{{بدع وجواب ابن لحول والدهولي}}

{{بدع وجواب ابن لحول والدهولي}}
بدع عبدالله ناجي الدهولي

يقول ابو ناجي انه من زعل غنا= وامسيت افكر وضايق من عيا لصحاب
قد قلت لك عام يابو غازي انقذنا = عاده قفا ذا المثوره بايقع شلاب
ومكن القيد واصلح فوقه المبنا = وانته تسي لي خطيوه لاعنيد الباب
وان كان فضل العواضي لامه الحنا = وابوه قيد السرايا كاسرت لنياب
من ال حمدان ذي هي للبلا تعنا = جربتهم في المعارك كم من القطاب
من مات بين ال لحول مثله اتهنا = يهنا له الموت فيلا جابه الجلاب
وبندقه ذي يهني شاهده وهنا = والجيد في المعركه مايغلبه غلاب
ياغازي اصبر على امك مسك يثنا = بنت النمر ذي يسي في خصمه المخلاب
وراس ابوك ان عاد اجدادكم منا = ونا على جد ماهل وقتنا ذي عاب

ـــــــــــــــــــــــــــــــــــــــــ جواب عبدالله علي بن لحول

يقول بن لحول الشاعر تشرفنا = بالخط ذي جا بطياته زعل واعتاب
راعيه زعلان ومستنقد قبايلنا = المصعبين المهيبه علة الحراب
من عند ابوناجي ادا وصف هدتنا = ولام ذي ماحضر يوم المشوك ذاب
والساع يامرحبا وازن شوامخنا = جبال متعلي الرمله حيود اصلاب
مراحب الود تتملا مطارحنا = مطارح الحجب ذي للمعتدي غلاب
حدود فيها مع الحده مراتبنا = بوابة المصعبين تستاهل الرتاب
يالدهولي في كتابك هرج ضيقنا = من فرقة القوم ذي راحت عزل واحزاب
والعيب واللوم في شرب مشايخنا = ذي خلت القوم هملا في عطف واشعاب
ليت القبل منها تسلفنا = حتى ولو ماتفقنا في حسب وانساب
بشيخ له كلمته بالراي يجمعنا = وان قامت الحرب لصأ شقها المكراب
ما افراد قومك تبا من يمكن المبنا = مبنا الصحب ذه تماني ناقلة لسلاب
ماحنا في الحرب كم شفنا وجربنا = هذا يبا الغبن لصاحب وذا كذاب
وذا اصلح الفرش والمدفع مسهرنا = والناس متعصبه في حربنا عصاب
ماكننا اصحاب ولكنه بعارفنا = الدم فاسد وثار الدم في لجناب
يوم العواضي طمر في الحرب متأنا = يقول من قر با يشتم وبا ينعاب
والله ماودنا ان الضيف سايرنا = خلا مضافه وجاه الشيخ والطلاب
قال اعذروني ترو ما ذه عوايدنا = عادتنا من حضر في المعركه ماهاب
لو راح منا جماعه ماتغثينا = مثله على امه زهور الورد واللزاب
حتى ابن قوطه دفع دمه مشاركنا = وبعض لصحاب ماكن الصحب غصاب
والبعض منهم حضر في الشرح والمغنا = من عولت الشعب ذي ربا نمر واذياب
ماقصرت جاتنا فزعة اخوتنا = تتسابق اهل البنادق حاكمة لصواب
ذي منها في مفارقها تساعدنا = ومن تغيب كفونه عاصرت لشناب
لا عاد يالدهولي تزعل وتوجعنا = لصحاب راحت وتالي شيخ منها غاب
لو قيل لهلك ولهلي لوله فينا = باتنجح التفرقه ماصدقو حساب
واحنا متى استاجع الصاحب يعورنا = والناس في حربنا متعجبه عجاب
اتكالبت ضدنا لعداء لخصمتنا = من كل بقعه مشارك هب ياهباب
لكن قد الله من فضله يساندنا = والعار ما نقبله لو مابقي شباب
من قل لصحاب ما لانت عزيمتنا = نقبل سبق بأم مخزن زينت الضراب
تدفع بنا في لقأ لعدأ شهامتنا = ما قر منا مقاتل شيبنا والشاب
لا ما المعادي جرب حظه وجربنا = روح يسحب ذيوله في الهرب سحاب
والقتل منا وفينا ما يغيثينا = والعلب يجبل قفا القطاع والشذاب
غلمه معي تدحر الحاسد وتعجبنا = في الحرب توحي زملها صوتها لجاب
وان صاح صاحب لنجده ما تعذرنا = يوم اكثر الناس يدي له عذر واسباب
والختم صلو على المختار سيدنا = الهاشمي ذي تبعنا سنته وكتاب

شكرا على الموضوع الرايع

وصح لسان ابن لحول والدهولي

والسـاع يامرحبـا وازن شوامخـنـاجبال متعلي الرملـه حيـود اصـلاب

مراحـب الـود تتـمـلا مطارحـنـامطارح الحجب ذي للمعتـدي غـلاب

حـدود فيهـا مـع الحـده مراتبنـابوابـة المصعبيـن تستاهـل الرتـاب

صح لسان الشعار

والشكر لناقلها

اشكرك اخي نجد مرقد
على الموضوع الجميـــل
وصح لسان بن لحول والدهولي .
تقبل مروري..

صح لسان ابن لحول والدهولي
شكرا اخي نجد مرقد على البدع والجواب
ماقصرت يعطيك العافيه
تحياتي ابوالطيب

اشكرك اخي نجد مرقد على النقل والله قصائد جميلة صح لسان الشاعران
الف

اتكالبـت ضدنـا لعـداء لخصمتـنـا == من كل بقعه مشـارك هـب ياهبـاب
لكـن قـد الله مـن فضلـه يساندنـا == والعار ما نقبلـه لـو مابقـي شبـاب
من قل لصحاب مـا لانـت عزيمتنـا == نقبل سبق بأم مخزن زينت الضـراب
تدفع بنـا فـي لقـأ لعـدأ شهامتنـا == ما قر منـا مقاتـل شيبنـا والشـاب

-----------
رحم الله الشاعر عبد الله ناجي الدهولي وصح لسان الشاعر بن لحول
ماقصرت نجد مرقد
سلمت يمناك

صح لسان الشعار وشكرا نجد مرقد على النقل تحياتي للجميع

ماقصـرت جاتنـا فزعـة اخوتـنـاتتسابق اهل البنادق حاكمـة لصـواب
ذي منهـا فـي مفارقهـا تساعـدنـاومن تغيب كفونـه عاصـرت لشنـاب

صح لسان الشعار الدهولي صاحب البدع والاحول صاحب الجواب
قصيدة جميلة يسلم كاتبها

رحمة الله ع ابو ناجي وصح السانه وصح السان بن لحول

ماقصرت يانجد الله يقويك

تقبل خالص التحيه

اخوك ابو صخر المصعبي