يقولون العرب صدر الشمالي مايضيق بساع

22-05-2010, 11:36 AM

هذه القصيدة للشاعر خلف المشعان

يقولون العرب صدر الشمالي مايضيق بساع

وانا اقول الصدور اليوم ماعادت شماليه

بدت في داخلي ضيقه عجزت القى لها مطلاع

تغيب وترجع وترجع تغيب ومالها نيه

عمتني كلمه جتني وضقت وضاق صدر القاع

الا يالله لا تجزا غشيم (ن) قالها فيه

لاهو صفاع ياربي ولاهو للعرب نفاع

بلاني وابتلا حاله وبعض الناس مبليه

نهيته قبل هالمره يخلي سيرتي ماطاع

الا يالعن ابو جد القصيد ولعن ابو بيه

ضيعف النفس نسونجي يشوف بعينه الاطباع

يحسب اني مثل ربعه يسوق بضاعته ليه

انا اشري لا بغيت اشري ولاني مساوم البياع

الا من قال لي ميه عطيته فوقها ميه

انا اكتب لاجل من يقرى ولا ارجي من يقول ابداع

وابد لاتحسب ان مثلك يشكل لي اهميه

ترى ياهيه لامني نويتك بس اطق اصباع

يجيني الف شيطان(ن) وراهم الف جنيه

اجرك من طرف حرفك وارد الصاع ميه صاع

جنون القاف ارقصها على راسك هجائيه

ياويلك لو توليتك وربي مالك الشفاع

يجيك من القصيد احسب ثلاث ميه ثلاث ميه

ولكن خلك بحالك مدام ان الصدور وساع

ترى للحين ماضاقت ولسها شماليه

اوسمتي · 22-05-2010, 12:26 PM

الا من قال لي ميه عطيته فوقها ميه

انا اكتب لاجل من يقرى ولا ارجي من يقول ابداع

...................................

ولكن خلك بحالك مدام ان الصدور وساع

ترى للحين ماضاقت ولسها شماليه

صح لســــــــــــــان الشـــــــاعر .... قصيدة إبــــــدااااع

تسلمـ يمناكـ ع الطرح يا المهندس