أم حمدان قصيدة كتبتها عجوز بعد أن أودعها ولدها في دار المسنين

	قصيدة كتبتها عجوز بعد أن أودعها ولدها في دار المسنين (( قصة أم حمدان )) يا مسندي قلبي على الدوم يطريك = ما غبت عن عيني وطيفك سمايا هذي ثلاث سنين والعين تبكيك =ما شفت زولك زايرِ يا ضنايا تذكر حياتي يوم اشيلك واداريك = والاعبك دايم وتمشي ورايا ترقد على صوتي وحضني يدفيك =ما غيرك أحد ساكن في حشايا يامارضت اسهر بقربك اداريك = ما ذوق طعم النوم صبح ومسايا ياما عطيتك من حناني وابعطيك =تكبر وتكبر بالامل يا منايا لكن خساره بعتني اليوم وش فيك =واخلصت للزوجه وأنا لي شقايا أنا ادري انها قاسيه ما تخليك = قالت عجوزك ما ابيها معايا وخليتني وسط المصحه وانا ارجيك =هذا جزا المعروف وهذا جزايا يا ليتني خدامه بين اياديك = منشان اشوفك كل يوم برضايا مشكور يا وليدي وتشكر مساعيك = وادعيلك الله دايم بالهدايا حمدان يا حمدان امك توصيك= اخاف وانت الحق تشوف الوصايا. اوصيت دكتور المصحه بيعطيك .=رسالتي وحروفها من بكايا وان مت لا تبخل عليا بدعاويك =واطلب لي الغفران وهذا رجايا وانطر تراب القبر بدموع عينيك = ما عاد ينفعك الندم والنعايا تحياتي ......................................قناص شبوه

تســــلم ياقناص شبوه
على القصيدة والله يعطيك
العافية على أنتقى القصايد وإلى الأمـــــــام يابطل

يعطيك العافيه اخوي قناص شبوووهـ

طرحت فأبدعت

والله تقطع القلب هاي القصيدة واتمنا اتمنااااا انها بس قصيدة مب حقيقه


يعطيك العافيه قناص على هاي الرائعه

(¯`'·.¸(¯`'·.¸ تشرفت بمروركم.·'´¯)¸.·'´¯)
-=>>--> بارك الله فيك<--<<=-
(_¸.·'´(_¸.·'´يعطيكم الف عافيه`'·.¸_)`'·.¸_)
(_¸.·'´(_¸.·'´(_¸.·'´`'·.¸_)`'·.¸_)`'·.¸_)