وين انت يابنت العروبه وش جرى
............ بالله قولي لي و ردي لي خبر
ليتك دريتي وش على بالي طرا
...........عن قصتك يوم اني اجهل بالامر
سريت ذيك الليل وفوادي سرى
.......... وطحت في صحراء التعاسه والكدر
ولولا طلوع البدر وعيوني ترى
......... صورة حياة الروح يعكسها القمر
كان انفطر قلبي وشمت الورى
........ .. ولاكان بعد اليوم ذا عندي صبر
شفت ابتسامتها وعانقت الثرى
.......... ودعيت ربي يوم صليت الفجر
عساه يحفظها لي من بد الورى
.......... ويحرسها من رفقة شياطين البشر
=========
ماكل ذيبن يسري الليل به جوع
.......... ولا كل ذيبن يقنب يجاوبه ذيب
شرواي يوم اسري ليالي بالاسبوع
......... واساعف رجالن تربوا على الطيب
ماني بمن آوى خلا الضبع مقلوع
....... ياكل من الميته ولا يعرف العيب
انا ابن العريفي ذي لهم صوت مسموع
........ نموت اذا جعنا كرام ومعازيب
==============
انهكتني ظروفي والحظوظ الردية
............وانهك الحيل صبري ياغناتي عليها
البقاء في حياتك دام لك روح حيه
........... جعل تفداك روحي قبل يقبض عليها
=========
الصبر مفتاح الفرج والشده تزول
............وان عج صبرك باالتنهات هونها
باكر تزين الليالي لا يجيك ذبول
............قم سل روحك بذكر الله وطمنها
====================
عيني ترف والقلب يرجف من الخوف
.......... ياالله عسا ماشر اشوفه بعيني
اخاف اشوف الدم يسفك بشاخوف
......... والا رصاص الغدر يخدش جبيني
ياالله باعالم بما يخفي الجوف
......... انت اكفني من ينوي الغدر فيني
04-07-2011, 02:41 PM
اهداء بسيط
العرض العادي
المواضيع المتشابهه