الحر عمره ما يعود دجاجه

كل الطرق قالوا بروما تواجه && مقولتن يهرج بها كل هـراج

نهايه الانسان وآخر مداجه && معروفتن مهما على الشاسعه داج

ياتي لها طوع بليا مزاجه && لو كان باقصى الشرق أو غرب قرطاج

بيت صغير والعمل به سراجه && وعزي من لا جهز لبيته ســـــــراج

ولا بأمور الدين يبني سياجه && فأنا أشهد انه مابنى حصن وسياج

كل الشجر يعرف ويعرف انتاجه && والفرق في التفضيل في نوع الانتاج

من زله الصافي شرب من هماجه&& حتى ولو يارد على عين هــــداج

واللي يبي يلبس من الطيب تاجه && يفعل ويفعل لين يستاهل التاج

والحاقد اللي في هروجه عواجه && قلبه سواد وسنه أبيض من العاج

لو حاول يناجيك بالصد ناجه && مالك ومال اللي للاعراض لعاج

نزه جنابك عن هروج السذاجه&& حذرا تجاريب الحكي كل سذاج

ولاجاك محتاج يبي منك حاجه && فأعلم تراك لرحمه الله محتاج

أما عطه ولا تجنب احراجه && عذرا كريم ولاعطى من واحراج

واللي بوجه الضيف يعقد حجاجه && عده فقير لو ملك ذيك الابراج

والرجل يعرف مدخله من خراجه && من قبل لايدخل له يشوف مخراج

والحر عمره مايعود دجاجه && وفي المدينه ماوالله يعيش سهاج

لاهبت رياح الجفا بالعجاجه && فل الجناح وفي رفوف السما راج

وابعد عن الحقران وأهل اللجاجه && الله ولاسكن بها يصدر ازعــــــاج

وعيش الرجل بالعز رغم احتياجه && أخير من ذل بمرمر وديـــــــباج

والطرق فعلا بالنهايه تواجه && لو كنت باقصى الغرب او شرق قرطاج

صح لسانك ولسان الشاعر
ومبدع كاعادتك
مشكور على هذه الاحاسيس
وننتظر المزيد من ابداعاتك
وتقبل تحياتي

اخي الانيق

شكرا على الايراد

ولكن لو ذكرت اسم شاعرها الشاعر / زايد المري

كان احسن من تنزيلها بدون اسم شاعرها

تحياتي لك

قصيدة جميلة تسلم

كل الشجر يعرف ويعرف انتاجه && والفرق في التفضيل في نوع الانتاج

من زله الصافي شرب من هماجه&& حتى ولو يارد على عين هــــداج

واللي يبي يلبس من الطيب تاجه && يفعل ويفعل لين يستاهل التاج



صح لسان شاعرها وتسلــم يمنــاك

ويعطيك العافيه

أمتعتنابقراءة هذه الكلمات الجميله ,,

صح السانك قصيده انيقه ومرتبه

قصيدة روعة صح الله لسان الشاعر

مشكور اخي الانيق على النقل المميز