عذرا على عدم تنسيق الأشطر لأنها طويله
المصعبي قال عندي وافي المعنا...والشعر ياهاجسي ماانته بري منه
لـنـك ولـنـي ولـنـي ولـنـك ولـنا...أصحاب وكـلـن يقـدم للـخوي فنه
كم في بحور الشعر ياهاجسي غصنا...مطلوبنا اللي نراهن فيه ونظنه
واليوم ياحاكم القيفان و الوزنا....مضبوط وافي ولابه نقص أو هنه
كم به قصايد كتبناها وحن حزنا...لاقت لها ناس منها جرت الونه
وكم به قصيدن ينادينا يبا معنا...مات ورحل والسبب كثر البطا عنه
وكم به قصيدن توفا في دفاترنا...ماشاهد النور وأحزن شاعره دفنه
لـكـن راسـي أحـس بـداخـله دنا...دنــان دنـه ودنـه ويـش وش كنه
كنه نجر وسط راحة ناقش الحنا...وده نسيًر عليه نذوق من بنه
أسبوع تعزم ولكن نعتذر احنا...ضاقت وقالت ترى ماهي ذه السنه
يامصعبي ليش ماودك تجي عنا...بدوية الشام واعرفها من اللكنه
قلت ابشري جيت جبت اللي تبي منا...لو كان راسي عطيه مابها منه
قالت سلامتْك ودي بك تشرفنا....ليلة بها الشعر أنا با جر لك لحنه
ودي من الشعر يالشاعر تسمعنا...هات مفتاح قلبك وانثر الخزنه
قلت صحراء خليه مابها قطنا...... مات يابس عبلها ينتظر شنه
حتى سماها عليها صارت تحنا....ترجي سحابٍ عبر لا يبخل بمزنه
الأرض عطشا لطش المزن تتمنا...تحلم بعودة مهاجرها على ظعنه
ناسها اللي منازلهم أبت تحنا....للتعرية والسنين اللي بها اللعنه
واقفه يوم أهلها مكنوا المبنا....والزخرفة كل زخرف ماسكٍ لونه
تقول ياللي تناظر شوف موطنا...جميل لكن زمانه مارحم إبنه
صبت البن ومدت بإيدها اليمنا...فنجالها وأشربه والهيل له خنه
قالت اللي وصفته شي يجمعنا....جرح غاير وقلب الناس مضننه
هذي فلسطين يالله تفرج المحنا...والعبل شعبها اللي مات في سجنه
أما السماء مسلمين تريد تسعدنا..سحابها حكمها اللي واضحن جبنه
المزن هو جيش بإن الله يحررنا...تحرر الأرض والمقتول في الجنه
أما المنازل صمود مقاومه منا...أبـطـال ضـد اليـهـودي مـاتـبا هدنه
أما السنين الحصار الي يطوقنا..واللعنه المعبر اللي خــاب راجنه
أما الزخارف كتايب ترفض الهونا..صاروخا من نوى ماهو بمخطنه
قــلت يكــفي وقـامت تثني البنا... وتقــول بنشدك ليلك ويش مزهنه
عينك دمرها سهرها وأتعب الجفنا...منهو الذي ذبح قلبك مستحلنه
قـلت عـبله وليلى وأختهن لبنا....لو يــوم شافــن وليــفي مايداننه
يــذبحهـن الغـيظ منه لامن تثنا....ولو تسأليهـن يقـولن لش يحبنه
الوصف فايق وتعجز عنه ألسنا...جمال شكـله فريد الله مسونه
ماحطت الروج والمكياج تخدعنا...متبرقعه حظ برقعها على الوجنه
مسحور قلبي بها وأظنه أنجنا...من يوم ذيك العيون السود صابنه
لاجيت أبانام ليلي زين وأتهنا...الــقـلـب عـيًـن هـمومـه لا يخـلنه
أشهد إن الحلو في حبه أبلشنا...لـيـتـه تـجـمـل مع قـلبي بما إنه
لكن شرع الهوى خايب به الظنا...قاضيه ظالم وسيرة مانفع دهنه
قالت من أي العرب وابليس يسمعنا..قلت العذر خايف السر تفشنه
قالت بكيفك وهاك اللي يسهرنا...فنجال ثالث مادام ان السهر مهنه
قالت حياتك وقلت الله يخارجنا...شاعر حياته سنين العمر يشقنه
صابر على وقت أبدن مايجاملنا..لامن نوى شي شله ماطلب إذنه
وقت جاير عسى الرحمن يرحمنا..عـالـم بقلبي وكل اللي مخفنه
والحظ مقطوع مابه حيل يسعفنا...يــاكم زهـمـتـه ولـكـنه ولكـنه
صار مثل الكبير اللي به الوهنا...اليا تكلم ردف في كلمته أنه
قررت أبيعه وبدفع كلفة الشحنا...ياوين حظٍ عليه الناس منكنه
العمر نصفه عبر مليان بالشجنا..ياالله عسا اللي بقا بالخير مسقنه
ألقى بها كل شفٍ ضاع والسهنا...وأخمد حسايف بقلبي نارها دمنه
العمر وش قيمته لا صار يتعبنا...وراعيه محمله تايه في بحر حزنه
العمر معلوم مهما طال بايفنا...نـــزاع روحه وصل والله موصنه
ياحظ من كان موته خاتمه حسنا..أعماله الصالحة في القبر ينجنه
واللي حياته قضت فاللهو والمجنا..أعماله الطالحه في القبر يبكنه
يالله طلبتك على الطاعه تثبتنا...واحسن ختامي وجسمي لابسٍ كفنه
هذي ظروفي ورزقي عند خالقنا...ونفسي طموحه لها للعاليه حنه
أحب ذكر الرجال اللي تنومسنا...ذياب حل النوايب عارفه فطنه
أجواد والفـــال فيها ما يخـيـبنا...شجعان في روسها للمرجله عنه
أرتاح لامن طرى طاري يذكرنا..باللي رحــل لـكـن أفـعـاله يـردنه
رجال وإسمه الى منه طرى يثنا..صقرٍ ٍ وسود البراقع ما يجيـبنه
إن عذربو فيه حسادة من الوحنا..ريح ٍ وذاك الجبل مازعزعت ركنه
أحب منهم على شداتها رعــنا...هـامـات مـاتـنحـني لا جاتها محنه
ناسٍ ٍ لقـولة نعـم تـتعب وتتعنا...أهل الكرم لو وفا الديان من دينه
الضيف لامن لفا في واجبه عونا..يذبح لضيفه من اللي واضح ٍ سمنه
شهم ٍ وجــارة بحـقة دايما يعـنا...حتى ولو كان جـــارة هو معادنه
لا غــاب جارة رعــا دارة ولا منا...يصون عرضة لو النسوان باعنه
يشيم نفسة ويزجرها حذر تدنا....حـتـى ولـو كــان بأنـفسهن ينادنه
مكارم أخلاق ليت الناس تتأنا...وتذكر اللي خلق الإنسان من حفنه
والفقر ماهو بعيب الفقر يسترنا...العــيب سود السحايب ما يغطنه
العيب فعلة خزى ذكرة يشوهنا...والفقر درب أنكتب والعبد ماشنه
والفقر وشهو مادامه ماينقصنا...الله كفل رزقنا ماحد خلي بطنه
والمال يوم القيامه نقمة ولعنا...ثعبان ربي على الأعناق لاونه
والكبر يالأغنياء لا ما يزعلنا...يزًعل الله يــوم الـعـبـد ناسنه
والمصطفى في حديث الكبر نبهنا..خسران راعيه ياللي فاهم السنه
واللي تواضع لربه يرفعه شأنا...والكبـر لله لا لإنـسـه ولا جنه
حياة الإنسان تصبح مالها معنا....لاصار ماله هدف منشود باغنه
أحب شوف البروق وراعد يحنا..وشوف السواقي حلو والسيل فيهنه
أحب ريح المطر في البر ينعشنا..وأحب شوف الزهر والذود يرعنه
أهيم من صوت راعيها فلا غنا...يهيجن بصوته وتمشي له على وزنه
وليلة مع البدو نجلسها تونسنا...يـنـسـا بـهـا الـقـلب كل اللي مأذنه
في شق خيمة وضاح البدر يكشفنا..فيها المزايين من جاهن يحيينه
نـذوق شــاهي يـسـونه ويعجبنا...واللي عجبهن لحلو الهرج جرنه
يازين قـعـده تـنـسيـنا مشـاغلنا...فيها الهواتف غلقناها من الرنه
نرتاح مـنها وكـل اللي يطفشنا...أنسا دوامي وأنسا العالم وشأنه
وأحب ماهو لماضـينا يـشوقنا...ماضي زمن في كلن موتره هجنه
ماضي حياته تسولف عن بساطتنا...وتعلم العبد كيــف الله معطــنه
أرتاح لا من هرج شايب يحدثنا...هروج منهو جهلها تنتبه إذنه
سوالف جميله جرت منها تعلمنا...فيها دروس وحكم عقلك يفيدنه
خير من سالفه لاجت تفشلنا...ماضوعها مابه الا الساقطه ضمنه
ودك اللي هرجها بصمته أكرمنا...ولف شدقة مادام السالفه عفنه
فضايح حريم العرب عنده يخبرنا...لو هو سترها ستره الله ياغبنه
أضيق من شوفته جعله يفارقنا...عندة لحب اللقافه خرمه ودمنه
كم في خفوقي طواري حول حاضرنا.طواري أسمع لها في ضامري زنه
لكن وقتي أظنه صار يدركنا....واللي شغل ضامري لبعدين با كنه
الليل أشوفه هرب والصبح واصلنا.ياحظ منهو بنومه مهتني جفنه
ياعين نامي عسى نومك يريحنا...يرتــاح خــاطـر بـلاويًة يغـثنه
ياهاجسي علًم اللي بات مقهدنا...دنان راسي هدى بعد الشعر دنه
قصيدة مية بيت يسمعها ويعذرنا..قصيدة جديدة لعينه طازجة سخنه
إن قال عنوانها قل وافي المعنا...إن قال ويش البحر مسحوبها غنه
هذا وياهاجسي ذالساعه اسمحنا..النـوم سـلطان وعـيوني يهابنه
جتك القصيدة وسمعها له وغنا...وأنا مية بيت أقول إنهن يكفنه
المصعبي قال عندي وافي المعنا..والشعر ياهاجسي ماانته بري منه
وسلامتكم
الإهداءات
07-02-2009, 02:49 PM
وافي المعنا....100بيت....للشاعر /محمد صالح المصعبي
كل بنيان يهدم من راسه الا بنيان الاوهام فيهدم من ساسه.gif)
العرض العادي
