بيحان وادي الشرف جاتنا اخباره

ياوالله اللي الليالي السود دواره
ماحد سلم منها قاصي ولا داني
بيحان وادي الشرف قد جاتنا اخباره
هبت رياحه على مرجل وهجاني
هبت وهبو على داعي الشرف غاره
ماقصروا في الطلب شيبه وشباني
حوض المنيه ضحى سووه مطماره
اهل النقا كل من في الضيق دحاني
العلم ردوه ساعة ولاعت ناره
صنعا درت والمكلا واهل ردفاني
يومين وابليس يتزمر بمزماره
والحبل مشدود ما اترخا ولا لاني
موقف مشرف ولولا بعض زواره
كان الخبر ما يسر الحاسد الشاني
مادري سرا عاشق المسرا بدولاره
ولا القود بالعرب هو المذنب الجاني
كلن يبا انه هو اللي يمسك الطاره
حتى ولو اعطى الثمن من عز لثماني
شيمت قبايل على الجودات صباره
تسوق لرواح ما ترخص وتهتاني
اهل الوطن عندهم عزه ومقداره
ما فرطو في كرامت خير لوطاني
في طارف الحد قد حطو بطياره
ما طاوعو لنجليزي اهل شمساني
شيبان لو حد بدا والخير بشواره
ما عارضو الشور كمن جيد فتاني
ذولاك ما يرغبون الشال واسراره
في دقلها والجلل اصحاب واخواني
ما اليوم كلن يبا انه صاحب الشاره
ولا يباغير شوره شور من ثاني
حتى ولو شور غيره صح ما اختاره
غيره وضيقه وله بغاض وحاني
وعاد المصيبه يساند كلن انصاره
كبير يسحب وراه كبار شجعاني
من شان لا الصف خالف نهج مسياره
قال ابرزو دونا يا نسل عماني
ما اقول شي كل واحد يرفع اشعاره
لكن صونو الشيم والدار يصتاني
منهو يبانا معه ولوفي اشباره
يخلص نواياه في حمران لعياني
لجواد منهم معه يمدي بمشواره
مابا يهمه تقلب شين لزماني
ما من خسر لابته باينهدم داره
ويضده الوقت من صاحب وعدواني
ماعاد باطيل كلن يحسب ضماره
من قبل يصبح فلس من دون عنواني
ها هو احمر العين من يسترجع افكاره
ويشوف وين الخلل ويقرب الباني
لاهو اصلح الدار واصلح باقي ادياره
في عالي الرجم با يبدي كحيلاني
صلات ربي على اللي ربي اختاره
ما قد سرا بارقه وارعد حناني

ما من خسر لابته باينهدم داره
ويضده الوقت من صاحب وعدواني

اشهد لله ان من خسر لابته با ينهدم عزه ومقداره بين الناس
راعي الهدباء صح لسانك يا خوي
والله لايهينك على الطرح

صح لسانك على القصيده
وياريت الربع يسمعون للنصايح اللي ف القصيده

بيحان وادي الشرف قد جاتنا اخباره
هبت رياحه على مرجل وهجاني
هبت وهبو على داعي الشرف غاره
ماقصروا في الطلب شيبه وشباني

صح لسان الشاعر
والله يعطي العافية لراعي الهدباء

شيمت قبايل على الجودات صباره
تسوق لرواح ما ترخص وتهتاني

تسلم ياراعي الهدباء ماقلت لنا من هو الشاعر والمناسبة على الطرح