حط صور من تصويرك الشخصي + تجربتك وقصة الصور..

السلام عليكم ورحمة الله وبركاته
شحالكم يا جماعة!؟





فكرة الموضوع انه كل واحد يدخل ويحطلنا صوره ، ماهو لازم تكون معدله وحالتها حاله، اهم شي تروينا جزء من حياتك، وش تشوف، وش تحب، اي شي يربطنا بكم..
يمكن شي يضحك شفته..
شي عاجبك..
شي قرفك خخ



هالموضوع فكرت احطه بعد ماشفت موضوع اماراتيه "مرحبا =)" لان الموضوع كان حلو لكن لان العنوان ماهو مرتبط بالموضوع، كثير اعضاء ما فهموا الفكره..


ويالله انا ببداها وبحطلكم صور >>> ما اصور كثير ترا بس احب اصور الاكل L-)

طيب هاذي صور من مطعم رحتله في دبي
تحديدا في فستفال سنتر
مطعم مدري وش اسمه بصراحه نسيت


كان اكلهم يجنن،شمرررررت و كليت بالخمس خخ، لا وربي امزح كليت بالشوكه >> مسويلي فيها متطور
يالله
نبدأ

اول ما قدموا العشا حلفت عالشباب محد ياكل قبل ما اصور خخ >>> هوايته
تصوير الاكل


ولو شفتوا كيف يتحرقصوا الشباب ودهم يكفخوووني وانا منشغل بالتصوير وهم كل واحد مشمر ومستعد تقول كنه سباق وربي..





هذا اندومي دجاج ،بس نوع متطور خخ :)>-






وذا الكولا الي شربته ويا العشا







هذا عشاي..الله يعيد ذاك اليوم يا زينه وربي اني جويييييييييييع الحين، ترا ذا البني لحم وربي يذووب يوم تاكله =P~








هذا عشا واحد من الشباب بس كان فيه فلفل خخخ








هذا عشاه يوم خلصنا صورته، شوفوا ما اكلنا منه غير شوي عشان الفلفل..بس خلص الرز خخ L-)



v
v
v
v
v

يالله ننتظر مساهماتكم يالحلوين