استطيع امنع لساني

استطيع امنع لساني

الأمير خالد الفيصل


استطيع امنع لساني لايقول

و استطيع امنع عيوني لاترى
و استطيع امنع يديني لا تنول

و امنع اذني عن سواليف الورى
لكن المشكله أنا وش لون أحول

دون فكري لو خيالي به سرى
شارد افكاري على رغمي تجول

كلما عن الهوى والا طرى
كل نجم للخيال اصبح ذلول

بالفلك طواف لا ضاق الثرى
شاغلي يا راعي الطرف الخجول

باع حبك في خفوقي و اشترى
يا ربيع القلب في كل الفصول

ورد حبك فاح عطره و ازهرا
مرني طيفك على العادة عجول

عز طيفك مثلما عز الكرى
مانفع تحذيري القلب الجفول
يرقد الخالي و عيني تسهرا
باسألك قل لي ولو فيها فضول

كيف تذبح من يشوفك ما درى

جمعتك مباركه وايامك سعيده

وتسلم على القصيده الجميله مدري وش على قلبك ذا الايام اوبه من التفكير الزايد خاصه في بنات حواء

والقصيده اكيد انها جات على ما في قلبك

تحياتي وتقديري اخي الراسي

جمعه مباركه على الجميع أخوي ابن لحول

ربي يسلمك وأشكرك على المرور


وش اسلم بنات حواء من عيال أدم

والحياة بدون بنات حواء جحيم لا يطاق


كل قصائد الأمير خالد الفيصل والشاعر الأمير بدر بن عبد المحسن تجي على ما في القلب وأبحر في فيض مشاعرهم

تحياتي لك أخي العزيز ابن لحول