قيمة التيس بـ60 خليجي !!!

20-07-2009, 03:19 PM

بعد اتخاذ قرار التوحيد النقدي للعملة الخليجية

قرر المجلس تسمية العملة " خليجي "

يعني اذا رحت السوق بتشتري تيس

بتسأل كم هذا التيس ؟؟

البائع راح يجاوبك : التيس ب 60 خليجي

ههههههههههههههه

ويقولون ليه انسحبت الامارات

هزاع العريفي · 20-07-2009, 03:52 PM

واضح مدى تفكيرك ..

ياخوي هدي اعصابك واشرب عصير برتقال بالحبيبات وانتبه تشرغ

الموضوع ضحك واذا مالك نفس تضحك ابتسم واذا مالك نفس تبتسم غمض عيونك وعد لين احدعش واقرا الموضوع مره ثانيه

اهم شي لاتحرق عمرك

هزاع العريفي · 20-07-2009, 03:55 PM

برتقال
ايه حبيبات هذا الله يسلمك انتاج وطني
هههههههههههههههههههههههههه

بعدين

الحمدلله تفكيري وانا مقتنع فيه
ولا حرق اعصابك ولاشي

انا حبيت اوضح لك لانك داخل ولا تدري وش الطبخه

تشاو

هزاع العريفي · 20-07-2009, 03:58 PM

ايه اضحك ياخي ليش العصبيه خلنا انشوف ابتسامتك ولو صفرا ومحتاجه لمعجون كرست

عالعموم

موضوع العمله اكبر مني ومنك ولاتعور راسك فالسياسه

تشـــــــــــاو

هزاع العريفي · 20-07-2009, 05:53 PM

هههههههههههههههههههه
التيس
بـ 60 خليجي
هههههههههه

هزاع العريفي · 21-07-2009, 12:53 PM

بصراحه انا حطيت هالموضوع مجرد ضحك بنفس ونيه حسنه لكن ماتوقعت ان في اطفال وعقول جاهله بيدخلون ويقلبونه مهاترات غبيه ..

وبخصوص الامارات يامن تذمها

تراها دوله لها احترامها ولشعبها احترام ودولتك وهي تاج راسك السعوديه وانت تفخر في هالشي هي اول من يحترم الامارات ويسوي لها مليون حساب وانت جاهل

في هالامور وتفكيرك سطحي لابعد الحدود فخل هالمواضيع قبل لايسمعونك ويردونك

هزاع العريفي · 21-07-2009, 12:59 PM

الى مشرف القسم / اذا كنت بتحذف الموضوع فعليك بمخالفة من تسبب في حذف الموضوع قبل ان تحذفه ..والعفو

هزاع العريفي · 21-07-2009, 04:00 PM

ههههههههههههههههههههههههههههههههههههههههههه
خليجي
ههههههههههههههههههههههههههههههه

هزاع العريفي · 22-07-2009, 12:38 PM

شدني الموضوع وعنوانه

و

بدخلت مسرع له ...

فقرأت الموضوع فضحكت وابتسمت حيث

ان العمله الجديده التي كانوا يريدوه ان يوحدوها اسمها خليجي اي انك اذا كنت تريد اي شي عليك ان تقول بدل ريال او درهم خليجي

مثل:بكم لبن المراعي؟
بيقول لك: ب9 خليجي

موضوع فكاهي ومضحك وليس له دخل في السياسه

عندما نزلت الى تحت رأيت الردود للاخواننا الاعضاء..!!

والله شي استحي اقوله قلبوا الموضوع سياسي بحت وعنصريه

والله عيب يا اخوان الي كتبتوه نحن اخوان وعيال عم ويربطنا الدم والنسب والقبيله.. في النهايه نتشاتم في موضوع لاناقة لنا فيها ولاجمل

خلو السياسه لهل السياسه وبعدين الكلام الي انكتب هنا والله مايقولوه اهل السياسه وهم احق فيه لانه عيب حد يقوله قدام اخوانه

اتمنى ان الي حصل كان كبوة جواد او زله وسؤ تفاهم بين اخوان ولايفرق بينهم مثل هذه المواضيع

خلو الموضوع ضحك وفكاهه والي يعجبه الموضوع يعبر عن رأيه بطريقه بعيييده كل البعد عن الحساسيات والتنغيز ... والي مايعجبه مش مغصوب يرد يقراء ويطلع

اتمنى من الجميع الالتزام
ولكم مني اجمل تحيه

هزاع العريفي · 23-07-2009, 12:51 AM

بيض الله وجهك يابوهزاع

وانا اعتذر لجميع من قرا وتضايق من كل كلمه بذيئه وغير محسوبه كتبت في هالموضوع

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات