إقرب من الله وتلقى الخير وتأكد .. ماخاب من يحسن برب الملا ظنـه

عليكم ورحمة الله وبركاته ..





مســآكم الله بالخير جميـع ..





أصافحكم بهذه المتواضعه عســى أن ترتقي لذائقتكــم ~

أبدى بذكر الإلـه الخالـق الأوحـد

المعطي اللي له الفضل وله المنـه

سبحانه اللي بكل خضوع له نسجد

شوف الحرم ممتلي بالناس يدعنـه

ندعيه ورضاه عنا غايـة المقصـد

نرجيه بعد العـذاب ونطلبـه جنـه

يا اللي خذتك الدني وأموالها عـود

ما تنفعك في القبر لا ضاق بك هنه

أقفت بك أيامها عن روحة المسجد

وأبعدتك أحلامها عن فارج الونـه

نـور طريقـك بنـور الله واتعبـد

من يطلب الله يفرج كربتـه عنـه

إقرب من الله وتلقى الخير وتأكـد

ما خاب من يحسن برب الملا ظنه

سبحانه اللي على مكروه لا يحمـد

سواه رب الملا والنـاس يرجنـه

والعالم اليوم عن درب الولي تبعـد

تناست إنه خلقها لأجـل يرضنـه

صارت تطارد ورى الدنيا وتتـودد

ما تتبع الخيـر ولا تطبـق السنـه

على طريق المعاصـي دوم تتـردد

وطريق طاعة ولي العرش عافنـه

الين صار البن آدم منكـر وجاحـد

ما كن ربي عطاه الخير مـا كنـه

عن طاعة الله تمادى بالغرور وصد

ورجولـه لطاعـة الله مـا يودنـه

على طريق المعاصي صار متعـود

ونصايح أهل الفضايل ما يصحنـه

يا الله عفوك علينا وقتنـا مشتـد

رحمتك يا اللي لك الفضل ولك المنه

شفنا من الوقت شي زاد فوق الحد

عز الرخوم ورخوم العـز طاعنـه

وإللي حرمني لذيذ النـوم والمرقـد

الطيب اللي ظروف الوقـت خاننـه

في كل يوم ٍ عليـه همـوم تتزايـد

الين كره الحياه وخـان بـه ظنـه

قلته وأنا اللي رجيت الوالي الواحد

يغفر ذنوبي بعفوه وأدخـل الجنـه

من هاجس ٍ لا دعيته جاء وفي المد

ما يختفي لو قضايا الشعر يدعنـه

وختامها صلوا على المصطفى أحمد

اللي دعانا لدرب الخيـر والسنـه

إن شاء الله تنال على إستحســآنكم ~