يقول المهتجس شاعر قتلني الصبر ياصحابي=
جميل الصبر قلتوا لي ولاشي فايده ياصحاب
ماشي فايده في الصبر ومابا راجع حسابـي
هذا ما تبين لي من صبري بـدون حسـاب
أناصابر على الظلمه وشمسي دوب بغيابـي
تغيب الشمس اوتشرق أناعندي غياب غياب
أنامحبوس في ليلـي نجومـه قفلـوا بابـي
وهم غابوا وخلوني ولاعليت ويـن البـاب
حرمت النوم من عيني ومن جفني واهدابـي
ليالي طوال ساهرها وعييت تهجع الأهـداب
ليالي زاد فيها الهـم ومـا فرطـت آدابـي
ومهماجارت ظروفي أنامحافظ علـى الآداب
وفوق الظلم زادوني عليـه بلـوم وعتابـي
أناالمظلوم لآموني وزادوني عليـه عتـاب
حمول الجور متحمل وحملي ميآت لذهابـي
أمآنه لاتلوموني وأنا حملي ميـآت ذهـاب
وإذا تعنيت بـازاور ماحـد قـام حييابـي
ذا باطـل وذا منكـر لاحيـا ولا ترحـاب
تغير كل شي عكسي رجع سلبـي لإيجابـي
ودي كانوا ينادوني اذا ناديت ماحـد جـاب
تغير من لفت ذهني لفت ذهنـي وإعجابـي
وضيع كل ما ناله من التقديـر والإعجـاب
كم عانيت مـن شآنـه ولاهميـت لتعابـي
إذا هوه بالتعب يرضى أنا برتاح بالأتعـاب
وإن عاده يبا يسئل عـن أصلـي وأنسابـي
لعد يتعب ويتعنى كرام الأصـل والأنسـاب
وإن حكمه يباني عيـش بيـن نماروذيابـي
قدني بينهم عايـش بيـن نمارهـا وذيـاب
لاكن بآطلك يالوقـت يـا غـدار عييابـي
دي كنت اعرفه وافي لقيتـه آدمـي عيـاب
هذاوالندم حاصل مـن اول لآخـر كتابـي
وأنا ندمان من قلبي وخطيت النـدم بكتـاب
وان ذا الحكم من ربي قده رحمـن توابـي
قابل توبة التايب اذا أخطـاء وتالـي تـاب
وباصلي على المختارمحمد سيـد لعرابـي
صلاة آلآف ماتحصى تغشى سيد الاعـراب
لشــــــــاعر: بن عـــــبثان
الإهداءات
13-10-2009, 08:10 PM
أنا صابر على الظلمه وشمسي دوب بغيابي = تغيب الشمس او تشرق أنا عندي غياب غياب
العرض العادي
