حبيت احطلكم هالقصيده..واللي هيه للشاعر...شالح بن هذلان
التي يرثي بها ابنه الذيب..الذي قتل في حرب بين القبائل...وكان يحبه حب عجيب...وكانت في الذيب كل الخصال الحلوه..الشهامه..الرجوله..وسنااااااااااااافي...يوم راح الحرب انقتل..
واخليكم مع قصيدة الرثاء واتمنى انها تعجبكم...
ياربعنا ياللي على الفطر الشيب *** عز الله إنه ضاع منكم وداعه
رحتوا على الطوعات مثل العياسيب *** وجيتوا وخليتوا لقلبي بضاعه
خليتوا النادر بدار الأجانيب *** وضاقت بي الآفاق عقب اتساعه
تكدرن لي صافيات المشاريب *** وبالعون شفت الذل عقب الشجاعه
ياذيب انا بوصيك لاتاكل الذيب *** كم ليلة عشاك عقب المجاعه
كم ليلة عشاك حرش العراقيب *** وكم شيخ قوم كزته لك ذراعه
كفه بعدوانه شنيع المضاريب *** ويسقي عدوه بالوغى سم ساعه
ويضحك ليا صكت عليه المغاليب *** ويلكد على جمع العدو باندفاعه
وبيته لجيرانه يشيد على الطيب *** وللضيف يبني في طويل الرفاعه
جرحي عطيب ولا بقى لي مقاضيب *** وافخت حبل الوصل عقب انقطاعه
كني بعد فقده بحامي اللواهيب *** وكني غريب الدار مالي جماعه
من عقب ذيب ، الخيل عرج مهاليب *** ياهل الرمك ماعاد فيهن طماعه
قالوا تطيب وقلت : وش لون اباطيب*** وطلبت من عند الكريم الشفاعه
الإهداءات
01-04-2009, 11:51 AM
قصيدة ياذيب انا بوصيك لاتاكل الذيب
صح السان الشاعر 
العرض العادي
