حسبي عليك

(( حسبــي عليــك ))




حسبي عليك إش غيّرك حسبي عليــك إش حل فيك ... لــوّل تنادينـــــي عشــــــقْ واليــوم تبعــدني بعيد


وش غيّرك فجأة علــي من هـــــو جنــى وأثّر عليك ... من هو تسبّب في جفاك هل في حياتك من جديد!؟


قل لي ولا تشفـــق علي قــــل لـــي ولا بزعل عليك ... وإن كــان ما تقــدر تقـــول معـــاك صندوق البريد


إن كان هذا اللي جــــرى صـــدق وتبيّن لك شريك ... الله يهنّيــــك بهــواك وأطلــــــب لك العمــــر السعيد


مانــــي أسيـــر العاطفـــه ومانـــي أسيـرٍ في يديك ... برحـــل وأنــا كلـي وفــاء برحـــل ولك خبــــرٍ أكيد


لا تنتظـــر منّــّي رجاء عانــد مع الوقـــت ويجيك ... لابـــد لك يـوم وتشــــوف مــن في النهايــة مستفيد


ضيّعت وقتي في رجاك بإحساس صادق مشتريك ... جرّعتنــي مُــر الزمــن حكمـــك علــى ظلمـــي شديد


أبسألك من علّمـــك تقســى على مــن هـــو يبيك ... الحـب يا الجــارح وفاء ماهـــــو على ما أنته تريد !!




شعر / جمعة بن نايم الكعبي

"بروق السحايب"
صح لسان الشاعر ولك الشكر ع النقل
منتظرين جديدك وابدعااااتك المتواصله..
لك خالص ودي...

قصيدة رائـــعـه
تسلمين ع الطــرح
ربي يسعدك ويعــآآفيك لا عدمنــآ ذووقكـ
وعــســآآك ع القوهـ
وبنتظار جديدكـ
تحياتي قناص شبوهـ

يسلم راسك اخويه قناص شبوه

تشرفت بمرورك الغالي

لك الشكر بروووق السحايب على نقل هذه القصيده الجميلة للشاعر الاماراتي جمعه بن نايم الكعبي وتسلمين على ذوقك الرائع


دمتي بخير وتحياااتي لك وكل عااام والجميع بخير

بن نعير

كم اسعدتني طلتك وتوجني حضورك بالشرف

ف لك شكري وتقديري

تسلم يمينج

اختي بروق السحايب

على نقل القصيده

وصح لسان قايلها

يسلم راسك اخويه ع المرور الطيب

بروق السحايب

صح لسان ابو محمد ولسانك

ولا هنتي ع الطرح


استمري بتالق فهناك اناس تعشق الابداع


بنتظار جديدك


تحيااتي

بن فلااح المصعبي

تسلم اخويه بن فلاح وتسلم الناس الذواقه شراتك