يا نوف من جور الزمن ضاق بالي !!!

هذه القصيدة للشاعر الرائع وبران ال كليب اليامي
اعجبتني فاحببت ان انقلها لكم

يانوف من جور الزمن ضاق بالي

وانا معللق كل الآماااال عـ الوقت

من عادني طفل" وانا راس مالي

قولة ابينصفني الزمن كل ما اخفقت

واكبر ويكبر وسط صدري سؤالي:

متى على الصبر اشعر اني تفوقت؟

واليوم هذا آنا وهذا عقالي

ليا لبسته ضقت وان ماالبسه ضقت

لـــونه يذكرني ابسود الليالي

اللي وراها بندفاع الشقا انسقت

تبعتها حلمي على قد حالي

واقصاه اسلي خاطري لاتضايقت

ويوم افترق دربي جنوب وشمالي

لا والله الا يوم عقبك تفرقت

مسكت درب ودرب مسكه خيالي

غرّب بهم وباربع اهموم شّرقت

جنوبي وصبري ايهز الجبالي

صبر" توهق بي وانا به توهقت

لا هو قتل حلمي ولا هو صفالي

مابين آماااله وياااسي تعلقّت

لاجيت بالاول ولا جيت تالي

ولا بوجه اقدااار الأيام دنّقت

كلي حزن واقول طيب وسالي

والمشكله لا قلت يانوف صدقّت!

ماقد ذكرت ابخير عصر" مضالي

ولا اذكر اني فيه لحظات روقّت

مدري غبى الايام؟ والا هبالي

والا القدر واقضي العمر ماتوفقّت

او هو حنين ن داخلي مايبالي

او غربة" تجتاحني كل مااشتقّت

او واقعي يرفض يصافح خيالي

واطيح واقف كنني ماتسلقّت

يانوف هذا آنا وهذا سؤالي:

الى متى اصبر وارتجي فزعة الوقت؟!!

صح لسان الشاعر

وسلمت يمينك على النقل

صح لسان الشاعر وتسلم يامهندس ياكبير

قناص ال فجم وراوري يعطيكم العافيه ..سعدت بان القصيدة نالت رضاكم

تسلم يمينك على النقل يا مهندس

شاكر مرورك اخوي وادي الخير

الله ع الشعر حين تخطه يد مبدعة بحجم هامة وبران اليامي..


صح الله بوحه ولا هانت يمناه..


وتسلم يمناك ع الذائقية الموفقة أخي الكريم..