قصائد للشاعر بن شامت القيفي

اليوم جايب لكم قصائد مميزه للشاعر الراحل عبدالله بن شامت القفيشي الخليفي وارجو ان تنال عجابكم
وإن شاء الله كل يوم با ارسل لكم ثنتيين

سنه هجريه
لا قال الفتى بن شامت ورخنا سنه هجريه = ذكرى للذي حبيته بادي الأمر من طاريه
وأصبح عندنا في القمه بين الظهر والعصريه = حبيته وقلبي حبه كبدي حبته والريه
شفته وأكتشفت أخلاقه ذي هي عالعرب مخفيه = سره مختفي في عيونه فيها مجدها السحريه
ليلة صادفه وأشوفه تمسي ليلتي نوريه =وأمسي في المنام أترايا شوف آحلام له صوريه
والليل الذي ما شوفه نظم له جمل شعريه = وامسي في الهوى متكدر وأكتب له خطب ثوريه
من حب أعتقد في نفسه إن المسأله فوريه = وإنه با يصل ذي حبه كود المسأله شعريه
لكن يكتشف في الآخر إن به وسوسه صدريه = وإن عاد الطرق قدامه وأعسر كلها حذريه
ليله من ليالي ربي هزت ريحها السحريه = جابت ريح طمن قلبي فيها المسك والعطريه
منها وأحذروا بن شامت نفسه في الهوى حذريه =بعض الهرج ما به بند يصبح صاحبه سخريه

خيلت بارق
يقول الشامتي خيلت بارق = من المشرق لمى ما أحلى بروقه
تراييته وإنا في النوم غارق = وحن القلب له وإزداد شوقه
آلهي يا موفق كل صادق = توفق كل من نفسه صدوقه
تجنبنا المعاصي والعوائق = كما الإنسان بآخلاقه ولوقه
بنينا في الهوى سبعين طابق = ومن بعد البناء بانت شقوقه
وغرسنا غرايس في الحدائق = ومات الغرس من كثر الدحوقه
وشفنا الوقت ساعد ذي منافق = وذي صادق معه ضاعت حقوقه
ألا يا أهل الهوى يا كل عاشق = نصيحه جنبوا من باح سوقه
لأن بعض العرب قد له سوابق = وعنده كل معنى حسب ذوقه
وتركنا هوايات كل حاذق = وخليناه وقته با يسوقه
أنا مرتاح من نفسي وواثق = كفيت الفن ذي ما شي يفوقه
ولازم له يقع في جنس مأزق = وبايجيه البلاء تحته وفوقه
وبا يدري بنفسه وقت لاحق = وبا يندم على كثرة غدوقه
وبن شامت حلف وأقسم وغالق = من الإيمان والله ما يعوقه
حلف ما يترك الفني يحانق = وعاد الدم يجري في عروقه
عسى إن الله على قولي يصادق = وخو صالح عسى يوفي نطوقه
سرى نومي مع البدر شارق = وأنا طبعي ذهن ساعة شروقه

تماديت ياصاح
بأسم ربي بديت القول سبح وكبر = خرج أقوال منظومه عين القلب يرتاح
وهاجسي طول الغيبه ولبعد تأخر= لا دعيته حضر لكن مبعد لنا لاح
واليوم أنا سقت له طارش معنى مخير = أباه يحضر معي ساعة على طيب لرياح
هو رفيقي يشاركني في الخير والشر =ما يقصر ولكنك تماديت يا صاح
شوف قصدي أنا ساعة سليه ومسمر =وإن تباها طوال الليل لا قرب الصباح
قال بن شامت الليله باغني وبا اسهر= كم ليالي سهرناها وشوقي للفراح
لا قلت با حصي أنا ياكم وكم با تذكر = ذه مهاري طويله ما سوى ذي له إلحاح
رب مخلوق عظمه لا أنكسر ما تجبر = وين ذي يجبرون العظم راحوا بلصباح
يا مؤتمري في الخزنه رغبتك وبا فخر =وبكسبكك طول عمري ولا أبا غيرك إسلاح
آح في آح في آح حين راسي تكسر = من ضياع السلب من بين ليدات لا لآح
مبعد وصلت الخطر والحظر والخط الأحمر = رديتها ليه ذي بيده حزنها ولفراح
لو خيروني وجابوا لي بدل ذا ثنعشر = لا يمكن أقبل ولا ساوم ولا يمكن إنزاح
وإن حد نوى غدر ببن شامت وخطط ودبر = يوخذ نصيحه ويحفظها من إنسان نصاح
بركان ما يرتبع لا ثار والا تفجر= ماعاد با رثي لمن قع في طريقي وبا يجتاح
طاب السلى والسمر هات البياض المسطر=سجل بخط القلم كلمة لصادق ومزاح
حتى ولا الوقت فيه الناس تخفي وتنكر = وبعضهم نسأل الله عافيه يا ترماح
وفييين طارش معنى بن لاجاويد صدر = شل خطي وبلغته لجوال سواح

[/poem]
منقول
ولكم مني اجمل تحيه

شكرا على القصيد الحلوووووووة
مبدع في كل المجالات يا الطاهري معول

مبدع وتسلم على الموضوع الرائع

الله يرحم الشاعر قصايد روعه وتسلم يمينك يا ابن عمي

علىكلمات رائعة
تسلم يمينك

رايع دائمأ الطاهري معول

سلمت يمناك

قصايد جميله شكرأ لك

شكر على مروركم
وهذي كمان قصائد لبن شامت وإن شاء الله نوافيكم بالمزيد
شفتك بقلبي

خطير يا ذي خرجت العصر تتمخطر = في قاع مكشوف ما كنك تباني شوف
شاطر ولكن على من صدق تتمشطر = على زعيم الشطاره ذي قده معرو ف
شفتك بقلبي وعادك ثم تتعطر = قبل الخروج بدقائق دق قلبي خوف
وقمت من ساعتي فور السماء تمطر = من باب لا باب مثل العاشق الملهوف
بغيت نظرة خطر منك ولا انت أخطر = نظره ترد النظر لا النظر مخطوف
مشتاق لك شوق بالقنطار تتنقطر = شوق المحب الذي من صاحبه موقوف
يا من بقلبي قدك مكتوب ومسطر =وليش لي بوصفك وإنته قدك موصوف
وصفك يضاهي آهالي نجد في المقطر =أما هنا عندنا خارج عن المألوف
يا ظالم الحسن حسنك داخلي سيطر =علقت قلبي على صدرك كما النفوف
أرحم محبك وخاف الله لا تبطر = وش لك بأسرار ألعبها على المكشوف
والحل بيدك تصوم الدهر او تفطر = ما يعلم إنك كذا متردد أو مكسوف

قصة معذب

أنا أحمد الرحمن ما من ليلة ٍ سوداء مضت=زينه وشينه في حياتي في سجل الذكريات
ليلة عطش في الكبد وليالي بها الكبد أرتوت=في كل أرض ألقى العذوبه والغصون الراويات
يا ما على راسي عبر في الوقت ما جاء وبت=لما أشتعل بالشيب من جور السنين الماضيات
لو قلت بأ اكتب قصتي لا هل المحبه ما استوت=قصه عنيفه متعبه لا هي حياه وإلا ممات
قصه معذب عاش في الدنيا ينكتها نكت=من يد خلق الله وقت الويل شمتني شمات
يا ما ويا ما مر بي وإنه ليله اعياني سجت=مانام نوم الخلق نومي في عيوني ما يبات
قدها علي شده ورجلي في طرق سيري ألتوت=وأتعروجت كل الطرق راحت ملاوي ملويات
هذا من الله لي وليام التعيسه قد خلت =واليوم في قلبي أمل وأعمال لآدم باليات
لاتسألوني كيف هذا صار ما نفسي درت=ولا معي تفسير للماضي على إ الجهات
ياما عرب فقرت ويا ما ناس في الدنيا أغتنت=والفقر كله والغناء مقدور ما هي أمنيات
شفت العجب في الوقت هذا شفت لنمار أحتوت=ذي كات أول تعبر ادروب الوعوري في ثبات
غبني غبوني كمن بطل لا قال وأتكلم سكت=من جور همه يوم تبحثها جيوبه خاليات

مشكور على القصيدة

الله يعطيك الف عافيه على القصائد الرائعه


والله يرحم الشاعر



تقبل مروري

صح لسانك ع هالابيات ..