((رد على اصحاب الحراك))

هذه القصيده اعجبتني فحبيت ان انقلها لكم وارجو ان لايزعلو مني اصحاب الحراك نسأل الله لهم الهدايه

بـك ابديـت ياخالقـي ياجبـار واحـد احـد

يامرسل رسول الهدىبالفرقـان معجـز فريـد

ياخلاق سبع السماء مطبوقـه بلاشـي عمـد

والسبع ألأرضيين التي مهدهـا لخلقـه مهيـد

سبحانك لك الملك يامهلك من كـذب أو جحـد

ياناهي عن التفرقه في نص الكتـاب المجيـد

ياقدوس أنا طالبـك بلغنـي طريـق الرشـد

يوم الناس متنافره ولعد زيـد يسمـع عبيـد

عين المعثمي ساهره باتـت ليلهـا فـي قهـد

جاني خط من صاحبي وامسى طرف عيني قهيد

والهاجس مقط محزمه قال الليل ياخـو حمـد

قلت الرود ياهاجسي سـر بالعوبثانـي رويـد

بن عبثـان يامرحبـا يـوم الخـط منـك ورد

جبره يوخـذة مننـا والزايـد معـة بايزيـد

ذا طبعي وذة شيمتي ماقصرت في جبـر حـد

وانا المثني عريق النسب دايم فوق ألأسياد سيد

وانا المعثمي خو حمد بالحيد الطويـل استنـد

زندي والزناد اخوتي ياخير الوسـل والرصيـد

مبداي الوطـن أولاً قبـل المـال قبـل الولـد

أرضي حبها في دمي يجري في عروق الوريد

كم وضحت لك موقفي لكن في عيونـك رمـد

وضحته وباوضحه للقـاري وذي هـو بليـد

لا للإنفصـال الغبـي وحـده دايمـه لـلأبـد

واحد من قديم الزمـن تبقـى يايمنـا السعيـد

تبقى وحدتـك عزتـك منهـا قوتـك تستمـد

وحده شمسها ساطعه ذوبـي ياجبـال الجليـد

نرفض كلمة التفرقه بين اجـزاء هـذا البلـد

من تقطيع أوصالنا شوفو من هـو المستفيـد

داو الراس من علته لاتقطـع طـراف الجسـد

ماشي عافيه باتقع لاروح علـى رجـل واٍيـد

وان عاده سلم بايقع حط الفخـذ شـل العضـد

هذا لك وهذاك لي واصبحتـو رعيـد الرعيـد

وان سالت دما لاتظن حد بيضع لذا السيل حـد

نار الحرب باتحرقه من يسعـى لهـا بالوقيـد

شللت يد من مدهـا للتخريـب او مـن فسـد

من قيح جروح الوطن يشرب مجلها والصديـد

ذامبداي ياصاحبـي وان قلبـي تذكـر حمـد

مايلتام هذا حمـد ربـي ماخلـق لـه نديـد

لايغرك كثير العدد حـل الصـدق مثـل الزبـد

غثاء السيل لاقـد كثـر والا قـل وش بايفيـد

لاتغتـر لاتفتخـر لاتناكـش وكـب الـشـدد

أو عجلت لك بالدوء ذي بايباخارك أيـد بيـد

جاك الرد مـن عندنـا كـل بـداع بيجيـه رد

خير الهرج ماقل ودل هذا المختصـر والمفيـد

ختم القول ذكر النبي عـدة ماركـع أو سجـد

من يذكر رسول الهدى يشفع لة بيوم الوعيـد

هذا واتمنى ان تنال اعجاب الجميع

للشاعر وحش الواد من شبوه