ومنهن نسخت الهم حبر(ن)وقرطاس___ يقراه ذي ماطول عمره تهجا

07-10-2009, 12:53 AM

هذه القصيده للأخ الغالي ( الغريب الحارثي ) وحبيت أنقلها هنا لروعتها ولما له من معزه خاصه فهو اللي صدق فيه القول ولرب أخ لم تلده أمك فهو الأخ هذا .............

الله من ليل سري بي عن الناس = سريت ادور به من الضيق منجا
سريت وامشي بين طاهش وحواس = واتيه دربي بين بارق وعجا
واتخيل الوحشه علي كل لجناس = واسمع صدى لصوات من كل فجا
سريت يحداني من الوجد وسواس = وابليس صابه بالضماير تحجا
سريت مثل اللي شرب خمرة الكاس = وراسي يلج من الهواجيس لجا
جاني بذاك الليل ماجاك يادباس = ليلة لفاه الخط وامسي يسجا
جواب ابوةاللي من الوقت منحاس = وضاقت عليه الارض من كل فجا
وجاني بذاك الليل هم(ن)وهوجاس = وحسيت لامنجا ولاعاد ملجا
وونيت من كثرالعناء واسود الياس = وثنيت ونه خجت الصدر خجا
و يادمع عينن بلل الخد لاباس = كان الرجاء ينفع فانا باترجا
مكتوب اذوق المر واوجاع واتعاس = وحلقي علي طعم المراره تعجا
عشرةعوام اللي تعدن علي الراس = منهن بياض الشيب في الراس هجا
ومنهن علي وجهي تفاصيل واقواس = ومن حملهن ظهري غدا منعوجا
ومنهن عرفت الهم والغم والياس = ومنهن كرهت اللي من الناس حنجا
ومنهن بدات افقد مع الوقت لحساس = ويضيع في باقي الامل والتفجا
ومنهن نسخت الهم حبر(ن)وقرطاس = يقراه ذي ماطول عمره تهجا

....................

ودمتم بود أخوكم فتى الأدغال

فتى الأدغال · 07-10-2009, 01:56 PM

صح لسان خويك قصيدة معناه جميله

والف شكر لك على النقل الرائع

اخوك ابن لحول

فتى الأدغال · 07-10-2009, 08:20 PM

[QUOTE=ابن لحول;96038]صح لسان خويك قصيدة معناه جميله

والف شكر لك على النقل الرائع

اخوك ابن لحول[/QU

الرائع هو مرورك أخي الكريم وأن شاء الله أخي الفاضل واتمنى ان يتم تواصل معك لما لك من أحترام تفرضه على الأعضاء
.................

ودمتم بود أخوكم فتى الأدغال