السلام عليكم ورحمة من الله وبركاته
اخواني هذه القصيدة لبن قحطان ذكر فيها قبايل كثيره من ضمنها
قــبـــيــــلـــــــــــة المـًصـــعــبـــي
اتمنى قرائتها
والمعذره اذا الموضوع مكرر
- بدوان في روس الشحـر00 تفـرح بزخـات المطـر
- وان غاب في الليل القمـر00 الكـل ينظـر للسحـاب
- وتنظر البـرق الرفيـف00 لالاح فـي راس القنيـف
- وتقـول يالله يالطيـف00 حـط المخيلـه عالشعـاب
- ذي تنزل السيل الكبيـر00 غواربـه فـوق الضميـر
- مداه يبلغ للمحيـر00 مـن حيـث يرعـون الركـاب
- النـاس تفـرح عالعمـوم00 لوقالـك بقعـا عمـوم
- ومن صرب لازم يدوم00 ماشي علـى ربـك حسـاب
- خط ياقلم فوق السطـور00 وبلـغ النـاس الحظـور
- احساس من نبظ الشعـور00 ودونـه داخـل كتـاب
- وارقـم بخطـي ياقلـم00 البـحـر بالمـوجـات زم
- وانشد على حيد النشم00 صاحب ومن خير الصحـاب
- بوشايع الشهم الاصيـل00 قليـل مـن مثلـه قليـل
- من ذي يشومه ما يميـل00 وافـي ولاجـاه العتـاب
- قلـه حسوفـي عالشجـاع00 ذي يشتريمايـوم بـاع
- ويرد بالصاعين صـاع00 واليـوم قـد ذاق العـذاب
- اتكالبو عنده امـم00 جولـه عـرب مـن كـل يـم
- بعد النعـم عايـش بهـم00 وخلـو اديـاره خـراب
- والناس تنظر بالعيون00 واهـل الـروادي يسمعـون
- ويــلاه مايتحـركـون00 ولاينـشـون الـذبــاب
- حيـا زمـنـا ذي بعـيـد00 ايــام خالدبالولـيـد
- كانت عرب ترعد رعيد00 بسيوفهـم هـي والحـراب
- تدخـل مياديـن القتـال00 والـدم لاعمـد وســال
- توقف معك مثل الجبال00 في المعركـه والله صـلاب
- صلاب فـي وقـت الدخـول00 ولايهابـون النـزول
- تدخل بها عرضا"وطول00 شيبانهـم هـم والشبـاب
- واحنا عـرب متفرجـه 00 والنـا طـرق متعرجـه
- ومـن نشـب مالخرجـه 00 لوباتعشـاه الـكـلاب
- اهم شي يرضى القـوي00 ذي لـه فـي الدنيـا دوي
- وابغاه يوخذ ماهـوي00 لـه تنحنـي كـل الرقـاب
- ماراجـي الامـن رجـاه00 دورعلـى خيـط النجـاه
- دورت فـي كـل اتجـاه00 ياربنـا فـك الحـجـاب
- ورجـع المجـد القديـم00 للعامـري وابنـي تميـم
- واصحاب مدين والرقيم00 والشمـري والبـو ذيـاب
- واليافعـي والعولـقـي 00والعبـدلـي والمقـطـري
- ونهـد هـم والصيعري=والحـاشـدي ذي مايـهـاب
- ومن في تحالف بلعبيـد00 مـن ذلحمـر لمـا رميـد
- رجال تمو عالعويد00 ماحـد مـن المـوت استهـاب
- نعمان ياخير الرجـال00 والسومحـي وابنـي هـلال
- والعوذلـي وبـن جلال00نـؤح وسيبـان الـذئـاب
- والحارثـي والمصعبـي00 والمشجـري والعكبـري
- بكيـل هـم والتغلبي00والراشـدي وقـت الـطـلاب
- وارض الكثيري للصمود00 والهاشمي مثـل العمـود
- هم والمناهيل الاسـود00 ذي كسـرو راس الغـراب
- والجابـري والواحدي00خـولان هــم والـواقـدي
- حميـر دهـم والخالدي00جعـده ومــره للـحـراب
- وانشد على المهره وسير00 في ارض مشقاص الخطير
- ذي يعصرون الما عصير00 رجـال تدخـل فالضبـاب
- عـرج علـى كـل القبـل00 وقلهـم ويـن السبـل
- سرحان عاده معتقل00 يمشي كمـا الذيـب المصـاب
- يانور شفتك مـن بعيـد00 اناعلـى شوفـك سعيـد
- وان جيت عندي يوم عيد00 بدعي صحابي والقـراب
- وباتعـوذ بالاحـد00 مـن شـر حاسـد لـو حسـد
- بنسى التعاسه والنكد00 والظلم واصحـاب الخطـاب
- ذي مايحبـون اليتيـم00 وخلـو الطـارف غـريـم
- ماعندهـم للنفـس قيـم00 يعلهـم وسـط التـراب
- يالله يـالـرب المتـيـن00 رزاق رب العالـمـيـن
- انصر جميع المسلمين00 والطف بهم يـوم الحسـاب
- يارافع السبـع الطبـاق00 ارحـم مساكيـن العـراق
- من التيتـم والفـراق00 ومـن المشقـه والصعـاب
- والختم صلو عالحبيب00 ماتشرق الشمـس اوتغيـب
- وماطرح ماطر خصيب00 وامست سيوله في الجـراب
الموضوع منقول
الإهداءات
01-01-2010, 08:14 PM
قصيدة ذكرت قبايل كثيرة من ضمنها قبيلة المصعبين
العرض الشجري