بصراحة اعجبني ردها بنت رجال

السلام عليكم سابتدي كما يبتدي اخوي ابومتعب بكلمتي صباح/ مساء الخير

ولذا ساتتركم مع رد هذة الزوجة على هذا الرجل لكي تستمعون معي بقوة ردها وعذوبتة حقيقة لقد القمتة حجراً خخخخخخخخخخخخخخخ

قال لها زوجها ودِّي أتِـــزَوَّجْ ... ردت عليه
بالأبيات هـــذه....
صراحة عجبني ردَّها بنت رجَّااال

تبي حُرمه ؟؟!!
وأنا مثلك أبي رجَّـــال !!!
يشد حبال ظهري إليا البخت خانه ..
تبي حُرمه ؟؟!!
شعـــرها ليل وعينٍ كِنَّها الفنجال
وأنا مثلك أبي رجَّال !!!

قليل أقوال وإذا ينطق يقطر حكمه لسانه
أبيه أفعــــال ...
وأفعاله تتم بليل كتمانه
تبي حُرمه ؟؟!!
وأنا مثلك أبي رجَّال !!!

ماهوب تمثال !!!
مكون من جسم وعقال
وثوباً يسحب في اقدامة...
عجز في كيِّـه الغسَّال
أبي رجَّـال له مبدأ ...

له أفكار تلخبطني
وضلعي المعوج اليا مال ..
يعرف شلون يضبطني
أبي رجَّال !!

لا شفته تذكرت العظيم الله
وذكرت النار والجنة
ابي لي شاعر عذري
له احساس يغرقني
أبي رجَّــــــال !!
ماهو شاطئ ولاهـــــو رمال
ولا بزنس ولا هو ريـــال
ولكنه
هموم أمة
وكيف نفوز بالقمة ؟؟
وكيف نربي الأجيال !!
نخلي بنتنا أنثى
ونخلق في الولد رجال
تبي حُرمه ؟؟!!
وأنا مثلك أبي رجَّال !
كثيرة بديرتي الأزوال
وقليلٍ من بينهم رجَـــــــــــــااالْ