يالله عفوك

السلام عليكم ورحمة الله وبركاته


قصيدة يالله عفوك لشاعر محمد بن فطيس

يالله عفوك

يا الله عفوك يوم تصفية الحساب
يوم حصاد لما زرعنا في السنين

يوم الحشر قرب ولامعنا زهاب
اليوم في الدنيا وبكره راحلين

نجمع ذنوب ونرتجي عفوك وثواب
وعلى نصر ربي لنا مستعجلين

تدري ليه امالنا كنها سراب
تدري ليه النصر سيف الاولين

ولاولين أعمالهم وفق الكتاب
قاموا عليه وباعوا الدنيا بدين

وحنا غفلنا بين ما لذ وطاب
والنصر سيف ما يسله غافلين

نصبح على شوف انتهاكات وخراب
ونمسي على دمع وتنهات وئنين

يصدورنا شي تذوب اله الهضاب
وأفعالنا والواقع رياح ..وطحين.

وعلى العيون من الفتن مثل الضباب
معد درينا من يسر ومن يمين

ما للضيف الاالدعا لو ما يجاب
ما غير الا الشوف مكتوف اليدين

يالله زلزل تحت الاعداء التراب ..
ولطف بنا واحقن دماء المسلمين

ندعوك ياقادر على جعل السحاب..
جيش لنصر قله مستضعفين

أغرقهم بنوع من أنواع العقاب ...
وغرق الغلام اللي يحسب انه فطين

لو ما عصى نوح نجا به في رحاب..
سفينته وأمضى معه العمر حنين

لكنه أختار الخساره والذهاب
إصنع بهم صنعك به وأنت المتين

ولا اخذهم يامجريه سود الحقاب ..
أخذ العجوز اللي بقت في الغابرين

ذقهم اللهم أنواع العذاب ..
اللي عثوا في أرضك من المفسدين

وألطف يمن لبسوا من التقوا ثياب ...
عبادك المستهدفين المتقين

تكالبت عليهم أنياب الذئاب
ولا غير عونك يامعين الصابرين

من بينهم شيبه يعجزون الشباب ..
من وقفته من طولها في ركعتين

ومن بينهم بنت تون بلا حجاب ..
أحجابها لفوا به الجرح المكين

وطفل عن عيون أمه الثنتين غاب ..
تبكيه عين وتلتفت لأخيه عين

من هول ما جرى لهم شاب الغراب...
يا وسع حلمك وأنت ما فوقك مدين

أدعيك وأنت ادرى بحال أهل المصاب
وأمد كفي لك يا أكرم الاكرمين


بتمنى أ نها تنال إعجابكم أعزائي تحياتي لكم

صح لسان الشاعر
وسلم الله الناقل

مشكور على مرورك العطر اخي بنادول

لك الشكر القلم الجديد شهد على نقل هذه القصيده الرائعة للشاعر القطري محمد بن فطيس المري وفعلا قصيده جميلة

من قصائده الحلووة التي بها من سرد بعض الاحداث القديمة التي قد يجهلها البعض للة درك على الاختيار ويا هلا بك عضو مميز

ولك التحية

بشكرك على مرورك العطر وعلى كلماتك المشجعه من كل قلبي تحياتي لك

وطفل عن عيون أمه الثنتين غاب ..
تبكيه عين وتلتفت لأخيه عين

صح لسان الشاعر محمدبن فطيس

وتسلم ايادي نقلت هاي القصيده الجميله

بشكور على مرورك العطرمن كل قلبي تحياتي لك

صح لسان الشاعر
وسلم الله الناقل

بشكرك على مرورك العطر من كل قلبي تحياتي لك

الله عفوك يوم تصفية الحساب
يوم حصاد لما زرعنا في السنين

يوم الحشر قرب ولامعنا زهاب
اليوم في الدنيا وبكره راحلين

نجمع ذنوب ونرتجي عفوك وثواب
وعلى نصر ربي لنا مستعجلين
اولاً مراحب فيك اختي في منتديات المصعبين...
وإن شاء الله نشوف منك الفائدة وتوخذي الفائدة منها ز

وثانياً صح لسان الشاعر الكبير,,, بن فطيس المري.
والله يحيه ع القصيدة الروعه ..

وتسلمي ع النقل الروعه .
لك ودي وتقديري
وتقبلي مروري