.................(((((((((<<<قصيدة دنيا دنيه>>>))))))))))))..................

قصيدة دنيا دنيه

بعض البشر حظه يسوقه للسعد والبعض لا
حدٍ تقلطه العرب والحد ماله من خوي
حدٍ ليا ضاقت عليه أشتد في فزعة ولا
والحد ماله من سند لو زاد في صوته عوي
وحدٍ تعلا بالمناصب ثم تكبّر وأعتلا
لو ذاق جوع الغير والله ماتكبّر لو شوي
يا مرتوي للكبر ذيك النار نادتك بهلا
لان التكبّر لي يعبِّد دربها ثم تستوي
سبحان من صنَّف عباده في مقامات العلا
حدٍ يتيم وحد فقير وحد بأمواله قوي
حدٍ يردد له هلا والحد لا لا لا ولا
حدٍ قليبه في رغد والحد قلبه ينشوي
حدٍ يغرّه مدح غيره في تعابير الغلا
وإليا فضى جيبه نسوه ولوّو ذراعه لوي
دنيا دنيه ماتساوي جيفةٍ وسط الخلا
دنيا دنيه من عشقها تكوي أحشاءه كوي
فيها الفقير إليا عبد ربّه تهنّى ثم سلا
في الآخره ينال الجنان وكل ماهي تحتوي
وفيها الغني إليا إلتهى عن ذكر ربّه بالملا
مات وتعذّب لين ما أطراف جسمه تلتوي
يارب أنا شاعر وأردد من إلى عن وعلى
اسبك احروف القصايد سبكٍ انبونه سوي
يارب تغفر ذنب منهو في قصيده مبتلا
تدفى هجوسه في وسط ديوان يرويها روي
يارب أنا ذقت النعم عايش وسط حب وسلا
أسألك تحفظني من ابليس الرجيم المنزوي
بعض البشر حظه يسوقه للسعد والبعض لا
حدٍ تقلطه العرب والحد ماله من خوي

للشاعر:سعود المصعبي

تسلم على القصيده الي كلها حكمه

بس ياريت لو تذكر اسم الشاعر

واتمنى لك التوفيق

سبحان من صنَّف عباده في مقامات العلا
حدٍ يتيم وحد فقير وحد بأمواله قوي
حدٍ يردد له هلا والحد لا لا لا ولا
حدٍ قليبه في رغد والحد قلبه ينشوي
حدٍ يغرّه مدح غيره في تعابير الغلا

مشكور قصيده جميله

يعطيكم العافيه مشكورين على مروركم

شكرا على القصيدة الرائعة

يعطيك الله العافية
مشكور على الابداع

تسلم والله قصيده روعه

تسلام على القصيده

((((((((((((((((مشكور على طرح القصيده الحلوه تسلم يمينك)))))))))))))))))))