كشته وسط قبور هههه

السلام عليكم ورحمه الله وبركاته







تخيلو معاي لو كنت بالبر والدنيا ليل حالك السواد



وتصحي الصباح وتحصل نفسك نايم وجنبك قبور



منتشره 00



وش تسوي بنفسك وكيف تتصرف



وسالفتها حبايبي ومستقبل غيري هي



شباب مسوين كشته بضواحي الرياض اصدقاء واتصلو على وخبروني بالمكان



وقلت خلاص الحقكم انا واحد من عيال خالي وهو موظف بمطار الرياض



وينتهي من دوامه الساعه 6 مساء



المهم جهزت سيارتي وعزبه البر( مطبخ البر يعني)


دله وابريق وقدور 0000الخ ههههه


وطلعنا يمهم وصلنا للموقع بعد ساعتين ونص يعني الدنيا صارت ليل



ويوم وصلنا شفنا سيارات كثيره بس ماهييب سيارات ربعنا



وبزارين يوطوطون وصوت حريم وخيام



واستغربت وش جاب هالعوائل كلها هنا قلت لاخويي شكلنا توهقنا



نزل خويي يشوف وش السالفه وانا انتظرته بالسياره



ودقائق الا واحد معه رشاش ومدخل السبطانه ( مكان اطلاق النار)


من شباك السياره ويقولي وش تبي هنيا


قلت يارجال صل على النبي وتعوذ من ابليس السلاح مافيه لعب قال اخلص قل وش تبي هنيا


علمته بالسالفه وشكلنا غلطنا بالمكان قال حنا هنيا من يومين


خويي بعد خبل ثاني ماسكه ومعه رشاش


ويحاول يفهمه ههههههه


والله ياذا البلشه شكلنا طحنا بقرويه ماعندهم تفاهم


المهم اقنعت الرجال وشكله اقتنع غصب بس فكنا الله منم شره



ونسيت اقلكم حريمهم وبزارينهم يتفرجون علينا واللي يصفق واللي يصفر



ههههههههههههههههه



وربي تقل داخلين حدود العراق



المهم ماصدقنا ان نفتك منهم ومشينا



حاولت اتصل على ربعنا شبكه طبعا تعرفون شركه الاتصالات بوسط الرياض تضيع منك وشلون بالبر والعباره المشهوره نو سريفس



واللي صار ان الشباب يوم جو للنكان وشافوا الناس غيرو المكان وحنا طبعا ماندري وينه



المهم الله لايوريكم ونجلس نلف لين الساعه 2 صباحا بدون فايده



وخفت يخلص علينا البنزين وننقطع بالبر ونجلس فيه والله اعلم وش يصير بحالنا


فقررت نوقف باي مكان ونتعشاء معنا عزبه فيها معلبات وسوينا شاهي


وكنا تعبانين ومافيه نص ساعه الا وحنا مع العصافير



والصباح يوم قمت وتعرفون الواحد الصباح يوم يقوم وبوسط بر عيونه كلها سافي ومتربين وحالتنا حاله والشوف مغبر هه



اطالع الا والله قبر جنبي يعني مترين وخويي متوسد له طرف قبر


ويل حالي والله



وانقز اصحيه ويقوم مفزوع ويناقز ويصارخ ويقول وشفيه قلت ناظر شف وين نايمين وسط مقبره


ويطالع شوى ويتاكد وهو يخاف من القبور وطاري الموت هههه


شوي الا وهو طايح من صيد امس واقوم اصب فوق راسه مويه



وماغير جالس يدعي على الشباب ويقول كله منهم نطلع كشته وسط قبور


هههههههههه


طبعا سألت بعدين عنها قالو ذي مقبره قديمه لها اكثر من 200 سنه



وعدد القبور قليل يعني يمكن 20 او اقل


وباليل مو باينه نشوف حجار مكومه بس ماخطر في بالي انها قبور



بس تعرفو شي حلمت ذيك اليله باشياء مره حلوه


وكانت بصراحه كشته بوسط مقبره بس ضحكنا طول الطريق وحنا راجعين وجلسو فتره الشباب يعلقون علينا ويقولون ماتبون نكشت بمقبره العود


ههههههههههههههههههههههههههههههه



واتمني تعجبكم مواقفنا لان الشباب لهم طلعات ماتخطر على بال احد يعني الصدفه تلعب دور بحياتنا وتشكل مواقف لايمكن ان ننساها ابدا