وادي عبقر (100بيت)...محمد صالح المصعبي

لك البارح حداء غنيت أنا من عبقـر المذكـور=قصيدة ماقرى منطوقهـا حـد غيـر شيطانـي
سرت بي ليلتي وأمست تجرّ الـروح للمحظـور=على عندل من إبل المصعبيـن بوسـم عربانـي
بليله شهرها مابـان وطارقهـا خفـوت النـور=سرت بي عذلبي عجله ونومي ينطـح أجفانـي
سرت بي هجله وفجه سباسب كل ابوهـا بـور=ولا حسيت غير بصـوت قـوم تريـد قومانـي
ذهنت وخلـت بعيونـي جنـودٍ للملـك سابـور=مراسيـلٍ لبلهيـت العظيـم وشانهـم شـانـي
ومارد هيقمانـي واقـفٍ والقـوم لـه طابـور=لوى بإيدة خطـام الراحلـه ثـم قـال يفلانـي
عليـك الله وأمـان الله مابـين السنـم والكـور=وأنا دونك من أشرار الخلاء كالسـف شامانـي
يقولـوا له:توحّـز قال:أنـا بالعبـد ذا مأمـور=وأنا دونه وأنـا ويـاه فـي المحتـوف سيّانـي
وألا من قام يتحـدى طرحتـه فالثـرى مبتـور=ولا داعي أبد تنعاد حـرب اخـوان الأخوانـي
فكفّوا شرّكم عنـي وعـن ذاالإنسـي المعـذور=خذاه النوم والناقة سـرت بـه فـي بلـد ثانـي
فقال:البرهتي منهـم بلانـا والعشـاء مخسـور=تعشت ناقة الإنسي عشـاء ذاالركـب بالعانـي
فقال:المعذره واللي وقع فـي وجهـي المنظـور=على شرع العرب طاح الحطب من دون نيراني
وساروا سار يحدا بي ذلولي عاد أنـا مذعـور=وأعيد آيات في سريّ تزيـل الرجـس قرآنـي
فقلت:انته من انته؟وين أنـا؟لا تكْـذب المبهـور=فقال:إنيّ أنـا المـارد وإنـي ليـس عدوانـي
وذا المرقاب من بعده محير الـوادي المشهـور=هنا عبقر سيولـه تلتحـق مـن سبـع وديانـي
فقلت:انته من أهله أوْ مسيّر فـي ذويـه تـزور=وإذا ماانته من أهله فأنت من أيّـات الأوطانـي؟
فقال:إنيّ أنا مـن شـام ذي هـدام حاكـم دور=وفـي البلقـات والذهبيـت والبلقيـت تلقـانـي
من الخبتيت ذي نحيّت ساعات الشمـوس تبـور=وصحنٍ جيت له ضامي ومنه أمسيـت رويانـي
ورحت وجيت فالبلقيت ولاقيت البنـات سفـور=براقعهـن علـى الأكتـاف للخلفـات رعيانـي
وحييّـت التـي حييّـت وثـم غنيّـت للغـندور=وجبت البيـت تلـو البيـت للحلـوات مجّانـي
ودعاك الشيبه اللي جاك وله لديت لـه مقهـور=ودعيت بخاطرك ياالله تصيبـه بيـن الأعيانـي
فهلّ أوعيت ذي أوحيت مثل الصقر ذي مصقور=يجي باللوح وأما البوح بوحـه لأجـل ثيرانـي
فقلت:أوحيت ثم أصغيت لين أوعيت ذي مشبـور=ولا داعي تبـوح وصاحبـك كالطيـر شيهانـي
فقال:انزل وقيّـد ناقتـك بيـن العبـل وزهـور=وامش نروح حيث الزار يضرب طار طربانـي
على بوابة الـوادي تشـوف الـزار كالجمهـور=سرى طابور حول البار دور ب دور وألحانـي
وخلّك سلس وامش ادعس وهسّ اللي تراه يدور=ولا ترتاب مـن رقطـا تلـوّت لـك وثعبانـي
لجوسق نقرس الهقلس ونقش مقوقسـه محفـور=على صمّ الصفاة اللي بنـاء منهـا لـه ايوانـي
نبا نجلس ونسلس فالحلس من خمره المعصـور=وسط ديوانه اللي مـن حسـان الجـان مليانـي
فقلت:الخمر ماأذوقه ولا أحـبّ الـذي مخمـور=مـدام الله وعدنـا فيـه فالجـنـات جريـانـي
فقل للجاريـة عنـي بأنـي عكسكـم فالطـور=يجيبولي مـن أقـداح الحليـب تفيـد عظمانـي
وجينا القصر فيه القوم من كل البقـاع حضـور=من أم بشيت من تصنيـت والدلهـي وجيزانـي
من صحنوت والغردق ومن برهوت والدهمـور=من القلزم ومن غربـه لفـا حبريـت حمسانـي
وقلت:القوم وش معها من أصقاع البقـاع دفـور=فقال:الليـل ذا آتـيـن مدعـويـن لإحسـانـي
دعاهم شيخ دهكم يوم رجرج حربهـم بالجـور=بعدمـا سبـرج اللـي بينهـم للشـرّ فتـانـي
يجلونه لـه التقديـر والتوقيـر شـوره شـور=عزم يحكم لهـم بأحكـام تختـم كـلّ ماكانـي
واذا ماشي عليه الصلح فوق العام سبـع شهـور=يقرّونـه قـروم القـوم بالمعـلـوم بأزمـانـي
وانا بجزم بأن الحكـم لا سمعْـوه قالـوا بـور=وعـاد أطرافهـم متهاويـه للقتـل عطشـانـي
يقوم الصلـح بالمـردوم والمعلـوم والمقـرور=ومنهو عاب من الأطراف عاش الدهر وحدانـي
وانا وانته فلا الضجـه ولا اللجـه لهـا مقـدور=امش نطوف لين نشـوف قاعـه جوّهـا زانـي
إلى حانوت فيه الصوت هزراقه صخب زامـور=وحسنـاوات شقـراوات مياسـات الأغصانـي
ترى السفاح والهذلغ سوى لين الصبـاح ينـور=وتلتـح راح أبـو نهـدٍ كمـا تفـاح لبنـانـي
تجي الشعار والحضار من الاقطار دور ب دور=شواردهـا تطاردهـا عماردهـا بـالأوزانـي
يجي مسحل مع لافظ مع بـن جنـدل القمعـور=وهبيد ومدرك وهـاذر يجـي سمـح المحيانـي
فقلت:الليل عجّل بي ضرب قلبي لهـم مخطـور=أبا عيني تشوف اللي بهـم قـد سمعـت آذانـي
دخلت وجنجناتي وسطها قرحات أبـو شرشـور=وأل وحزحز وصهلق وأجمجـم يومـه أشنانـي
وثم حييّت من لاقيت وحيّا اللـي لقيـت بهـور=أقاوي كل مـن لاقيـت ومـن قاويـت قاوانـي
بعد قالوا:من انت وقلت:شاعر فالعرب مغمـور=صدى قيفانه العذبـه سـرى فـي كـل بلدانـي
بعد قالوا:من انت وقلت:فارس فالوغى مشطـور=تجنّـب عنـي الرديـان والشجعـان تنصانـي
بعد قالوا:من انت وقلت:قانص شـارد اليعفـور=فلا قد شافتـه عينـي علـى المطـراد حنانـي
بعد قالوا:من انت وقلت:عاشق فالهوى مكسـور=تكسّـر خافقـه يـوم الهـوى خـداع خوانـي
بعد قالوا:من انت وقلت:من يعطي وهو محصور=كريمٍ كنـه السلطـان وهـو بالحيـل فقرانـي
بعد قالوا:من أيّات العرب حصحـص بليّـا زور=فقلت:الزور ماهو لـي ولا قـد جابـه لسانـي
أنا محمد ولد صالح وأنا اللي فالنسـب محـدور=من آل المصعبين اللي وسـط بيحـان حلانـي
وأنا شاعر بني مصعب بكلّ أوطانهـا والـدور=من الظفره ومن بيحـان واللـي حـلّ نجرانـي
أنا الشاعر وأنا الماهر وأنا غارف بحر مسجور=قصايـد كـل ابوهـا كنهـا لولـو ومرجانـي
من ايام الصغر والعمر لا قالوا طريـق عبـور=دنين القاف فـي راسـي يبـات الليـل دنانـي
ألاحي دنّه المسموع في فرشـي وأنـا مقعـور=وخلق الله نيـام وخافقـي والطـرف سهرانـي
على ديدب وله مرخي يسرينـي بـدون شعـور=إلـى أم النجـوم اللـي قمرهـا دار وانبـانـي
كبرت ونيدل أحلامي معي في عمري المعمـور=يزاورنـي يعلمنـي خفـايـا كشفـهـا آنــي
وتبسّم منّهـم منهـو معمـرد بالعمـر مسـرور=وقال:اسمع وأنـا بفتيـك باللـي فيـه حيرانـي
فهلاّ أنشدتنا من شعرك اللي في بنـات الحـور=من اللـي عدّهـا عشـره بـلا زودٍ ونقصانـي
فقلت:البارحه سهران لين الصبـح شـعّ النـور=من أسباب الجميل اللي لحظ بالعيـن واشقانـي
طويل أهيف كحيل الطرف ابوثغرٍ حوى البلـور=وشفه من لعـق ماهـا يبـات الليـل سكرانـي
وألا ويلاه من عينٍ لهـا قلبـي غـدى مأسـور=عيون اللي لطرد الخرب هـدّه كـف سلطانـي
وخدينه كما بدريـن خشمـه بينهـن مسطـور=ولـولا الله جعـل ذا بينهـن ماليلـنـا بـانـي
وأتلع جيد انا ياليت أنـا فـي جيدهـا منحـور=تحلويت الممات بنحرها اللـي وسعـه أكفانـي
وثم ياليت انا من تحت ذاك الجيـد أنـا مقبـور=حـلاة القبـر لا قـد فيـه تـفـاحٍ ورمّـانـي
أبو خصـرٍ تقواسـه هـلال العيـد بالناظـور=وردفٍ يذبـح المسلـم كمـا سفـاح نصرانـي
ابوساقيـن مدموجـه وممشاهـا دلـع وغـرور=ومـن حـق الحلـو يغتـرّ دام الزيـن ربّانـي
وياسبحان مـن سـواه وافـي ماعليـه قصـور=جماله غير طبعـه غيـر يعنـي حيـل فنانـي
وانا ياالله قـد زليـت وياليـت الزلـل مغفـور=لك استغفر لك استغفر وانـت الـرب رحمانـي
وهذي عشر لك عديّـت مافيهـا ابـد مشتـور=فقال:اسـمـع بدايتـهـا وطابقـهـا باتقـانـي
سقى الله يوم في دار الحبايـب قادنـي بمـرور=على عدّ الروى في هيت أنا مريـت ضميانـي
وبه لاقيت انا اللي من جماله يودعـك مسحـور=والا منهو يفكك من طلاسـم ساحـر عمانـي؟
عجزت اشرب وانا مانيب من عد الروى مقصور=ولكن مرّنـي عنـده مـلاك بصـورة انسانـي
وقلت بخاطري حلوة وابـا أمثّـل معاهـا دور=غريـبٍ مـرّ دار اغـراب مالـه أي عنوانـي
ويوم إن قلت باأسلّم سبقني صوت يدعـي نـور=وراحت نور لـه عجلـه ولا ردّت أبـد ثانـي
صفقت الكف فوق الكف وصدري قهر فيه يفـور=على اللي راح من عندي بعدمـا هـز وجدانـي
مضا يومي مع الليله وأنا وش حيلتـي محسـور=قعدت أقول ويش أقول في من هيّـض أشجانـي
وويش أقول ويش أقول في حظ الردى المعثـور=بكا قلبي مـن أحزانـه وحـزن القلـب بكانـي
بعدما كان فسحم ضاق ساعة دجـدج الديجـور=وهبرق ماه زرقامـه وقلـب الكهمـس أعيانـي
وله سجيـت موالـي ولـه غنيّـت بالمجـرور=قصيدة فالذي مريـت أخفـف بعـض ماجانـي
فقلت البارحه سهران لين الصبـح شـع النـور=من أسباب الجميل اللي لحظ بالعيـن واشقانـي
وهذي عشرها الاولى وقاطـر بيتهـا المقطـور=تلاقيهـا قصيـدة واحـده غنّـا بهـا اثنـانـي
رجف قلبي من العفريت وجف الريق فالحنجـور=وقلت انته وقال اللي يجي في نومـك حصانـي
أنا اللي لك بحر فيهق وفيه اللـي تبـا مذخـور=نهار الترك تدبك دبك حصانـك جـاك متفانـي
تشوف اللي خذاه الطيخ كنـه ذيـخ يامنصـور=فلا شاف العشاء مخصوص لك من لحم ظبيانـي
وجرّ الصولجان وقام قال اسعد مسـاك سـرور=وقـد بيناتنـا باجيـك يـوم إن الوعـد حانـي
وثـم رحنـا ولاقينـا ثـلاثٍ نافثـات شـرور=عجايز شمط ونجمة سبـط وموقدهـن ودخانـي
تقول الأولـه كفـك أنـا بأقـراه فيـه خبـور=عن احداث الزمان الآتيه فـي عمـرك الفانـي
فقلت اقري وقولي لـي وش عـاد لـي مدبـور=على ذاك الطريق اللي تعـب ساقـي وعنانـي
فقالت عاد لك شؤبوب خيـرة وافـره ممطـور=وبهرامـج يجـي بعـده وآس وظلّـة ليـانـي
وجات الثانية قالت خـذ الفنجـال ذي محتـور=وردّه لي وأنا بأقـرا وش اللـي قـال فنجانـي
فقلت إقري عن اللي حبها فـي قلبهـا مستـور=ولا باحت لأحـد عنـي بـأن الـروح تهوانـي
فقالت وضعها طيّب تجّهز لك زهـر وعطـور=وتتخبّـر عليـك النـاس يـوم القلـب ولهانـي
وجات الثالثه تضرب على العثعث وتقرى فـور=تقول اسمـع بقـاء زنجيـل بايأتيـك شرانـي
يحدك للبـلا غصبـا نهـار الـدم بـه منثـور=من اللي راسها مقـرّن وفيهـا سقـت الأثمانـي
فقلـت الله وكيلـي منّكـن ياالداجـلات العـور=وعلم الغيب عنـد الله محصـي عـدّ الأكوانـي
وثم رحنا ومرينـا ب هيضـل دمعهـا مسبـور=على الدندان هل الدمـع مثـل الغيـث هتانـي
وعدينا وردينـا وضـاح الفجـر فيـه ظهـور=إلـى مـن حيـث واجهتـه وحيّيتـه وحيّانـي
ووداعته وثم روحت أنا ممنون وهـو مشكـور=على عندل من إبل المصعبيـن بوسـم عربانـي

اخي بليق كل وعام وانت بخير وتقبل الله منا ومنك
سلمت على هذا الابداع المتوصل
لك من التقدير والاحترام

بعد قالوا:من انت وقلت:شاعر فالعرب مغمـور ----- صدى قيفانه العذبـه سـرى فـي كـل بلدانـي
بعد قالوا:من انت وقلت:فارس فالوغى مشطـور-----تجنّـب عنـي الرديـان والشجعـان تنصانـي
بعد قالوا:من انت وقلت:قانص شـارد اليعفـور-----فلا قد شافتـه عينـي علـى المطـراد حنانـي
بعد قالوا:من انت وقلت:عاشق فالهوى مكسـور-----تكسّـر خافقـه يـوم الهـوى خـداع خوانـي
بعد قالوا:من انت وقلت:من يعطي وهو محصور-----كريمٍ كنـه السلطـان وهـو بالحيـل فقرانـي
بعد قالوا:من أيّات العرب حصحـص بليّـا زور-----فقلت:الزور ماهو لـي ولا قـد جابـه لسانـي
أنا محمد ولد صالح وأنا اللي فالنسـب محـدور-----من آل المصعبين اللي وسـط بيحـان حلانـي
وأنا شاعر بني مصعب بكلّ أوطانهـا والـدور-----من الظفره ومن بيحـان واللـي حـلّ نجرانـي
أنا الشاعر وأنا الماهر وأنا غارف بحر مسجور-----قصايـد كـل ابوهـا كنهـا لولـو ومرجانـي
من ايام الصغر والعمر لا قالوا طريـق عبـور-----دنين القاف فـي راسـي يبـات الليـل دنانـي

صح لسانك اخي وعزيزي محمد .. ونعم بك وبشاعريتك التي لايختلف عليها اثنان معلقة جميلة يسبح فيها الذي يعرف العوم ويغرق الذي لايعرف كم هي جميلة قصيدة وادي عبقر سقاه الله بوبل الامزان لك الشكر والاحترام والى الامام وتقبل مرور اخوك لك التحية

صح لسان الشاعر على القصيده
وانت لك كل الشكر على طرحها
منتظرين جديدك
تحـ قناص شبوه ـياتي

المشاركة الأصلية كتبت بواسطة صالح جمعان

اخي بليق كل وعام وانت بخير وتقبل الله منا ومنك
سلمت على هذا الابداع المتوصل
لك من التقدير والاحترام

صالح جمعان

صح الله بدانك

والله يسلمك

تحياتي لك

اخي بليق سلمت يمينك على النقل
وصح لسان شاعرنامحمدصالح

المشاركة الأصلية كتبت بواسطة بن نعير

بعد قالوا:من انت وقلت:شاعر فالعرب مغمـور ----- صدى قيفانه العذبـه سـرى فـي كـل بلدانـي

بعد قالوا:من انت وقلت:فارس فالوغى مشطـور-----تجنّـب عنـي الرديـان والشجعـان تنصانـي
بعد قالوا:من انت وقلت:قانص شـارد اليعفـور-----فلا قد شافتـه عينـي علـى المطـراد حنانـي
بعد قالوا:من انت وقلت:عاشق فالهوى مكسـور-----تكسّـر خافقـه يـوم الهـوى خـداع خوانـي
بعد قالوا:من انت وقلت:من يعطي وهو محصور-----كريمٍ كنـه السلطـان وهـو بالحيـل فقرانـي
بعد قالوا:من أيّات العرب حصحـص بليّـا زور-----فقلت:الزور ماهو لـي ولا قـد جابـه لسانـي
أنا محمد ولد صالح وأنا اللي فالنسـب محـدور-----من آل المصعبين اللي وسـط بيحـان حلانـي
وأنا شاعر بني مصعب بكلّ أوطانهـا والـدور-----من الظفره ومن بيحـان واللـي حـلّ نجرانـي
أنا الشاعر وأنا الماهر وأنا غارف بحر مسجور-----قصايـد كـل ابوهـا كنهـا لولـو ومرجانـي
من ايام الصغر والعمر لا قالوا طريـق عبـور-----دنين القاف فـي راسـي يبـات الليـل دنانـي

صح لسانك اخي وعزيزي محمد .. ونعم بك وبشاعريتك التي لايختلف عليها اثنان معلقة جميلة يسبح فيها الذي يعرف العوم ويغرق الذي لايعرف كم هي جميلة قصيدة وادي عبقر سقاه الله بوبل الامزان لك الشكر والاحترام والى الامام وتقبل مرور اخوك لك التحية

صح الله بدانك يابن نعير

شكرا لك وتقبل تحياتي

صح الله لسانك اخي الشاعر محمد صالح المصعبي على القصيدة الرائعة
بانتظار المزيد منك اخي بليق ومشكور

المشاركة الأصلية كتبت بواسطة الفاطمي

صح الله لسانك اخي الشاعر محمد صالح المصعبي على القصيدة الرائعة
بانتظار المزيد منك اخي بليق ومشكور

الفاطمي

صح الله بدانك

تحياتي لك