قصيده بدويه روعه

بسم الله الرحمن الرحيم

السلام عليكم ورحمة الله وبركاته

الله لا يهينك انت خابرني بدويه=ما احب اللى يمسس غترته ويزبط عقاله
انا ودي ببدوي يمشي بدمعه حميه=لاتعزوى بالقبيله كلهم صاروا عياله
البدو غالين عندي لو حصل منهم خطيه =الولد فيهم يساوي شيخ بجاهه وماله
قلت انا انعم واكرم ما كذبتي يا اجوديه=سجل التاريخ عنهم البطوله والجماله
لكن الله لايهينك لاتناسين البقيه=الحضر رجالهم ياوسع صدره وطول باله
في المواقف انشديني مايتخلى عن خويه =لافزع ماعاد يدري من وراه ومن قباله
وضيفهم يبشر بعزه والوفا والمقدريه=كل واحد يسبق الثاني ولاندري بحاله
قالت اكبر عيب فيني يالحضر النرجسيه=ما اظن احد بيغريني بطبعه او جماله
انا احب اللى زهابه حاجتين وبندقيه=يفتحر بالذود ويسرح كل يوم في حلاله
وان لفاه الضيف شاف الفرق شاف الناس حيه =ابدوي صوت نجره اطرب الطرقى وعناله
قلت انا ليه اختلقتي فرق وسويتي قضيه =الكبر لله والمومن ضعيف براس ماله
يابدويه الجروح اللى من اسبابك نديه=والخفوق اللى تحرى جيتك يا ماجراله
والعيون اللى تمنا شوفتك صارت شقيه =والفراق اللى كلها والحب وين اللى وفا له
ياولد لاتحسب اني جاهله والا غبيه =الهوى ماهو كذا والحب انا مابي مجاله
انا خوي ان قال اخو فلانه عرفت اني بدويه=تجمع روس العرب له من يمينه من شماله

اخوكم ابو صخر المصعبي

تسلم ع الطرح يابوصخر ....وهذي المره ولابلاش

انا احـب اللـى زهابـه حاجتيـن وبندقيـه
يفتحر بالذود ويسرح كل يـوم فـي حلالـه

صح لسان وتسلم على الطرح

البدو غالين عندي لو حصـل منهـم خطيـه

الولد فيهـم يسـاوي شيـخ بجاهـه ومالـه

مبدع بوصخر في اشعارك

ماشي مثل البداوة والبدويات

يسلمو على مروركم وتسعدني ردودكم المتواضعه

والبدويات ماشي احلا منهن على الفطره

تسلم اخوي ع القصيده الجميله

هم بعد الحضريات ماعليهن كلام

خلك عادل ولابنسوي عليك حمله.