أتبدلت الأيام....محمد صالح المصعبي

هواجس ٍ في البال مرّت وأنا أخوك=منها جفا حلو الكرى نون عيني كنها على قلبي كما دك داكوك=عيّت تخف الدك وعيا يليني تشبه حروب القادسية وكركوك=يوم التقى كسرى مع المسلميني ومهما تزيد القلب ماهوب مربوك=طبعه قوي الباس عزمه متيني ومانا بمتشايم وخايف ومضنوك=متوكل ٍ بالله عليم الكنيني هو خالقي هو رازقي مالك ملوك=لا قلت له ياالله طلبتك تعيني لبّا لي المطلوب ما أمسيت متروك=أناظر الدنيا وحالي يشيني من بعد ماريت أشقر الريش مشبوك=وذيب الخلاء بين الحدايد سجيني وقد كان صقر الجو فالجو مفكوك=وذيب الغداري فالصحاري يبيني واليوم صقر الجو للناس مملوك=والذيب مايطرى على السامريني اتبدلت الأيام ياخوك ياخوك=وانت انظر بعينك وانا انظر بعيني دنيا تقلّب مالها درب مسلوك=ايامها وأحوالها متقلبيني رديانها فيها لهم مال وصكوك=هدية ٍ جتهم وهم قاعديني وأجوادها تفرش لهم قاعها شوك=يمشون فوق أشواكها صابريني واللاش بابه دون الاجواد مصكوك=والجيد بيته مدهل ٍ للطيبيني الجيد يهنا الزاد والضيف مشروك=واللاش وجهه للعرب مايليني هذا كريم ومعدنه تبر مفروك=وهذاك لا والله شوايب وطيني والناس تعرفها متى صرت مضكوك=تعرف اصيل القوم واللي هجيني أجوادها يبدون مافيهم شكوك=وأنذالها في ضيقتك ماتبيني والعز ماياتي ولاهوب مدروك=الا لمن يبذل عليه الثميني ياطالبه لا تحسبه هرج وحسوك=عاد العدا جيشه يبا صامليني لابد ماتدي الخصومه ويدوك=من صرف أبوكرار روسي وصيني قوت الحروبه من كله بات مفتوك=وانت وعدّوك فيه متخاشريني ليله ولد عمك وليله بها أخوك=تحت الثرى يدفن وتمسي حزيني وكم حصن من وقع المعادين مدكوك=وكم حصن منه أعداه متهايبيني الحصن من فعلك بالأعداء فلا جوك=يبين ساسه هش ولا مكيني وأمجاد عصر الجد وعمك مع أبوك=ماهيب لك ذا مجدهم الأوليني تكرم لحاهم في العلا يوم حطوك=ويكرم نباهم كل ساعه وحيني اصنع لنفسك مجد والناس يطروك=الحاضرين اليوم واللاحقيني وإن كان مالك مجد لاشك ينسوك=في صفحة التاريخ ذي كاتبيني وأصحابك اصحابك ولو يوم خلوك=مايعذرك من لومها العاذريني لا ترتضي فيهم ولو كان يشنوك=وعندك فرجهم لأصبحوا حانبيني افزع مع الأصحاب في يوم زاحوك=وبكره تلاقيهم معك فازعيني وان بعتهم في ضيقهم يوم يدعوك=بكره بلا شك إنهم بايعيني وحذرا تصدق فالصحب هرج مشكوك=بعض الهروج أصحابها حاسديني أصحابها لو يوم فالهرج غشوك=إدر انهم وأعداك متحالفيني والقصد شق الصف من شان يلقوك=وحدك ولا تقدر على الطامعيني ذا بعض ما لاج المحاني وأنا اخوك=ياذيبها سرحان خلّك فطيني وصية ٍ والقاف مبني ومحبوك=من عند أبونشمي سلاح اليميني

وأصحابك اصحابك ولو يوم خلوك=مايعذرك من لومها العاذريني
لا ترتضي فيهم ولو كان يشنوك=وعندك فرجهم لأصبحوا حانبيني
افزع مع الأصحاب في يوم زاحوك=وبكره تلاقيهم معك فازعيني
وان بعتهم في ضيقهم يوم يدعوك=بكره بلا شك إنهم بايعيني
وحذرا تصدق فالصحب هرج مشكوك=بعض الهروج أصحابها حاسديني
أصحابها لو يوم فالهرج غشوك=إدر انهم وأعداك متحالفيني
والقصد شق الصف من شان يلقوك=وحدك ولا تقدر على الطامعيني
ذا بعض ما لاج المحاني وأنا اخوك=ياذيبها سرحان خلّك فطيني
وصية ٍ والقاف مبني ومحبوك=من عند أبونشمي سلاح اليميني

ونعم ابونشمي كلمات جميلة وبها من الحكم الكثير والعبر كذلك مزجت بين الجد والوصف وكذلك النصح مع العلم ان الايام لم تتبدل والدنيا كذلك ولكن الناس تبدلت انشغلت بمصالحها والبعض فتح اذنية ليسمع في اخوانه والبعض اعتقد انة مع الراحة لم يحتاج لربعة بيوم من الايام اعجبتني القصيده واقول اخي بليق صح لسانك كلمات رائعة تبري الجرح ولكن هل من مجيب وهل من يسمع انة ندى خفي وعلني من شاب حمل هموم ربعة في ريعان شبابة دمت بود ولك التحية وكل عام وانت بخير

صح لسانك قصيده معبره في وقتها وفيها رساله ونصيحه اتمنى تصل الرساله والنصيحه
تقديري واحترامي اخي محمد وكل عام وانت بخير

صح لسانك يابعدي

الله الله عليك لبى قلبك

تحياتي لروحك

صح لسانك ياابوصالح والله لايحرمنامن قلمك المميز

وأصحابك اصحابك ولو يوم خلوك=مايعذرك من لومها العاذريني
لا ترتضي فيهم ولو كان يشنوك=وعندك فرجهم لأصبحوا حانبيني

كلام كبير من شخص كبير له في الشعر صولات وجولات .. وهاذي الابيات تدل ع الحمكه لما فيهامن النصح والعبر..

صح الله لسان الشاعر محمد المصعبي .. وجعله سلام ..

والله يبارك في ناقلها له كل الود والتقدير..

صح لسان الشاعر
قصيده في الموعظه والحكمه
مع تحياتي

كفووووووووووووووووووو كفو الابيات وقايلها

صح الله السانك كلام ممتاز
ونصيحه طيبه طاب الله اوقاتك