قطاع لاهل بيحان عامه من قبل نهم

المفروض ان نهم تتقطع للسنحان الي حكمو اليمن وتركوالحبل على الغارب وخلو اليمن فوضى وثارات والامن الي احتجز الي فعل ولدهم والامن الذي فكة الموضوع موضوع دولة واوامر والسعدي مؤظف في الدولة وجتة اوامر من مقولة اومن لامن القومي وفكة مالةذنب السعدي لوالمصعبين حطو على يد الثالث بايطلع نهم غلطانيين وبايفرعو المصعبين والغرض من فك المساجين في هذة الفترة معروف يريدوالناس تتقاتل من شان يقولو واللة ان علي كان ظابطها اهوين على ابواحمد هذا المقصود يريدو اجهاض المبادرة الخليجية والمثل يقول اذا قدك ريح كثر الفضائح اللهم جنب اليمن الفتن وعليك بالخونة والمظظليين الذين ينشرون في الارض الفساد وجنب الشعب الذي صبر 33سنة على القهر والجوع والمرض المصايب والفتن يارب وزلزل كل خائن للوطنةوللشعبة

الله يسمعنا خير اما طريق القنذع البيضا اليقول عنها العقل الراجح فيها قطاع طرق من ذمار وقد اعترضو لنا مرتين

وانا لازلت انتظر الإجابه عن المصاب ،وكيف حاله ، وماذا يريد الطرف الآخر بالضبط بعد اعتراضهم ربعنا وهو يسيرون في الطريق يطلبون فضل الله ، هذا بحد ذاته حق كبير وشكرا،

يا جماعه مالهم حق يحتجزو السيارات الا ب انذار او برا هذه اصول القبيله وثاني شي قطع السبيل ما يجوز شرعا اما ما يدعونه لهم من حق على المنكر اليمين وعلى المدعي البينه

المصاب عند اهله ويقولون انه اصيب بشلل نصفي... ويدعون انهم تعبوا وخسروا فلوس من شان يجيبون المتهم ويدخلونه السجن وان السعدي هو من اخرج المتهم من السجن..يبون السعدي يحكم في اخراج غريمهم من السجن بدون حق..


الجديد في القضيه: قالت نهم لصحابنا ذي محتجزين عندهم انها باتسمح لسيارتين من اصل ثلاث سيارات في العوده الى بيحان وعليهم يترادوا وش من سياره باتقر.. قال السوداني انه بايجلس مع سيارته والباقين يرجعون بيحان .. البعض طلع صنعاء منهم والبعض نزلوا بيحان..

اما بخصوص الوساطه فقد اخذ صالح علي جربوع من السعدي ثلاثه بنادق في مايلحقه وإن شاء الله بكره جربوع بايصلها للشيخ كعدان المحاد للنهم ويقول له هذه بنادق المصعبين جالسين في الحق وعليه ان يحضر نهم لانه تربطه علاقه بنهم .. ان جو في الطريق فصلى الله وبارك.. وان حازوا فلكل حادثه حديث..

اذا فكو لسيارات حسب ماقلت وباقي سيارة فاالامور انشا الله بخير الوساطه مارجعت بتلفوناته خايبه عاد لا وصلهم جربوع ماعاد السيارة عقبه عليهم بايخرجوها انشا الله

الله يسمعنا خير الناس تزور الموضوع تبغىتشوف ماالجديدفي الخبر وانتو في لعبه اول دومه



يارجال استحو كل موضوع وانتو الرئيس والله اني عارف لوجابوة في منصه المحكمه واعترف بجرائمه باتقولو والله مانحن عارفين انه كان مجرم

والله اني استخملك ياالروني من زارة كلام

والله يالروني كان كبير على بعض الكلام علي معروف باتجي انت يالروني تزكيه وتمدحه لو انت قريب من الدولة كان عرفت جرائمها وجرائم علي
اما ثوراتنا هي ثورة الجنوب الحراك الجنوبي والايام بيننا تثبت صحة كلامي

بعض التعليقات تجيب لك المرض
وش جاب ذلحين الرئيس اليمني في الموضوع .!!

بالنسبة للجديد في القضية هاذي
وصل الشيخ جربوع النسي الى نهم وعرض عليهم انهم هم والسعدي عندي شيخ ثالث
قالو نهم على يدك ياجربوع
رفض جربوع قال انا وسيط بس برجع للسعدي ونشوف شيخ تحطو على يده فكو كل السيارات وبقيت الدينة حق السوداني

جديد القضيه: الشيخ صالح علي جربوع اخذ من السعدي سياره عدل وذهب الى نهم وطلب منهم سياره مقابل سيارة السعدي واطلاق الدينه لكنهم رفضوا وطلبوا من السعدي الحضور وتحكيمهم وبعد اخذ وعطاء وتدخل من بعض كبار نهم وافق النهمي على ان القضيه عند جربوع وان يخارج بينهم باليمين والمقدم باليمين السعدي ونص اليمين(يمين بالله العظيم البار الرحيم محيي العظام وهي رميم باني لم اتستر على غريمكم واني لا اصتاب لكم بصايب وان غريمكم فلان بن فلان)

ويقدم ابوه حسين السعدي ويزكي يمينه.. وافق السعدي لكنه رفض ان يسمي غريمهم او ان يقول انه غريمهم في اليمين ووقال انه بايحلف ان المتهم وليس الغريم هو فلان بن فلان حسب الدلائل والتحقيقات..

واتفق الطرفين على ان يلتقوا في مارب لليمين والمخارجه.. منتظرين وصول فوزي حسين السعدي من عدن فقط..