هاجسي جب لي....................محمد صالح الدفيعه

هاجسي جب لي من أبياتك اللي تستطيع=هات منها ماتشاء هات مافيها اقتراع
دام قلبي من عيا الوقت وجروحه وجيع=والمتاع اللي معي صار مايصلح متاع
هات باأغني بصوتي من الشعر البديع=مايسّلي القلب من هم ورّده الضياع
لين يرمي بالهموم غبّة البحر الوسيع=رمية ٍ ماقبلها الا نودعها وداع
وش حياة الآدمي لا قضى عمره سريع=ولاح شيبه ماشرى في مناويّة وياع
أشهد أنه عيش راعيه به حظه شنيع=حابسه فالضيق وفجوج ذا الدنيا وساع
لأجل ذا ياهاجس اقطف نواوير الربيع=خص منها اللي شذاها يفوح من اليراع
والله إني ماتهاون ولا أرضى بالوضيع=الوضاعه لأهلها والرفاعه للرفاع
يالله إني طالبك وأنت ياربي سميع=سهل أمري وين ماجيت وأنت اللي مطاع
سد مأرب طاح رغم إنه السد المنيع=هدّه الفار الصغير رغم قوة الامتناع
حافت الدنيا ولافت وياكمن صريع=ماتوقع تصرعه بعد ذاك الارتفاع
كم ملك بالأمس يأمر وشعبه له مطيع=والصباح أصبح وسط سجن ماعنده دفاع
وكم ملك هامل وكمن ملك حكمه نزيع=وكم ملك ضاقت به الأرض رغم الاتساع
يوم ربي قالها قالوا العالم ربيع=خاف لا جاء الصيف نقلي القعايد والفراع
مادامت الدنيا لأحد لو تقر وله تطيع=بعد سكرّها يذوق الحدج حتى النخاع
غير ياسرحان ذي للنصيحه تستميع=و الذكاء ويا الدهاء فيك من زين الطباع
يافتى لا ضامك الوقت من عادك وديع=لازم إن تصبح على وجه ذالدنيا شجاع
يافتى لا ذقت طعم الدلع بكره يضيع=تنهزم لاصرت وحدك وقدامك سباع
اقنص الصيده متى لاح قدامك قطيع=لو تخليها خذتها الوحوش اللي جياع

صــح لــســا نـــك

صح الله لسانك يامحمد
ونتمنى منك ان لا تحرمنا من ابداعاتك
التي تتحف بها هذا الصرح العظيم

كلمات رائعة وراقية وللامانة اعتزيت اخي بليق في هاجسك ولم يبخل عليك ولا على محبي ومتذوقي الشعر اقووول صح لسانك

وسلمت على الكلمااات الجميلة ذات المعاني الكبيره دمت بخيرررررر دوووم

كلمات روعه يسلم ناقلها لاهنت يا الحبيب

صح الله لسانـ الشاعر محمد صالح،، وسلمت انامل الاخ الغالي بليقـ،،

وبالفعل ابياتـ جميله تدل على المعني في قلب الشاعر..


فشكراً لك اخي بليقـ ع نقل كل جديد للاخ/ محمد صالح ..



وتقبل مروري