قصيدة من ابوصالح الطاهري /الى الشاعر اديب

يقول ابو صالح اوضاع اليمن تؤلم= وكل واحدعلى الثاني يرد اللوم
المؤتمرذي يقول انه هو الونعم = والاشتراكي يقول انه كبير القوم
وحزب لصلاح ذي قول انه الاعلم = وكل لحزاب ما تسوى وقيه دوم
هي غزو غربي وذي ماقد فهم يفهم = ما ذي تروا كيف ذي نحصد بلاها اليوم
من بعد لحزاب سالين الشوارع دم = ماعاد شي خير في حاكم ولا محكوم
تبا لها احزاب غربيه بها ناثم = ويش ذنب لطفال ذي تصبح جثثهم كوم
ويش ذنبه الشعب طول الوقت يتالم = وذي تجرع كؤؤس العلقم المسموم
من طعن لحزاب داخ الشعب واتسمم = واهل الفتاوى يقولوا ذا قدر مقسوم
وغيرنا سار صوب المجدواتقدم = اتا ملوا في محمد راشدالمكتوم
وفي بلادال ثاني كيف ذي تنعم = بالامن والخير ما يوجد بهم مهموم
يا حاكم الشعب لامجد اليمن يهدم = المجد ذي فى الجبال النايفه مرسوم
بالحميريه لسان المجد يتكلم = ومجد حمير وسط قلب الجبل مختوم
نكتب في الصخرقبل الناس تتعلم = ونكتب الشعر فوق الجذع بالقدوم
ومارب المجد شدنا سدها الاعظم = وعرش بلقيس ذي ما تمتلكه الروم
والعامريه بناها الطاهري واحكم = فيها قبب دائريه صعبه التصموم
سلام مني لبانيها وذي صمم= ورحمه الله تغشى عامر المرحوم
هذا هوالمجد ذي نا خاف لايهدم = لبطال تبنيه واحنا نجعله مهدوم
لا للتباغض ولاللعنف والمرجم = لا للقطيعه ولا للخائن المدعوم
ومن تطاول على شعب اليمن يندم = الشعب صاحي مصحصح فاق بعدالنوم
لاحديقول ان شعبي ما عرف من كم = انا مضمن على شعبي وانا ملزوم
انه مفتح وعارف كل ما يلزم = والنصر له والمعادي له هوالمهزوم
يا شعبي البس حزام العلم واتحزم= شف الحجر ميز الراجم من المرجوم
شف اتجاهه وبا تعرف منين اقدم =بالعلم والعقل يصبح كل شي مفهوم
متى بصرت الحقيقه قل بها وانهم = ودافع الظلم لاما تنصف المظلوم
من قبل لايسحبوه المشنقه يعدم = وقبل ما الروح تتحشرج في الحلقوم
يالهاجس الليل هات الشعربا اتنسم= زادالحفد في فؤادي والجسد محموم
من اليمن ذي سماها بالبلاء غيم =من كثرحبي لها صدري قده مكظوم
القلب عاجز يعبر واللسان اعجم = عن حبها كيف هو في داخلي مركوم
والطاهري قد تعهد للوطن واقسم =على الولاء والبراء هذا قسم محتوم
يا طارش الخط جهزمركبك واعزم = على كروزر وشل الخط ذي منظوم
لشاعر العصر راسه لي جعل يسلم= اديب واعطه هديه عطري المشموم
وقله انه تكلم ذاالزمن لبكم =واتامن الخاين الخداع والمذموم
زمان فيه الرويبض قد طلع فندم= وصاحب الصدق في عين البشر مشئوم
انا اعتقد يا اديب الامربا يحسم = هذه علامات قرب اليوم ذي معلوم
ختمتها بالنبي ماراعده زرجم= وسيل لشعاب يصبح فى الجرب ذي حوم
من خالص القلب با صلي وبا سلم = على شفيع البشر فى المحشر المزحوم