أبي أهديه باقة ورد ..مسقيها شراييني

أبي ابكي من الضيقة وابعزف للهموم ألحان
أبي اطلق مواويل الحزن وبطرح كل دواويني

أبي أشكي أبي احكي ابوصف للبشر حرمان
أبيهم كلهم يدرون أبيهم يشعروا فيني

أبي لا من طرى اسمي بكى من لوعتي شيبان
أبي لامن طرى"عاشق" ذكر من كان يغليني

أبيهم يذكرون أني صرت بدمعتي غرقان
أبيهم يعرفون الهم هواللي صار يخاويني

أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني



أبي اترك لهم قصة وأخيّرهم على العنوان
يسمّوا "حزن "يحطوا "دمع" ..ما عاد يعنيني

أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني

أبي شخص يجي يمي و يقفل للعنا بيبان
أبيه يكون لي خل وعلى حزني يواسيني

أبيه لمركبي مرسى وأبيه لغربتي أوطان
أبي لامن ذرفت الدمع لقيته لي يعزّيني

أنا ما أبيه يصبح ضلع أبيه يكون لي ضلعان
أبي لا من مشيت وطحت يحط يديه في يديني

إلامن خانني التعبير أبيه يكون لي لسان
أبي لامن سكت ألقاه ..يفهم من نظر عيني

أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني

أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني

أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني

أبي أشعل شموع الحب وبأعطي من الغلا بستان
أبي أهديه باقة ورد ..مسقيها شراييني .

أبي أهديه باقة ورد ..مسقيها شراييني .

الله الله ترا يمدحون الورد الطبيعي مب البلاستيك ههههههههههههههه

تسلم بنادول بس ياترا هاي القصيده منو قايلها؟

مشكور اخي على نقل القصيده الجميله
للشيخ حمدان

"بروق السحايب"

شاكر لك مرورك
مهما كانت الورده بلاستك او طبيعي المهم فيها هو الرائحه الطيبه والعطره
الورد الطبيعي بعد فتره يذبل الورد البلاستيكي لايذبل ههه
الكاتب مثل ماقال السوادي الشيخ حمدان

الســـوادي

شاكر لك مرورك بنادول شركه رائده صاحبها رجل وليس امراه ههههاااي بس بروق السحايب شريك رسمي((مشرفه ))

مشكور اخي
على الكلمات الذهبيه
وما سطرته لنا من كلمات

حتى انت ياصياد الاسود


شاكر لك مرورك

ههههههههه "بنادول" اعصابك خلاص عدلنا لك الردود
ماعليش الغلط مرجوع لاتكرر اعتمد لهم حبوب بنادول خلاص ...
هذا بس من اعاجبهم بالقصيده.... تصدق رجعت لاعلى الصفحه اكثر من مره اتاكد من صاحب الموضوع هههههه
صراحه اعجبتني القصيده صح لسان شاعرها حمدان
وتسلم يمين ناقلها "بنادول"

اهلا وسهلا بقيصر شبوة

شرفتنا بمرورك ,,, سلم راسك

اجمل مافي الموضوع تشرفيك ووضع بصمتك