لاجتك زلة من رفيق تودهــ

مساء/ صباح الخير

لا جـتـك زلــة مــن رفـيـق تـــوده
رفيـقـك الـلـي مــا تـعــدد مـزايــاه
رفيقـك اللـي تقصـده وقــت شــده
وتنحـل لا مـن شفـت طلـة محيـاه
بـيـنـك وبـيـنـه خـــوّة مـسـتـجـده
متجـول فـي قلبـك أدنـاه وأقـصـاه
حبـل الوصـل بينـك وبيـنـه يـمـده
يمـك يسوقـه قلـب وتشيلـه خطـاه
نفـسـه يطّمنـهـا ولــو فـيـه حـــده
لأجـل الرفـيـق يـكـب شــي تمـنـاه
مـا يتـركـك فــي سهـلـة مجـرهـده
طيّب وهـذا طيـب ساسـه ومجنـاه
صقر ينومس بالقنـص مـن يهـده
وافــي شـبـور وطـيّـبـات نـوايــاه
احـذر خـطـاه لغـيـر نفـسـك تـعـدّه
واحذر يجي غيره ويجلس بمركاه
ادمــح لــه الـزلـة وحــذرا تـضـده
ودور علـى عــذر يـعـذره وتلـقـاه
لا تشيـل نفسـك والجبـل لا تـهـده
واحذر تكـون اللـي نقـل داه بـرداه
بـاب الجـفـا لا فــك عـجـل بـسـده
وإبليس لا ابلس بالقطاعـه تحـداه
أوصـل رفيقـك عاتبـه فــي مــوده
وبيّن له اللي حس بك من خطاياه
واحـذر مجالـس راكبـيـن الاشــده
أشــدة الغـيـبـة رجـــال المـحـابـاه
أهل النكـد وأهـل الوجيـه المصـده
قـوم علـى نقـل السوالـف مضـرّاه
رجـالـهـم دايــــم مـعـشّــي بــبــده
عـزاه ياللـي غـيّـر الــدرب عــزاه
مــا ينفـعـه طـيـب مسـويـه جـــده
لا صار خايب مـا يسـوي سوايـاه
والـقـاف الأول يــا رفيـقـي نـــرده
رفيقك الطيب مـن الصعـب تجفـاه
لا جـتـك زلــه مــن رفـيـق تـــوده
احـذر تنـكـر لــه وبالـشـر تـجـزاه
وصــلاة ربــي عــد منـهـو يــوده
على النبي اللي على الديـن نقفـاه

م/ن

لا جـتـك زلــه مــن رفـيـق تـــوده
احـذر تنـكـر لــه وبالـشـر تـجـزاه
وصــلاة ربــي عــد منـهـو يــوده
على النبي اللي على الديـن نقفـاه

اللهم صلى وسلم عليه

ابيات جميله فيها شهامه ورجوله بمعنا الكلمه صح لسان قايلها
اخويه بنادول خففت آلامنا بهاي القصيدة

جزاك الله خيلا
على الابيات الجميله
لك ودي واحترامي

"بنـــــــــادول"
بيض الله وجهك على نقل القصيده
ابيات جميله صح لسان شاعرها
وتسلم يمينك على نقلها...
تقبل مروري
اخــــــــــــ قيصـر شبـوه ــــــــــــوك

" بروق السحايب "

شاكر لك مرورك العطر

وسلامتك من الالام وازالها الله عنك

" صياد الاسود"

شاكر لك مرورك الكريم

" قيصر شبوة "

شاكر لك مرورك

سلمك الله وعافك ورزقك من بنات ادم اجملهن واطيبهن

صح لسان الشاعر ...

ويسلموو اخي بنادول ع النقل ..

بارك فيك ربي .. وتقبل مروري

" ابوشاص "

شاكر لك مرورك

شرفتنا يالغالي