زوج/زوجة المستقبل... مصعبي/مصعبيه؟؟

المشاركة الأصلية كتبت بواسطة أرسـتقــراطي

وليش حجري؟
أنا اشوف دام بناتنا حلوات وطيبات واكيد متربيات وليش نروح لبعيد؟ ما نسوي خير فالقريب أحسن؟ والله استغرب الشباب الي قالوا نحنا ما نبى مصعبيه..أنا من الي قالوه فهمت انهم شاكين انه البنات المصعبيات يكونن عالمستوى الي يبونه.. لأن لو هو صدق واثق في ان المصعبيات جميلات ومحترمات وكل هالمواصفات الحلوه، وش كربه عالغريب الي ما يعرفه؟ ماهو منطقي..

يعني لا تفرحن زياده لما يجي واحد ويقول ابا غريبه وتقولن والله ذا انسان متفتح، هذا بس لأنه واسمحولي على هالكلام يحسب المصعبيات ماهن من مستواه وتجي وتشوفينه متحجر وزباله و راسه يابس وشكله غلط خخخخ ويبى وحده فوق السما مواصفاتها..

يا جماعه الدم الأزرق! لا تفرطوا فيه

والله ارستقراطي حسستني انك حجري بعد !! [-X
انا نقطتي كانت للشباب اللي مايرضون ياخذون من برا .. يعني افرض امه لقتله بنت من برا ومحترمه وحلوة واخلاق .. وهو الا يبا وحده من القبيله بس امه مب لاقيه وحده تناسبه !! انا اقولك مثال . مب قاعده اشجعك على الزواج من وحده من برا .. !! في اختلاف

لا وتفرط في الدم الازرق يالطيب


اختي عقد اللؤلؤ .. معروف عن البنت .. تربيها تربيها تربيها اخر شي ايي ريال ويشلها .. سواء كان قريب ام غريب .. ترا بتكون نفس القصه .. دام الرجل ياخذ من برا ويقول عيالي بيشلون اسمي .. نفس الغريب اللي بياخذ مصعبيه .. نفس الكلام يمكن يدور في راسه !!!
في النهايه الزواج قسمة ونصيب سواء برا او من القبيله .. واللي كاتبنه رب العالمين يصير ... مش نحن اللي نحدد

تقبلو تحياتي