للعـــــــــــــــــــــــــــــــــــــــــــــــ ـــــــــــــــــــــــبره

[CENTER][FONT="Times New Roman"][SIZE="5"]

بسم الله الرحمن الرحيم

ياااااارب ياااااارب احسن خواتيمنا
شي يخلي الواحد يبكي
السآعه 4 الفجر ..يوم الاربعاء جآلس على النت سهران وصوت ضحكي مآلي بيتنا الي كل الي فيه نايمين الا انا ..
فآتح المسنجر الي اربع وعشرين ساعه عليه .. فجأه دخل علي ..
علي اهليين احمد شخبارك؟
احمد..
هلا والله علي

:علي
طفشان.؟؟

:احمد
لآ عادي ليه؟

:علي
بسوي لك انفايت مع هذاك الي قلت لك عنه

:علي
مين ساره؟

:احمد
هههههههههه لآ ساره خلاص راحت الغبيه هذه نوف الحلوه

:علي
ههههههه هذاك المملوحه البيضاء
:احمد

بالظظظظبط

:علي
امانه شلون جبت ايميلها ..
:احمد
مره حطته بالنت لوق حقها ولطشته

:علي
سويت لها آآد بالنت لوق ابغاها تصير من فرنديني عيت تقبل يالله يالله سوي انفايت خل اخليها تقبل
:احمد
اوك

**
:احمد
نوف هذا علي ..علي هذه نوف

:نوف
يآ هلا والله بعلي
:علي
هلا بك اكثر

..

مرت الساعه وحنا سواليف وضحك وحش وشوي شي مشفر
..

:علي
يووه اذن مالي خلق اروح المدرسه
:نوف
غييبـ ..خل نكمل سوالف مررره انت كيوت

:علي
وانتي سوير ؟
:احمد
تصدقين انا نفسي اغيب
:علي
اجل برب اسكر الباب عشان ما يزعجوني ..وهـ يا حلوك يا نوف انت وسواليفك
..
جلسنا تقريباً نسولف لين الساعه 7
..
:علي
يوـوه خلاص دخت بقوم انام ..نوف نور المسن
:نوف
بوجودك قلبو


:علي

..
انسدحت على السرير وانا دااايخ ..غمضت عيوني وفكرت بنوف الحلوه اضفتها اليوم بدل ساره الفاشله خخخخ سوالفها حلوه ..اووووه ما صليت الفجر بررد مالي خلق اتوضى .. صح النائم حتى يستيقظ ..!! لا قمت ان شالله بصلي
..
السآعه9 ونص قمت من صوت مسج الجوال يوووه من وقته هذا يرسل اللحين .. فتحت الجوال كانت من احمد يقول فيها" بسرعه ادخل في هوشه "بالمسنجر
تحمست بسرعه وفتحت لاب توبي وايميلي ما امداني دخلت الا احمد دخلني انفايت فيه ناس كثار وفهمت من احمد السالفه بمحادثه ثانيه واستهبلت وانا اتهاوش لييين روقت .. خلصت الهوشه بعد ضحك طوويل واعتذار احد الشباب مع انه ما غلط .. فتحت النت لوق حقي لو احط صورة فمي بس محد عارفني !! فكره والله شبابنا يخقون على طرف عبايه وانا خلقه اهبل خخخ نزلت صورة فمي وقمت من على الجهاز وبدلت بجامتي وتوضيت وصليت الفجر الساعه 9 ونص .!!
رجعت للاب توبي وانا فيني نوم بس شفت نوف داخل جلست اسولف معها شوي .. فجأه كل شي بدا يجمد فيني الدنيا بدت تظلم كل شي ظلام وش صار ..الاب توب فوقي وكأني نايم بعمق ما اسمع الا صوت المحادثه بس

:احمد

علي وينك؟

:نوف
وين رحت علي
*اشارة تنبيه*
:احمد
شكله انشغل المهم كمل السالفه
..
كل شي ظلام ابي اتحرك ابي اقوم .. لا ميت انا اللحين ..ياربي رجعني بس بصلي ركعتين ..ربي رجعني بس بعيد صلاتي زين ..وصورتي الي تو نزلتها !! ونوف وساره وسعاد الي في ايميلي؟ والفيس بوك ؟ ياربي رجعني يارب

مر الوقت طويل وانا بس اسمع مصوت المحادثه
الباب يطق انفتح اسمع الخدامه تاتي تنادي بأسمي وانا ما ارد جلست تصرخ وتنادي بأمي ..لا انا اسمع تعالي يا تاتي تعالي بس بقول اسف على الصراخ الي تاخذينه مني كل يوم تاتي بس حلليني ياربي قومني بس تحللني
دخلت امي وقرب الصوت لعندي اكثر

امي..
علي.. علي حبيبيي علي ..لآآآآآآآآآآآآ علي قوم تكفى علي
..
يا ماما شلون ارد تكفين ماما ابي اقوم ليتي سمعت بنصحتك يوم قلتي لي اتغطى ليتني سمعت منك يوم قلتي لي يكفي اغاني

أغاني..!!
انا مت .. والاغاني الي حملتها بالاي بود وتوزعت على كل الناس والاغاني الي ارسلتها لكل الناس .. ياربي رجعني اصلي ركعتين يارب
شالوا الاب توب مني وغطوني بشرشف الصلاه بعد ما انهارت امي
مر الوقت ببطئ ودخل اخوي معاه ابوي يبكون شايلني اخوي وابوي وراه يبكي

اخوي ؟
والسهر ايام الاجازه بالملحق والرقص ؟ واستهبالك على البنات الي اعطيك رقمهم يارب رجعني يارب بس اصلي ركعتين
ركبت السياره ورا وانا ملفوف وصلت المستشفى وانا اسمع صوت نفس اخوي وازعاج ناس حولي ..
رفع الدكتور راسه بعد ما غطاني بشرشف ابيض وقال:
تشخيص الحاله .. موت سكته قلبيه مفاجئه
سمعت نوحة ابوي وشهقة اخوي


:ابوي
لآآآآآآآآآآ حول ولا قوة الا بالله لاآآآآ حول ولا قوة الا بالله

:اخوي
يبه قل لا اله الا الله قل لا الله الا الله البكا ما ييفيد شي
..
دخلوني ثلاجة الموتي بعد ما غطوني بالكامل الا راسي وملفوفه بقماش ابيض ..
مر الوقت وكل شي ظلام وهدووووء
ياربي رجعني اصلي ركعتين بس يارب
شوي سمعت صوت الثلاجه تنفتح طلعوني بعد غطوني بالكامل وركبوني سياره الاسعاف وانا اسمع اذان صلاة الظهر
..
يارب رجعني بس اصلي الظهر بس اصلي بوقتها يارب ..ليتني كنت اصلي بوقتها ليتني لما اسمع الاذان اترك كل شي حولي واقوم اصلي ليت
..
دخلت غرفة وانا اسمع صوت رجال غسلوني بمويه بارده وحطوا علي بعض الاشياء واانا اسمع الي يغسلني يدعي لي دخلوا ناس علي ..هذا صوت امي تبكي وتمسكني ..
هذا صوت اختي الي ياما ويااما تهاوشت معها ..
خآلاتي ..
ولد خالتي
ايام الاستهبال على البنات بالارقام والحش بكل خلق الله
هذي لمياء
ايام ما كانت تنصحنا لا علينا المسجل على الاخير ونعاندها نزيد الصوت
هذي مرت خالي احمد

وهذي وهذا وهذيك وذاك محد منهم راح ينفعني اللحين يارب رجعني اصلي ركعتين يارب
وصلنا المسجد وحطوني قدام المصلين وانا اسمع الامام يقول
"الصلآآآآة على الميت يرحمكم الله "
بدوا يصلون علي واسمع شهقات اخواني واهلي ..خلصت الصلاه والكل قام يعزي
:عظم الله اجرك يابو فلان"
"الله يرحمه ويخلف على شبابه بالجنه"
وهمهمات ابوي واخواني من البكي ما ينسمع وش يقولون ..يارب رجعني لو استغفر بس
دخلوني في سيارة الاسعاف ووصلنا المقبره وشالوني كثار واسمع اصوات رجال كثار والمميز بينهم شهقات اخواني الصغار الي كنت اعلمهم يحفظون بعض مقاطع الاغاني .. يارب رجعني استغفر بس
شالوني واسمع دعاء الكل ..شالني اخوي وحطني في حفره ضيقه
تكفى يا اخوي انا اخوك الي ياما وياما استهبلنا اخر الليل لا تروح تخليني في ذا الحفره
فتحو وجهي وطلع يديني وحط الحجر والتبن واللبن ودفنوني والكل يدعي
"الله يرحمه بواسع رحمته يارب"
"الله يخلف على شبابه بالجنه"
"الله يرحمه ويصبركم "
"اللهم بدله بأهل خيرمن اهله واغسله من الذنوب والخطايا"
هذا صوت خالي احمد
هذا صوت عمي سلطان الي كان يعلمني كيف اشرب الزقاره بالخش والدس وبعدها ما شربت
هذا صوت ولد عمي ثامر
ايام المراهقه كنا سوا
هذا صوت وهذا صوت وهذا صوت .. وش يفيدني اللحين
راحوا وانا اسمع صوت رجولهم لا تروحون وتخلوني لااا
وصوري بالنت لوق ؟! وكل شي سويته ؟!الاغاني؟ وتأخير الصلاه ليتني ارجع .. كنت احسب ان دنياي طويله وامني نفسي اني لسا صغير على الموت
والعيال الي بالمدرسه؟ الي ما بقى احد ما حشيت فيه بيسامحوني ؟ معلميني الي كلهم هبلت فيهم وتحسبوا علي بيحللوني ؟ ذنوبي كلها وش اسوي بها
يارب ارحمني يارب
**
بالعزا
**
صيآح ونياح وازعاج الكل يترحم علي قسم الحريم وقسم الرجال كلهم يقربون لي ..
وين اصدقاي ؟!
وين الناس الي تكلمهم مسنجر؟!
وين وين وين وين ؟!
كل شي تغير فجأه ..
وين الي يحبوني ؟ وين حبيبتي العاشقه الهيمانه؟وين وين وين ؟!
**
بالمدرسه
**
انتشر خبر علي الفلاني توفى .. الكل حزن وخاف ودعوا له .. اصدقاه يصيحون بجهه وبعضهم قال ببتسامه .."اييه الله يرحمه ويغفر له على كل ما سواه لنا"
**
نوف؟!
ساره؟

سعاد؟
الخ الخ الخ
ثلاث ايام.. بكو او مجرد حزنوا .. ورجعوا على حالهم
وللحين اصدقاء علي يناشدون اهل الخير كيف يحذفون بروفايلاته بالنت لوق والفيس بوك ..
وهذي هي الادعيه تنتشر ..من اصدقاءه يناشدون الناس يدعون له ..

**
ببس حطوا نفسكم مكان علي وتخيلوه انتم بعيد الشر
محد يبغى يكون نهايتة زي علي !!
طيب ليه نسوي زي الي سواه علي بالظبط؟
لو يصير لنا نفس الي صار لعلي وش بنسوي ؟!
وش موقفنا قدام ربنا؟!
قبل لا نسوي الشي ليه ما نفكر بالعواقف الدنياويه والاخره
اصدقاء علي؟ كلها كم شهر وينسونه لانهم من نفس نوع علي
..
ليه ما بعد ما يموت اي احد لنا ندعي له بالرحمه؟ ليه قبل ما يموت ننصحه وندعي له بالهدايه؟!
كتبت هذي القصه كعضه وعبره فقط وارجوا نشرها لان في شباب كثييير نفس حياة علي .. يمكن على يدينكم يتوابوا...
.................................................. ..............................................
.................................................. ..........................
.................................................. .......
....................................
...............

قصة معبرة وهادفه .. يسلموووو اخي ع النقل المفيد ..

ونسأل الله الرحمه والمغفرة... وحسن الختام. والثبات. ع الحق.

تقبل مروري