بعض الليالي طوال....محمد صالح المصعبي

قال أخو ناصر الليله بدعنا المقالي=يالهاجس إرحب تعال
ابغاك تسهر معي مانا بساهر لحالي=بعض الليالي طوال
الوقت فصله شتاء وسهيل يشتاف عالي=وأمست هجي فالهجال
والناس من قيضها حنت لشوف الرمالي=حيث الغنم والجمال
شدو لهجلة رزين اللي على ربع خالي=من حيث مهذر لبال
حيث عينك ترى الخلفات يرعن بهالي=وابلي معاهن بهال
ملوا من جلوسهم وسط البيوت العوالي=وعلم الدول والقتال
كلن نصب خيمته وابله معه والعيالي=ويزاينوا بالحلال
ليتك معي جيت او ريت الذي قد جرالي=كيف المشاكل عضال
ليله بها القلب ممسي له على جمر صالي=وامسى هدف للنبال
واسباب مابه مخيّم فيه زين الجمالي=يازين ذاك الجمال
جيته وهو جالس لحاله وأنا اللي لحالي=ياحال يشبه لحال
قلت التحيه وحيّا بي حسين القبالي=يازين ذاك القبال
قالت تفضل وصبت بن صفر الدلالي=فنجال شربه حلال
فنجال هيله يفوح وزعفرانه مثالي=يسلم مسوي الدلال
تقهويت الأول وقلت أثنيه يرتاح بالي=فنجال وشوفة غزال
وأشرب وعيني تشاخل كف بنت الحلالي=مالبسوها الدبال
قلت أنت ياناعس العينين زين السبالي=قلي وش اسمك وقال
وقلّي من أي القبل تنسب ووين الحلالي=من وين شد الرحال
قالت من عمان حيث السلطنه والجلالي=وقابوس راعي الجلال
قلت خصي ونصي داركم لأي والي=سمّي المدن والتلال
من شان بكره الى منه طرى ماطرالي=لاجيت أدل الحلال
قالت تدل الفلج قلت أعرفه ويش تالي=يمين ولا شمال
قالت تيامن ووجّه شرق وانظر شمالي=وانصد كبير الجبال
دون الحيود المطله بعد صفر التلالي=والقاع فيها اعتدال
باتاصل حزوم ماليها الشجر بالظلالي=وعدود تروي النهال
فيها السمر والسلم والسدر وزهر النفالي=يازين شوف النفال
وعشرق وعضرس وعوسج للمكاحل ميالي=من عود عوسج ميال
وفيها الأكابيش نبتت والجنا طلع مالي=ويوكلوه العيال
وفيها الحليوى تجدها والخزيما طوالي=وخيفان للفوج مال
فيها إبلنا والغنم ترعى نبوت السهالي=ويملى لبنها الملال
والحيد فيه الوعل يرعى ويرعى الغزالي=في أمن ماهن ذلال
ان جيت قد باتشوف بعينك اللي يقالي=لكن ابسأل سؤال
هل صيعري أنت ولا مصعبي أو هلالي=أو من عبيده شمال
قلت من وين جاكم علم تاك الرجالي=وهم في وطن لنعزال
قالت يجونا عربكم للرحل والتسالي=ونوخذ علوم الرجال
وأنت وجهك ومنطوقك ولابه جدالي=منهم ولابه جدال
نسمع يقولون عنكم دايما في قتالي=ومعكم كنيد وبشال
قلت الكند والجرامل في السنين الدوالي=مأحلا السنين الدوال
ماليوم أفائن وأبوسبعه مسامير آلي=وشواخيف معهم طوال
وشاصات في ظهرها الاثنعش زين المحالي=وأنواع معهم ثقال
والشر منشور وأما الصلح ماله مجالي=ماحد يحل الشكال
لاما أجدبت الارض والماء كود ماها ينالي=وماعاد طعمه زلال
يرثا لها وأهلها هم وابلها ذي هزالي=حتى غنمهم هزال
القاع حطما حطيمه قابله لشتعالي=وبركان بيحان سال
والحيد فيه النمر والذيب هو والثعالي=وجعيره العرجا حلال
لكن عسى فوقهم تلمي بروق الرسالي=ويهل وبل الخيال
شهرين جعل الحيا فيها يجي باتصالي=ماينقطع الانهمال
تحيا بعد موتها ترعي الخبوت القحالي=ماشي على الله محال
ذا حال ذاك اليمن هذا جواب السؤالي=لكن معي لش سؤال
الصدق وش دينكم في الحب هل به خمالي=قالت حرام الخمال
ماكل الأشياء تطال وبعضها لو يطالي=في حل طوله يطال
الضيف لا جاء يبات الليل في انس سالي=ينسا هموم الليال
نسهر معه لا الصباح لحالنا مانبالي=من ابن عم وخوال
لسولف ولضحك ونلعب والبدر في اكتمالي=ماأحلاه في الاكتمال
ذا ديننا في الهوى شرعه طويل الحبالي=ماقد طوينا الحبال
وذا رقم جوالي ان قد جيت بس اتصالي=وازهل جميع المسال
خذت رقمه ووادعته وهو في خيالي= شابك معي فالخيال
والصبح شدو وانا اللي بعدهم عزتالي=انويت شد الرحال
ذا ماجرى يارفيقي في طويل الليالي=خرج بيوتك جزال
ابغاك تسهر معي مانا بساهر لحالي=بعض الليالي طوال

ربي يعزك يالغالي
وصح الله لسانك شاعرنا القديرمحمدصـ لح ــا المصعبي
على هذه الزوامل
تقبل مروري يالغالي ولاعدمناك

صح الله لسانك

صح لسانك ياعميد شعراء المصعبين لكن اريد طلبة منك قل تم اريدالرقم لاني ريح نفس المكان وماادل المكان .بصراحة مبدع واتمنى لك مزيد من الابداع .

المشاركة الأصلية كتبت بواسطة قناص شبوه

ربي يعزك يالغالي

وصح الله لسانك شاعرنا القديرمحمدصـ لح ــا المصعبي
على هذه الزوامل

تقبل مروري يالغالي ولاعدمناك

قناص شبوة صح الله بدانك

شكرا على المرور العطر والرد الطيب

تحياتي

صح لسسسانك انشهد انك ششششششششششششششششششاعر

صح الله لسانك اخي بيلق شاعر كبير ماشالله عليك

قصيدة روعة وشاعر متمكن بالتوفيق

وبغيت منك طلب قصيدة مصعبيه تجاري او ترد على الشاعر الحوثي ( مانبالي مانبالي مانبالي) ! اذا امكن وتحياتي

صح الله لسان الشاعر الكبير/محمد صالح المصعبي،،

ابيات روعه تدل ع معنايها،، المقصوده ..

يسلمووو اخي بليقـ ع الطرح ولك شكري وتقديري..

.....

صح لسانك ياابوصالح والله يقويك

حياومرحب يانسل الابطالي
ذي ذكرهم بالشهامه بنقال

ذي هاجسه خرج خيرت الاقوالي
وياعساذي بقلبه ينال


هذاهوالهوا يسقي المروالحالي
ويسهرالعين ويتعب الحال


قد اتعب ابوزيدالهلالي
ذي تهابه كل الرجال


ومن بعديارسولي شل مرسالي
لاعندابوصالح وسلمه المرسال


قله نصيحه خلك مستريح البالي
والهوامن قلبه نباه ينشال