وضعنا مع العمالة الوافدة خطير؟؟!!!!!!!!!

-اخواني أعضاء منتديات المصعبين -


قريت قبل شوي عن دراسة أجروها نتيجتها إنه
الإمارات على رأس الدول التي لا يتمكن الوافدون فيها من الإدخار


موضوعنا عن العمالة الوافده..وأسترجع في البدايه موقف مر علي..من بين عدة مواقف..



وانا رايح الجامعه في الطريق، شفت عامل باكستاني يمكن عمره 60 سنه، واقف في الشمس يسقي الاشجار، والشباب الي اعمارهم من 20 و30 طايرين بهالسيارات..ولا قاعدين في افخم المكاتب..



وفكرت ( اكيد هالعامل قدله 40 سنه في الدولة، يشتغل ويصرف على أهله،
لا هو الي جابهم هنا وعاش وياهم، ولا هو الي يشتغل ويستمتع بفلوسه)
والله كسر خاطري..وحسيت بالذنب..



ياما وياما سمعنا عن أخطار العماله الوافده في الدولة، لكن هل المسؤولين فكروا شو السبب من ورا هالمشاكل؟

غربه + قبح ومذله ومعامله زفته + معاش ما يسوى غير انه احسن من ولاشي
وما يبون مشاكل؟!!!!!!


ليش دايما نشوف جانبهم السلبي!!!! و أثرهم علينا..


نادرا ما نطري حقوقهم في مجتمعنا
يعاملهم الإعلام والدولة كأنهم دخلاء عالمجتمع
مع انهم يشكلون 85% من سكان الامارات!!!!!!! يعني يشكلون 3 أرباع المجتمع!؟
وحجة المسؤولين دايما انهم هجره مؤقتة، مع ان كثير منهم يبقون لآخر حياتهم..


والله انا عارف عااااااااااارف اننا بناخذ ذنوبهم، المواطن معاشه من 30000 درهم وفوق!!!!

والعامل من 700 درهم!!!! يعني 2% من معاش المواطن بس!!! (طبعا هذا الحد الادنى لمعاش العامل والمواطن..)


و انتوا عارفين كيف غلاء الأسعار هالأيام..لو المواطن يشتكي، فمابالكم بالعامل المسكين..

هذا غير انه يتعب ويشقى اكثر مننا! شوفوا لاي درجه الفرق، يعني بينتهي العالم لو من معاش كل مواطن نقصنا 2000 درهم؟ و زودنا معاشات العمال المساكين، على الاقل الي يكفي انه يعيش ويرسل الفلوس الباقيه لاهله...



والله الدولة خيرها كثير، ليش الوضع كذا؟ لا تقولون والله بيلزقوا في الدوله، لان قدنا عارفين انه ما بيتغير الوضع في أي وقت قريب..الدولة محتاجتهم..
وبعد لا تقولوا ما يستاهلون! يكفي السب والخقه والمذله الي يعاملوهم بها
المواطنين المدلعين!!!

هذا عاد غير الي صدق يقهررررر!
الاوروبيين والأمريكان خريجين السجون الي كل واحد منهم قد حسابه بيطفح من الفلوس..


هذا بالنسبة للإمارات، مدري كيف الوضع في السعوديه، لو حد فيه خير يقولنا، و أرحب بأراء اخواننا السعوديين، ترا أرائكم تهمنا



لا تبخلوا علينا بأرائكم..

كتبت فأبدعت اخوي جحربه
والله كلامك كبير وما يخرج الا من انسان كبير والكبير الله
ترى الوضع في السعوديه ماهو بعيد من عندك في الامارات نفس الشي العماله الوافده تستحقر وتذل من اكثر الشعب ...
ومن ناحية المعاش صح انه قليل بس مناسب لاسعار السعوديه الحمد لله كل شي عندنا رخيص صح ان الاوانه الاخيره صاحوا الناس من ارتفاع الاسعار بس واحد من عيال عمي يوم علمني باسعاركم في الامارات عرفت ان عاد اسعارنا زينه .

ياما وياما سمعنا عن أخطار العماله الوافده في الدولة، لكن هل المسؤولين فكروا شو السبب من ورا هالمشاكل؟

غربه + قبح ومذله ومعامله زفته + معاش ما يسوى غير انه احسن من ولاشي

اتفق معك في هالنقطه

يعاملهم الإعلام والدولة كأنهم دخلاء عالمجتمع

هم فعلا ً يعتبرون دخلاء على المجتمع بس هذا ما يمنعنا نعطيهم حقوقهم .

مع انهم يشكلون 85% من سكان الامارات!!!!!!! يعني يشكلون 3 أرباع المجتمع!؟

هذا الشي معروف بس عندي استفسار في مره واحد قالي ان في الامارات يسمحون للاجانب بالدخول في الشرطه ..؟ اذا كان الكلام صحيح هل ينطبق بعد على العماله الوافده من اسيا وغيرها او ينحصر على جنسيات معينه ..؟

والله الدولة خيرها كثير، ليش الوضع كذا؟ لا تقولون والله بيلزقوا في الدوله، لان قدنا عارفين انه ما بيتغير الوضع في أي وقت قريب..الدولة محتاجتهم..
وبعد لا تقولوا ما يستاهلون! يكفي السب والخقه والمذله الي يعاملوهم بها
المواطنين المدلعين!!!

اسمع يا خوي هذي سياسه حكومه وهي اعرف بمصالحها ما نقدر نعترض صح نبدي الراي لكن في الاول والاخير ما نقدر نغير شي .
من ناحية الاستغناء عنهم اتذكر مره ايام الابتدائي دخل العامل حق النظافه الفصل يشيل الزباله ( الله يكرمكم ) فواحد من الطلاب قال كلمه تضحك على المسكين طبعا ً المدرس بعد ما خرج العامل تكلم وقعد يمدح فيهم ويقول يعني بالله عليكم لو هم مو موجودين في بلادنا كيف كان حالنا الحين
الشوارع مليانه زبايل ( الله يعزكم)
يعني بالله في احد من السعوديين كان اشتغل نفس شغلتهم وهو كان يخص الطالب اللي تكلم ويمثل الكلام عليه هو واخوانه بصراحه قال كلام كثير وكان يظهر محاسنهم عكس سلبياتهم .
هذا اللي كان ودي اقوله في موضوعك اخوي
ونتظر اراء الاعضاء البقيه
خالص مودتي
شموخ

السلام عليكم ..
جحربه موضوع رائع اهنئك عليه ...
وبالنسبه للوافدين .. واتذكر موقف صار لي انا وربيعاتي على ايام الثنويه .. السيلانيه اللي تنضف ساحة المدرسه "كلينكو" كانت سرحانه .. سرنالها انا وربيعاتنا نتخبرها نسولف معاها بس .. قالت لنا ان هي عندها ماجستير بزنس !!!!!!
اتخيل الوضع ..!!!
تدرس وتضيع عمرها عشان الدراسه اخر شي تشتغل هالشغله ومعاش لا يتعدى 900 درهم ؟؟؟
بس مع ذلك تقول ان المعاش مايسدها بس احسن عن معاشاتهم في بلادهم !!!

طبعا السلبيات للعماله الوافده اكثر من الايجابيات .. مع ذلك نييبهم ومانستغنى عنهم :|
الي تسوي عمل لصاحبة المنزل ... واللي يعتدي على بنت رب العمل .. واللي واللي ...................... !!
السوالف ماتخلص عنهم ..
ولو الدولة تخصص اعمال لهالعماله يمكن بيكون الحال افضل بكثير ... عندك يا جحربه في عماان نسبة الوافدين يمكن 25 % بس !!!
لان عندهم تشبع من الكثافه السكانيه الله يحفظهم !! ... ف تلقى حتى المزارع عماني .. مرات حتى في شيشة البترول !!!

فأشكرك جزيل الشكر على الموضوع ..

ماشاءالله عليكم مابزيد على كلامكم كثير

خاصه العمال ...عمال البناء والتنظيف وهالاعمال البسيطه الصعبه..صح بسيطه...بس وين اللي بيسويها
فبالطبع محتاجينهم

هذ غير انهم عالاقل اهون الف مره من الغزو الاوروبي والامريكي

واللي عشانهم انبنت كنايس واللغة الانجليزية صارت رقم 1 في التدريس
واللي يقهر كنت امس في موقع مناقشات اجنبي...قهروني باعتراضهم على قرار دبي بتنفيذ قانون الحشمه..وهذا ودبي ما أكدته ..زعل واحتجاج ...غير الام الاجنبية اللي مسكوها ف قضية دعاره وزوجها العربي ربح حضانة اطفاله..محتجين وزعلانين ...وسب في البترول اللي خلاهم ينذلوا لنا وفي رسولنا وفي رجالنا اللي ظالمين حريمهم؟؟!!

وهذا وهم محصلين رواتب ودلع يحلمون في بلادهم يحصلون نصه

بس بشكل عام المفروض يصير حد اكثر لوجود العماله خاصه العماله البسيطه
لان كثرتهم هو اللي مخلي رواتبهم متدنيه لقلة العروض الوظيفيه
وترى الضغط النفسي اللي يمروا فيه من صعوبة التوفير او المعاملة المتدنيه هي اللي خلت جرائمهم تزيد

واما الوظايف الثانيه اللي تحتاج شهادات فالمفروض يطبق اللي كل يوم ينقال ان الاولويه للمواطن ورأيي من بعده الخليجي والعربي وهكذا

والله يعينهم وييسر لهم الرزق الحلال اللي يردهم لعيالهم

آآآخ يا جحربه وش تبانا نقول,
انا ياما قلت لكل حد استهزأ بهاذي العماله انه "محد معيش البلد غيرهم."
ذلحين بالله من كان بيبني كل ذا العماير و البيوت لو هم ماهم موجودين؟ نحنا؟ وربي المطرقه ما مسكناها في عيشتنا
وانا ارحم ذولا الشيبان الباكستانيين لأنه عندهم كرامه و عزه مش طبيعيه, ما يرضون بالشفقه ولا التبرع يعني ذا يزيد من احترامي لهم.
والله ذه دنيا يا جحربه, ربي ان شا الله يعوضهم في آخرتهم و ان شا الله يتوصل الشعب اولا و الدوله ثانيا لقرارات تفيد و تصلح من احوالهم.
يعني ذولا مغير يبون رفعه في المعاش, ماهم الاجانب اللي ذيب يجيبوا كللل شي من بلادهم لين عندن ويبون حقوق وفوائد كاامله و احسن من اللي يحصلونها في بلادهم, و للأسف ذيب يحصلونها يوم بعد يوم.

المشاركة الأصلية كتبت بواسطة شموخ

هذا الشي معروف بس عندي استفسار في مره واحد قالي ان في الامارات يسمحون للاجانب بالدخول في الشرطه ..؟ اذا كان الكلام صحيح هل ينطبق بعد على العماله الوافده من اسيا وغيرها او ينحصر على جنسيات معينه ..؟

أسعدني ردك وتفاعلك ياخويه نورت الصفحه
ايه هم يسمحون للوافدين اليمنيين او الخليجيين على ما اظن لكن باقي الجنسيات اغلب الظن لا بس والله مش متأكد..

والله ياخي انا خايف من الذنوب اكثر من المستقبل ولا تأثيره علينا، يعني أذكر حديث الرسول صلى الله عليه وسلم" أعطوا الأجير أجره، قبل أن يجف عرقه" و أقول اللهم سامحنا

المشاركة الأصلية كتبت بواسطة إماراتيه

السلام عليكم ..
جحربه موضوع رائع اهنئك عليه ...
وبالنسبه للوافدين .. واتذكر موقف صار لي انا وربيعاتي على ايام الثنويه .. السيلانيه اللي تنضف ساحة المدرسه "كلينكو" كانت سرحانه .. سرنالها انا وربيعاتنا نتخبرها نسولف معاها بس .. قالت لنا ان هي عندها ماجستير بزنس !!!!!!
اتخيل الوضع ..!!!
تدرس وتضيع عمرها عشان الدراسه اخر شي تشتغل هالشغله ومعاش لا يتعدى 900 درهم ؟؟؟
بس مع ذلك تقول ان المعاش مايسدها بس احسن عن معاشاتهم في بلادهم !!!

طبعا السلبيات للعماله الوافده اكثر من الايجابيات .. مع ذلك نييبهم ومانستغنى عنهم :|
الي تسوي عمل لصاحبة المنزل ... واللي يعتدي على بنت رب العمل .. واللي واللي ...................... !!
السوالف ماتخلص عنهم ..
ولو الدولة تخصص اعمال لهالعماله يمكن بيكون الحال افضل بكثير ... عندك يا جحربه في عماان نسبة الوافدين يمكن 25 % بس !!!
لان عندهم تشبع من الكثافه السكانيه الله يحفظهم !! ... ف تلقى حتى المزارع عماني .. مرات حتى في شيشة البترول !!!

فأشكرك جزيل الشكر على الموضوع ..

شفتي كيف يا اختي اماراتيه، والله حرام شهادة وخبره ما تستغل!
وصدقيني يوم يكون البلد كله ناس منش وفيش او تحسينهم قريبين، تحسين براحه أكثر بكثييير، نفس عمان وحتى السعوديه...بس الإمارات استغفر الله..

أسعدني مرورج والله

شكرا لك على هذا الموضوع وشكر للجميع ولا عندي راي في هذا الموضوع

فعلاً موضوع منسي كتبه شخص يحب الخير
بس من وجهة نظري الدوله لها تفكير آخر على مدى ابعد,والاجنبي الي معه شهادة في احسن الوظايف في الخليج
وطبقوا نظام السعوده عندنا يبون الشباب يشتغلوا في القطاع الخاص لانهم شافوا الاجانب شغالين ما عندهم مشكله اي شغله ما جا من بلده وعاده با يتدلع اما السعودي له شروط في الوظيفه يعني اجباري بالعربي.

المشاركة الأصلية كتبت بواسطة عقد اللؤلؤ

ماشاءالله عليكم مابزيد على كلامكم كثير

خاصه العمال ...عمال البناء والتنظيف وهالاعمال البسيطه الصعبه..صح بسيطه...بس وين اللي بيسويها
فبالطبع محتاجينهم

هذ غير انهم عالاقل اهون الف مره من الغزو الاوروبي والامريكي

واللي عشانهم انبنت كنايس واللغة الانجليزية صارت رقم 1 في التدريس
واللي يقهر كنت امس في موقع مناقشات اجنبي...قهروني باعتراضهم على قرار دبي بتنفيذ قانون الحشمه..وهذا ودبي ما أكدته ..زعل واحتجاج ...غير الام الاجنبية اللي مسكوها ف قضية دعاره وزوجها العربي ربح حضانة اطفاله..محتجين وزعلانين ...وسب في البترول اللي خلاهم ينذلوا لنا وفي رسولنا وفي رجالنا اللي ظالمين حريمهم؟؟!!

وهذا وهم محصلين رواتب ودلع يحلمون في بلادهم يحصلون نصه

بس بشكل عام المفروض يصير حد اكثر لوجود العماله خاصه العماله البسيطه
لان كثرتهم هو اللي مخلي رواتبهم متدنيه لقلة العروض الوظيفيه
وترى الضغط النفسي اللي يمروا فيه من صعوبة التوفير او المعاملة المتدنيه هي اللي خلت جرائمهم تزيد

واما الوظايف الثانيه اللي تحتاج شهادات فالمفروض يطبق اللي كل يوم ينقال ان الاولويه للمواطن ورأيي من بعده الخليجي والعربي وهكذا

والله يعينهم وييسر لهم الرزق الحلال اللي يردهم لعيالهم

حتى تصدقين يا اختي انه والله العظيم كثير من هالاوروبيين والامريكان سمعت انهم بس يجون فترة إعادة التأهيل عندنا في الدولة، مثل المعلمين...يعني طلع من السجن ويجيبونه عندنا يكمل يا تحت مراقبه يا إعادة تأهيل..ويعاملونهم كنهم ملوك ..
وحتى لو كان استاذ من أصله عربي ما يشغلونه استاذ في الجامعه الا اذا عنده جنسية امريكيه وحتى لو عنده الجنسية معاشه يكون اقل من الامريكي الاصلي..

الله يستر بس...
وأسعدني تواجدج