قرص البنادول

لاجيت اغني ويش اغني وش آقـول
أسأل وانا ادري عن جميع الطرايـق

ياراس راسي وين قرص البنـادول
تعبت من كثـر الحكـي والوثايـق

واللي مهو بمعقول ماهـو بمعقـول
تبقى الحقايق فـي عيونـي حقايـق

ماني بناشد وش بلى الباب مقفـول
ولاني بناشد ويش تحـت الطبايـق

ماني بعن رزق المخاليـق مسـؤل
رزق الخلايق عنـد رب الخلايـق

دام الشنب في ساحة العـز مفتـول
الروس تكـرم والعلايـق علايـق

خلوني ادله واطرب النفس وآجـول
وسط الفياض اللي سـوات الحدايـق

الصدر أوسع من مساحات ابالهـول
واللـي مكذبنـي يجـي ويتهايـق

وان كان شفتوني مهوجس ومشغول
تراي (( مستانـس )) وهـادي ورايـق

أرجي وصال اللي وصاله على طول
ماغاب عن قلبـي وفكـري دقايـق

لجله نهيت القلب عن كـل مجمـول
أمسك معاليقـه ولـو كـان تايـق

أنـا حبيبـي كـل مافيـه مقبـول
زاكي ومتواضـع وبالحسـن فايـق

اعيون سود وخصر مايل ومجـدول
والردف من ضيق الثياب يتضايـق

مربوع لاقصير ولا فارع الطـول
والموت في لبـس الدلـع والذلايـق

أهدي له السلسـال والعقـد واللـول
واهدي له ابيات القصايـد بطايـق

لأقبل علي فزيت وان راح ياحـول
كني على الموت المصفـى موايـق

منقول سالم بن جخير

ايه ايه اش عليه اسمك موجود في القصيدة


تسلم يمينك وصح لسان الشاعر

تسلم صح لسان الشاعر

ارق التحايا

برووق السحايب

أكيد الأسم منور القصيده ههاااي
ومرورك زاد روعه القصيدة وادخل البهجة على قلبي


الانيق

شاكر لك مرورك الكريم

الله يابندول على الكلمات التي تحمل اسمك

خخخخ حلوه وبارك الله فيك

ياحسن حظك حن بحثنا ماحصلنا قصايد تحمل اساميناء

هههههه

صح لسانك ولسان شاعرها

تحيااتي وودي

قناص ال فجم
شرفت الموضوع بمرورك الكريم

بن فلاح المصعبي
اذا لم تجد قصيدة بااسمك فااكتب القصيده بذاتك فانت مشرف سابق ( دعابه )
شاكر لك مرورك

panadol

تحيه وتقدير لك are you Fellow profession

صح لسانك يا بندول

النعيمي

شاكر لك مرورك الجميل وكان بودي ان ارد على سؤال الموجه لي باللغة الانجليزية ولكن احب الكتابه باللغه العربيه

غليس بن رماح
ثبتك الله عند السؤال