~ بنام يمكن باكر ارتاح ~

السلام عليكم ..

صبحكم\ مساكم الله بالخير ..

هذي شله للشاعر .. محمد سعيد البادي ..

صوت عذب ويأسر المستمع .. وكلمات معبره ومغزاها واضح ..

الكلمات :

مدام إني ماشفت الأفـراح
وأثر الحزن مع كل راحه

بنام يمكن باكـر أرتـاح
الصبح للمسلـم فلاحـه

بنام بس بوصيك ياصاح
بكـل جـرأه وبصراحـه

أخاف لامن نمت بجـراح
لاشوف صبحي ولا رباحه

العمر ماهو ملك لصحاح
مابالك الل يشكي جراحه

الطير لامن طار ثم طـاح
أكيد عوقه مـن جناحـه

يعني لو الطاير بلا جناح
ماسمعت تغريده ونواحه

ومدامني ماشفت الأفراح
وأثر الحزن مع كل راحه

بنام يمكن باكـر أرتـاح
الصبح للمسلـم فلاحـه




إماراتيه