يحيا العزيز بعزته

يحيا العزيز بعزته شامخ الراس = والا الذليل يموت في عز ذله
ومن عاش شاف في دنيته كل الأجناس = من كل جنس وكل مذهب ومله
ومن عاند الدنيا توريه الأتعاس = يلقى القهر ويموت في وسط غله
راع الوفا ممشاه مع خيره الناس = وراع الردى راع الردى صاحب له
ومال الردي في مجلس العز مجلاس = اصلا ولا حتى يجيه ويصله
بعض الرجال اغلى من كنوز الألماس = سيف ليا جاتك اللوازم تسله
له فزعة تضهر ليا صرت محتاس = ودرب الوفا ماكل رجل يدله
وبعض العرب من تحت الأقدام ينداس = وبعض العرب من فوق راسك محله
وبعض العرب صداقته دوم نوماس = وبعض العرب صداقته لك مذله
وبعض العرب لا مات تجزع له الناس = وبعض العرب لو مات محدن فطن له
لا باس ياقلب يبي المجد لا باس = مادام فعل الطيب فينا جبله
ماعاد فالدنيا مسرات واوناس = عله تقفي عنك وتجيك عله
ماكل كيف يسبب لراسك عماس = والكيف ماتلقاه في كل دله
اعوذ بالرحمن من كل وسواس = ومن كل حاسد شال فالقلب غله
اخذتلي في شبة العمر مرواس = وجربت فالأصحاب من كل شله
ولقيت من ممشى الرديين الأفلاس = ولا كل رجال يناسبك دله
لي فالملا نضره ومبدأ ومقياس = ولا اقول اخذت العرف والعلم كله
لكن لي قدوه عزيزه ونبراس = والجيد اصله للمكارم يتله
والبيت يبقى دام مبني على ساس = وان كان ماله ساس مادام ظله
والأدمي عمره محدد بالأنفاس = رحال في دنياه والقبر حله

لشاعر عناد القاف((عماد الشريف))

تسلم اخي فتى الشاقه على نقل هذه القصيده الجميله صراحه اعجبتني كثير

وصح لسان قائلها

صح لسان الشاع رمشكور اخي تقبل مروري

لا باس ياقلب يبـي المجـد لا بـاس مـادام فعـل الطيـب فينـا جبـلـه
ماعـاد فالدنيـا مسـرات واونــاس علـه تقفـي عنـك وتجيـك عـلـه

صح لسان الشاع رمشكور اخي تقبل مروري