اسبووع

اسبوع" للشاعر محمد جار الله السهلي


اسبوع مر ولاوصل منك مرسال
ياقو قلبك كيف تقطعني اسبوع


الجوع كافر وانت ماترحم الحال
ونا عليك من الوله ميت جوع



ياللي غيابك صعب يطري على الباب
تركتني ضايق وحاير ومفجوع



ماكني الا شايب فاقد عيال
وماكنك الا محرم حق مشروع



يفوع لك قلبي ليا مر الاطلال
ياليت مالي قلب يشتاق يفوع



حسبي عليك شلون قطعت الامال
بموت لاصار الامل فيك مقطوع



ياصاحبي ماكل نزال رحال
من وين مارحت متبوع



نسياني لزول بالاعماق يختال
اصعب على صاحبك من حبة الكوع




لو الثمن في شوفتك عمر رجال
كان الثمن من يوم ماغبت مدفوع




ولو القدر ماتم قوله ليا قال
ماضاق صدر ولا انحنى راس مرفوع




ياصاحبي عشقتني فعل وخصال
واناعشقتك شعر واحساس وطبوع




وشلون تتركني كذا لشهب اللال
وقدام عيني تجف ينبوع ينبوع



وانا عشانك جيت والغيم همال
اسيل الوديان وداحم جموع



ماردني عنك سواليف عذال
تزعل علي ربوع وتقدر ربوع



كان المهم اعيشك جنون ووصال
وتكون لي كلمه ولي راي مسموع




واليوم ضاقت بي من الجال للجال
فرقاك تقسم ظهر وتحز وتلوع



لوجيت شفت الحال ماسرك الحال
في غيبتك ضايق وحاير ومفجوع



هذا غياب اسبوع واشلون لو طال
طالبك لا يطول غيابك عن اسبوع

حيالله ,’ هــمــــس ,’..

أشوف المنتدى منور ! ! !
ياهلا وسهلا..
هذا أولآ..

بالنسبه للقصيده: أكثر من رائعه محمد جارالله شاعر عذب وجزل وخطير(لولا إنه هلالي) والناقل ذواق وإختياراته مميزه بالفطره وعلى السجيه.

نسياني لزول بالاعماق يختال
اصعب على صاحبك من حبة الكوع

تقديري لك ومراحب بعودتك.

حياك الـ ع ــود


المنتدى منور بهله, لا خلا ولا عدم,,




تو أدري أنه هلالي !!

الشكوى لله , وش نسوي !!



<-- عديها هالمرة ,,



شاكرة لك مرورك أخوي

الله يحفظك

[quote=,’ هــمــــس ,’;119077]

ولو القدر ماتم قوله ليا قال
ماضاق صدر ولا انحنى راس مرفوع

همس اسمآ على مسماء
بكل صراحه ماله حق يغيب هلغيبه
قصيده معبره وصح لسانك
وانشالله يرد الغائب
تحياتي لك من كل قلبي
ابوريم

قصيده من روائع الشاعر محمد جارالله السهلي ...
تسلمي أختي على الطرح المميز والرائع ...
دمتِ بود ...

حيالله ,’ هــمــــس ,’..

أشوف المنتدى منور ! ! !
ياهلا وسهلا..
هذا أولآ..

سلمت يدك اختي همس على النقل الجميل

ننتظر منك المزيد

تحياتي

بن فلاج المصعبي

تسلم يمينك اختي همس على نقل القصيده الرائعه

الجوع كافر وانت ماترحم الحال
ونا عليك من الوله ميت جوع



ياللي غيابك صعب يطري على البال
تركتني ضايق وحاير ومفجوع

كلمات في غاية الروعه والجمال

تعبير جميل تعبر عن غياب القلم الذهبي
عن منتداه
فهي تقول على لسان حال المنتدى
وين الغيبه
افتقدنا لقلم رائع لايشق له غبار في الطرح الراقي والتعبير الجميل
لا عدمنا الابداع والمبدعين

كل الشكر والتقدير لااختنا الغايبه الحاضرة همس

ياسلااااام.


لو الثمن في شوفتك عمر رجال
كان الثمن من يوم ماغبت مدفوع
------------------------------


يسلم الناقل وصح لسان الشاعر