إعلان انسحاب ........

السلام عليكم ورحمة الله وبركاته
مساكم – صباحكم خير
اكيد ما توقعتوا الاعلان بس والله طفح الكيل وسام عطوناه والله ما فكرة فيه يتم سحبه قلنا عايدي ما في مشكله لاني والله اعترف ان في اعضاء في المنتدى احق مني بهذا الوسام وعلى راسهم اخوي ابو صخر ولا يهونون بقية الاعضاء
بس يتم ارسال رسالة تهديد بان ابدي وجهة نظري عكس الحقيقه في موضوع الكل عارف ومتاكد انه غلط في غلط والا سيتم حظري فانا اقول خلوها تجي مني احسن من انها تجي منكم واعلن انسحابي صحيح اني فيما مضى كنت انحظر وارجع بس والله وهذا قسم ان معاد تشوفوا لي أي مشاركه عندكم
واتمنى من اخواني وخواتي الاعضاء السماح فيمن غلطت عليه بقصد او بدون قصد ولكم مني خالص الموده
اخوكم
شموخ

---------------------------------------------------------------------------------------------------------

رد من الإدارة على الاخ شموخ

اخي العزيز ,, الإدارة لم تهدد اي عضو ولم ولن تجبر اي عضو في تغير رايه ,,, المنتدى للجميع وكل واحد يعطي رايه بحترام الاعضاء الاخرين و الكل يعرف إن المنتدى للم شمل المصعبين وليس للتفرقه ,, ونحنى والله شاهد علينا غير متحيزين لاي عضو و لا تنسى المعاهده ,,, وهدفنا والله شاهد على ما نقول هو لم شمل المصعبين ورفع شانهم بين القبائل ونتمنى من جميع الاعضاء فهم ذلك,, ونحنى انا اتخذنا اي قرار ضد اي عضو ليس عداء او كرهيه وانما لصالح الجميع وردع اي عضو بإن يغلط على عضو اخر في المنتدى ,,, فاذا يرضيكم بإن نسكت عندما عضو يغلط على عضو اخر ؟؟؟؟
نحنى نعرف بإن شموخ عضو شامخ في المنتدى وعلى هذا الاساس تم منحه الوسام ,,
سبب سحب الوسام هو اسلوب شموخ ( في موضع شيخ المصعبين) وانت ليس الاول من تم سحب عنه الوسام ,,
اتمنى ما تزعل علينا ولا تترك المنتدى اذا كنت تحب المصعبين وهذفك هو لم شملهم..
و نعتذر على التاخير في الرد والسبب والله انشغالي في امور الحياه..
تحياتي

وهذه نص الرساله التي تم إرسالها من قبل الإدرة الى الاخ شموخ
-------------------------------------------------------------------------------------------------------------------------
السلام عليكم ورحمة الله وبركاته
كيف حالك إن شاء الله دائما بخير ؟

اخي العزيز شموخ ,,, للاسف تم حذف مشاركتك في موضوع شيخ المصعبين في نجران ,, والسبب هو طريقه اسلوبك في الكلام ولا تنسى المعاهده ,,, ما نريد تجريح في الاعضاء و النقاش يكون بأدب وللاسف كلامك كان فيه بعض التجريح لكاتب الموضع ,,

(((مو كل مره تنفضح فيها تحذف الموضوع))


الرجاء احترام الاعضاء وانا بصراحه امس معطيك وسام ( وللاسف تم سحبه) وكانت امنيتي إن تكون احد فريق الإدارة ,,
يا ليت تحسن في اسلوبك وانا ادري انك انسان عاقل وفاهم ,,

اتمنى لك التوفيق
والسموحه اخوي
-----------------------------------------------------------------------------------------------------------------

ليه كذا يا خوي تروح وتخلينا
صحيح انا ما اعرف ليش تم سحي الوسام ولا الرسائل الخاصه
لكن هذا ماهو عذر تروح وتخلي الناس الي تحبك وتعزك ابداً ما هو عذر
خلك معنا في صفحة الضحك لا تتعدها هذا نظامي بعد مما تتعرض للحراجات
لاني كلامك لا با يقدم ولا يأخر وزي مافي ناس مضايقينك تبا تروح عشانهم
الناس الي يحبونك ويعزونك اولى ان تستمر في المنتدى من اجلهم

وعلى أي اساس يعطون وسام وبعدين ينسحب منك !!!


حتى لو سحبوه يا شموخ مش معناته لازم تطلع من المنتدى .. اللي فات مات .. بالعكس .. اثبت وجودك ... اثبت انك عضو مميز بدون وسام :)
أتمنى انك تغير رايك يا شموخ .. صدقني كل ما يخسر المنتدى واحد مثلك ... مابيمشي حاله ...

واذا عن رسايل التهديد الكل وصلت له رسايل تهديد .. يمكن طلع منا كلام مش حلو وحبوا ينبهونا ...
ف أنا اعتذر لك عن الجميع واتمنى ان اعتذاري يكفيك ..

تقبل تحياتي

??????

شو صار بسم الله

شموخ ماعليك من حد

انت مب مجبور على راي يخالف رايك

واذا حبكت على قولتهم لاتعلق على الموضوع خير شر...بس لاتنسحب مايصير تشرد وتخلي لهم المكان؟؟!!!

وايا كان هالموضوع الصراحه راعيه ماعنده سالفة بيجبر الخلق عالتأييد بالتهديد ليش وين عايشين....الا هو نت بسم الله

مايسوى علينا اسم المصعبين في هالمنتدى جاب المشاكل اكثر من الخير[..]

المهم ماعليك من حد ورد شارك بتميز

وخل عن المجالس ونقاشاتها..ترى ماتجيب غير الصمرقع@@

السلام عليكم ورحمة الله وبركاته

ابدبخالص الشكرعلى من قام بتصميم هذاالمنتدى والعاملين على انجاحه .
امابخصوص اليوم اعطيك وسام واليوم الثاني اسحبه فهذاوللاسف تخبط من قبل الاداره
ويبين ان القايمين على تلك الاوسمه ليس لديهم اي تقيم اليوم تعطيني وسام فباي حق يتم
سحبه .
اذاكان بدامني اي تقصيركعضوارجوحذف موضوعي وارسال لي رساله لماذاتم حذف الموضوع
اماانكم تهددون بحضراي من الاعضاءفهذايدل على عدم تقبل الراي الاخر .
ارجومن الاداره اعادة النظرفي نفسهاء صحيح انكم وانت ياالمديرالعام قمتم بعمل لم يسبقكم عليه احدمن ابناءالقبيله ولك الشكروالثناء ولكن يجب عليك اخذنخبه من الاعضاءوذلك لتكريم اي عضوبااعطاءالاوسمه لمستحقيهاءولاننساء اننافي وقت لايحتكراحداوينفردبه دون الرجوع الى الاغلبيه.
ولكم جزيل الشكر اخوكم الطاهري

أولا:
اعرف يا شموخ انك لو طلعت انا سيده وراك و أي قرار بتتخذه أساندك فيه
ثانيا:
والله انكم يالإدارة مستغلين هالسلطه لمصالح شخصيه
استغفروا ربكم، وش هالتعصب! تبون مصداقية لكن ما تبون موضوعيه في المواضيع؟
والله كأنكم الكنيسة الكاثوليكيه في روما قبل قرون! لو كلن ما يبا الثاني يقول غير الي هو عاجبه فأنا أبصملكم بالعشره ان هالمنتدى ما بيشوف تقدم ونهايته بتكون الموت، لأن وش فايدة المنتدى غير تبادل الآراء و الإستفادة من الرأي الآخر؟؟؟؟؟؟!!!
والصراحه نعرف انكم منتم ملائكة منزلين من السما! لكن هاذي حركة التهديد لا تغتفر!
الحين لا تنسون انه مثل ما انتوا مصاعبه، شموخ بعد مصعبي! منكم وفيكم، وعاجبكم ولا ما هو عاجبكم لازم تتقبلونه مثل ما هو، لأن الأعضاء الفعالين والصريحين واللي لهم بصمة واضحه مثله والله نادرين، و أنا أقولكم لو طلع شموخ والله بيصير لون هالمنتدى رمادي! وبيكون ممل ولو انتوا تشوفون مشاركاته بتعرفون ليش..ترا الاعضاء اللي كذا هم ملح المنتدى والله
وبالنسبه للوسام، أنا أشهد انك تستاهله مثل ما يستاهله أبو صخر المصعبي ياخوي
وماقول للإدارة غير كلام الرسول صلى الله عليه وسلم " الراجع في هبته كال*** يعود في قيئه"

أخــــــــي العزيز شمــــــوخ:
إنت أكبر من تزعل عشان وسام ولا غيره, إنت ياعزيزي أكبر وســــــــــام لك محبة الناس لك و ليا شاف الواحد موضوع نزله شموخ تشوف الناس تتسارع للرد والمشاركه في موضوعه,,,,,

والله على حسب نظرتي أنا ويسمحولي بعض الأعضاء أن أتكلم نيابة عنهم أن أخي شموخ من أكثر الناس شعبية, وفكاهه وطيبه...... فيا شموخ خروجك من المنتدى والله ليس له معنى مبرر ولكن لك مطلب شرعي ونحن نطالب أيضا المشرفين بإعادة النظر في موضوعك على أي حق يتم سحب الوسام ولماذا في الأساس يعطى العضو الأمتيازات كيف ماكانت ثم يتم سحب الميزه بسبب حوار أو نقاش دار ليس فيه أي تجريح... وأن ظن البعض أن النقاش تعدى بعض الموازين (( وإن لم نلاحظ أي تجاوزات جارحه )) يجب أن تتم هناك محاورة مع العضو بشكل خاص والنصح له والبحث مع الطرف الأخر ومنع أي موضوع غير هادف أو موضوع هدفه الفتنه أو تشتيت الصف والنصح له أيضا بشكل خاص جدا ............

هذي دعوى مني لك ياشموخ في العدول عن رأيك والتفكير مليا ولاتتسرع في إتخاذك هذا الأمر........

تقبل مروري واعتزازي لك .........................

لا خيو والله المنتدى ماله طعم من دونك


انت من المميزين من الاعضااءويحبونك ماعليك من احد

والله ياشموخ انك فى المنتدى مميز وحبوب

تدري انك انت الى ميزت نفسك ماعليك من لاوسمه

اهم شي انه فى اعضااء يحبونك ويعاملونك مثل لاخو واكثر

واتمنى انك ترجع ولا بنهاجر من المنتدى 5:5:

اخي شموخ ارجوا العدول عن الانسحاب
فمحبيك كثير
ومن ناحية الوسام فممكن المدير يرد على هذا الجانب لانة الوحيد الذي لدية هذة الصلاحية في منح الوسام او سحبة
ومن ناحية رسائل التهديد سوى لك اخوي شموخ او لغيرك من الاعضاء ارجوا من لدية اي رسائل تهديد سوى من احدى الاعضاء او المشرفين ان يبينها هنا لنا حتى نكون على بينة من امرها ويكون لنا موقف تجاهها
فالحرية الشخصية في الطرح من حق اي عضو يبدي راية بدون اي املائات علية من احد شرط عدم التعرض لتجريح اي عضو اخر وان وجد ذالك سوف يتم حذف الرد او الموضوع
ولكن ان تصل العملية الى تهديد في تغيير رايك فهذا لن نقبلة ولكن عليك ان تنزل الرسالة التي وصلتك لشوفها الجميع ونعرف من اين اتت

ولكم خالص التحية والتقدير

بسم الله الرحمن الرحيـــــــــــــم

افــــــــــا يا ذا العـــــــــلم .. وش قاعد اشوف .. رفيقي وسيري في هذا المنتدى الغالي يعلن انسحابه ..
والله يا شمووخ ما ادري وش اقولك لاني حاس فيك. وحاس بالرساله اللي جاتك.وربي اني تفاجات با لوسام انهم شالوه منك . ويا ريت انهم ما حطوه اصلا من البدايه لانها وربي شينه ان الواحد يعطي شئ وياخذه منك ثاني يوم. انا بصراحه اوجعتني مثل ماهي اوجعتك ..

وانــــــــــــــا من هذا المـــــــــــكـــــــــــــــان اللي انا افيه وانا بكامل قواي العقليه اعلن انسحابي في حالة انسحاب اخونا العزيز شموخ .. وربي يا شموخ انك انت بذاتك وسام على قلوبنا .. واحنا ورب الكعبه ما دخلنا في ذا المنتدى اللي من حبه وحب اللي فيه ولا فيها اي شئ طرح وجة النظر من اي عضو بعيدآآآ عن الاستهزاء والتجريح بالردود ..
((( شموخ انت ابوها وسمها )))