وحنا جدنا جنب المسمى
وحنا روس جنب الاولينا
عبيده أمنا مافيه منكر
ولابه أم ينكرها جنينا
ابوها ماخفا ذاك المهلهل
وهي ليلى غرام الطالبينا
عبيده ساسنا الاول وحنا عبيده في زمان الحاضرينا تنبيك الخبر سود الليالي
وآثار بحثها الباحثينا
لنا فبراد في مأرب مواقع
شواهد ثابته للناضرينا
وعلوم ماخفت عندك بحيك
تسولفها الرجال السامرينا
تسولف مامضى من فعل جد عزيز بالنسب للفاخرينا
تفكر وافتكر وأفكر وخايل
وتنبيك المواقع يالذهينا
وينبيك الخبر من هو لقانا بحرب أو عزمنا مصلحينا
لنا بالعز والناموس موقف
تجيدونه شبار الشابرينا
وينبيك الخبر سلطان مأرب
معه بعض الحقايق لك تبينا
دمرنا حكمه العامر وعزه وعلى راسه ابحافرها وطينا
وينبيك الخبر راع المحامل
طلوع الشمس لدياره مشينا
هدمنا عز داره وسط داره
رعى خمس الجزر والمحدثينا
وينبيك الخبر جمع القريشي
شريف هاشميا له عنينا
ثلاثين وثلاثين وكماها تسير اجموعنا لزاهمينا معه سبع القبايل واللحايق
وكسرنا جمعة العامر اتبينا
وينبيك الخبر منهو زهمنا ومن دونه رسى الجمع الرزينا
وجلينا العدى من هجر لجله
على شانه وحنا الفايزينا
عزيز الراس زيزوم الجزيره
ابن مكرن وتاج الحاكمينا
وكرمنا وقدرنا ابعطيه جزيله ماكسبها الكاسبينا
وينبيك الخبر من هو انا بجمعه يوم طرد المذنبينا وحلنا دون وجه البيت قوه وسقنا من الاصايل راغبينا ومثايل
ليل تنبيك الحقايق ويعطيك الخبر رجل فطينا
وعندك في ديارك من خبرنا
علوم مقنعه للناشدينا شواهد ثابته كأنها تسولف تبين لك علوم الدارسينا
رجال ماضيه والنسل ساير
على أسلوب قديما ثابتينا
ثقال كالرواسي وان جهلنا تبرا من جهلنا الجاهلينا
اليا من العدو جمعه بغانا
نجيله في دياره مايجينا
ندكه لين ترضيه الحقيقه
ويرجع من هديره للحنينا
وكم جمع وكم جمع نوانا
وعود حب زيزومه طحينا
وليا منا وعدنا مانخونه عدو بالمواقف مانعينا وليا منا نوينا بالصداقه
بعهد للصداقه صادقينا
وليا منا عطينا الوجه يامن دخيل الوجه دونه صاملينا
وليا منا ربطنا العهد نوفي بعهد
بالوفا له رابطينا
وليا منه جنا الجاني وجانا
حكم سلم العرب حقه علينا
وليا منه تخاوينا نصونه
خوي الدرب لامره طايعينا
نجيله كالخدم قدر وحشمه
اسلوم اجدودنا والغانمينا
ولامنه لفى للبيت خاطر
غدى المالك وحنا خادمينا
نباشره التراحيب الجزيله
بحجاج ضاحك هو والجبينا
بقولة ياهلا أرحب وحية وكيف البن والكبش السمينا
وليا منه نزل بيت وجاور
نعده بالوفا من والدينا
معزز عندنا مقدر وحقه عليه
انزود سلم الطيبينا
اسلوم للقبايل والقبايل
تفاحت سلمها شده ولينا
وحنا مانغالطك القبايل قبايل وافيه ومقدرينا
ولكن الشجر مات ويخلق
تنوع بالمنابت من سينا
وكل دون حقه مانلومه
بدافع بالملثم والسنينا
على قد الجهد والحيل قدره
يجي وزن الرجال الوازنينا
ولوانها على كيف البشريا
تشوف اضعوف ناس معتلينا
ولاصار البشر واطي وعالي
ولاصارت فوارق بالخدينا
ولكنها بحد السيف وايضا
برخص الروح والفاسل حزينا
ضعيف الراي والناموس قاصر مطاوع بالردى ابليس اللعينا
فنى عمره مقابل للحليله
وشوره بيدها في كل حينا
ولاخر عاف كسب فالمخاطر
وعود صانع وخادم قطينا
وساير نسلهم منهم كما هم
وغيرهم زمان الساقطينا
زمان مايونس كل وافي
عسى ربي على دوره يعينا
وهذا علمنا وغيره وغيره
اعلوم ولاتبيح بالكنينا
وحنا لو نبي نذكر ونذكر
يطول ونختصر لك بالهوينا
وانا أستغفر ولي الكون كله من الزله وسلم الظالمينا
ونختمها وننهي مابدينا
بذكر الله رب العالمين

ســــــــــــــــــلامتكم يارجال والله ماهي منه ولاكبر ولا جحود ولافقر ولاكن نسوى وقهر ،

توقيعي :
http://www.google.com/gwt/x?source=m...ct=np&whp=3173