هل قيمة المهر دليل حب ويقيم الفتاة..اسئلة لازم تجاوبون عليها

احسن شي انا اشوفه في القبيله وهو انهم ما يشوفو للمهر اهم شي عندهم الشرف ويستر زوجته

والمهر ما هو الي يحدد قيمة المره انا في نظريتي واغلبهم والله ما ياخذ الا حق الذهب وبعضهم والله

انه يعطي من جيبه ونتشرف بهذا الشي


تقبل المرور

هممم حلوه ردودكم يالاعضا
انا شخصيا اشوف انه ارتفاع المهور مفروض يكون شي اجباري الحين
ليش؟ شي طبيعي مع ارتفاع الاسعار + ارتفاع الرواتب.

اللي مقبل على زواج اكيد حاب راحة اللي بيناسبهم, واذا كان المهر اللي دفعه لا يتحمل تكاليف الزهبه + الذهب شي طبيعي انه والد البنت يدفع من جيبه ألووف حتى في بعض الحالات ضعف مهر الزوج
لو كان الولد اللي مقبل على زواج (واللي راتبه ارتفع) وده راحه اعمامه شي طبيعي يرفع المهر عشان لا يتوهقوا.

هممم يمكن في رجال مش متخيلين المره وش تحتاج. البنت عاد لزووم الكشخه اكيد تبا تغني حاجته من جميع الجوانب, يعني في ذهب اللي تقريبا ياخذ ربع المهر اذا ما اخذ النص, في زهبتها اللي هي تتكون من جميع لفاليفها, يعني اغراض البيت و الملابس و الاحذيه و العطور و البخور و و و و (عاد هذي يمكن الواحد ما يستوعبها, بس بعد الزواج بيشوف مرته بأحسن حاله). انزين, غير هذا في اشيا متعلقه في يوم العرس, يعني فستانها و تعديلها و اذا هي حابه تزود اشيا من خدمه ولا كوشه ولا مصوره.
في السعوديه تقريبا كل شي نص السعر, و الرواتب اقل من الامارات يعني في توازن, اليمن ما عندي اي فكره عن حالتهم الاقتصاديه في هذا المجال.
بس الامارات وربي صار عيب انه الواحد يتصرف "بجهل" في هذا الموضوع و يعطي مهر قد اللي اعطاه ابوه لأمه قبل 40 سنه, مش حلوه في حقه قبل حق اي حد..

*تعبت كتبت شدا* يلا ان شا الله تتفهموا بس. واللي حاب يتحروا يقع يحوش لها شوي على جنب عشان لا يتوهق وقت الخطبه و ما يحصل شي في جيبه : )

السلام عليكم

فيكم الخير والله وطرحكم ممتاز

أما بالنسبة للمال أن يكون مقياس تقييم الشخص فهذا من الخطأ الكبير ودليل الجهل

فقيمة الشخص لاتحدد بمال أو جاه أو نسب أو غيره

فالمقياس الحقيقي هو الدين ثم الاخلاق

وبالنسبة للمهور فقد أعتبرها بعض الناس في هذا الزمن مثل التجارة وهم ضعاف النفوس الذين ليس لديهم مقياس للخير والصلاح

نسأل الله أن يعين الشباب والفتيات على أمور زواجهم وعفتهم من الحرام