معزامنا دار اليمن...الشاعر /محمد صالح المصعبي

قم يارفيق الدرب ياالرجل الصدوق **يامن على الطولات دوم اتسوقها

ياسيف في اللزات قطاب العنوق ** ياهتفتي يوم العدا في بوقها

قم شغل اللي لا أشتغل مافيه عوق**مادام شمس الله في تشروقها

خله يحمي وامتنح زين الغبوق ** خلفه لبنها مثل سكر ذوقها

منيفة اللي وصفها كله يشوق ** فهد الدفيعه جابها من سوقها

مرباعها السمحه على رطب العروق**والرمث وأزهارن نبت زملوقها

والعفش خله لي وأنا باشد فوق ** الشاص كل العفش في صندوقها

بسري أنا وياك في الليل الغسوق**والصوت باجره على طاروقها

والشاص هده ينطلق ساري سبوق ** هد الحرار المطلقات اسبوقها

سعف النشاما لاقد الماقف خنوق ** تلقا غريمك عندها المخنوقها

عادات منهو مصعبي صافي العروق ** أنمار تبطش من طمع بحقوقها

معزامنا دار اليمن وانته تسوق ** الشاص ذي له كل عذراء شوقها

البيج ذي من دفعته شل الفروق ** هو باشة الدفعه وخير انسوقها

أبورفارف لا مشا حل الشفوق ** صبح صحاري عارفين شقوقها

رمله بها الفتان مكحول الحدوق ** أبوجدايل زاهيات اعتوقها

بدوي عيونه رميها ماهو رفوق ** كمن ولد يشكي جليل امروقها

والزين في عشقه نعم قلبي سموق**حبه محبه مامحبه فوقها

لاقد دعاني فز له قلبي شفوق** لبيه ياكبدي ويامعلوقها

اشتاق مجلاسه وشاهي له نذوق **واشتاق حلو الهرج من منطوقها

حكم الهوى مايرحم القلب العشوق**لكن رضيته دام أنا المعشوقها

وسلامتكم